ຈາກກໍລະນີການລາຍງານຂອງ ຄະນະສະເພາະກິດ ກວດພົບຜູ່ຕິດເຊື້ອໂຄວິດ-19 ເພີ່ມ 1 ຄົນ ເປັນເພດຊາຍ ອາຍຸ 29 ປີ, ສັນຊາດລາວ, ອາຊີບ ນັກກິລາກອງທັບ ເຊີ່ງກ່ອນໜ້າຜູ້ກ່ຽວໄດ້ເດີນທາງໄປ ສ ຣັດເຊຍ. ກວດພົບຢູ່ສູນກັກກັນແຮງງານຫຼັກ 27. ເຮັດໃຫ້ຕົວເລກສະສົມ ຜູ່ຕິດເຊື້ອຢູ່ ສປປລາວ ເພີ່ມເປັນ 23 ຄົນ, ກໍາລັງປິ່ນປົວຢູ່ ໂຮງໝໍ 150 ຕຽງ 2 ຄົນ, ປົວຫາຍດີແລ້ວ 21 ຄົນ (ກັບບ້ານແລ້ວ). ສ່ວນລາຍລະອຽດ ຂອງເສັ້ນທາງຕິດເຊື້ອ ມີດັ່ງນີ້:
ວັນທີ 8 ສິງຫາ 2020: ເດີນທາງຈາກ ສປປ ລາວ ເວລາ 13:50 ໂມງ ໄປປະເທດຣັດເຊຍ ໂດຍຜ່ານ ປະເທດຫວຽດນາມ, ຜູ້ກ່ຽວເດີນທາງ ໂດຍສາຍການບິນເໝົາລຳຫວຽດນາມໄປ ສ ຣັດເຊຍ; ກ່ອນໜ້າເດີນທາງອອກ ສປປ ລາວ, ຜູ້ກ່ຽວໄດ້ກວດຫາເຊື້ອ COVID-19 (ຄັ້ງທີ 1) ເວລາ 9:00 ໂມງ;
ວັນທີ 9 ສິງຫາ 2020: ເດີນທາງຮອດ ສ. ຣັດເຊຍ ວັນທີ 09 ສິງຫາ 2020 , ທີມແພດໄດ້ເກັບຕົວຢ່າງ ກວດຫາເຊື້ອ COVID-19ໃນມື້ທຳອິດ ແລະ ກັກໂຕຢູ່ໂຮງແຮມແຕ່ວັນທີ 09 ຫາ ວັນທ 11 ສິງຫາ 2020; ຜົນກວດບໍ່ພົບເຊື້ອ COVID-19 (ຄັ້ງທີ 2);
ວັນທີ 12 ສິງຫາ ຫາ ວັນທີ 7 ກັນຍາ 2020 : ຢູ່ຄ້າຍທະຫານ, ເວລາໄປຮອດຄ້າຍທະຫານ ໄດ້ເກັບຕົວຢ່າງ ເພື່ອກວດຫາເຊື້ອ COVID-19 (ຄັ້ງທີ 3) ແລະ ຜົນກວດແມ່ນບໍ່ພົບເຊື້ອ. ທີມງານນັກກິລາ ໄດ້ອາໄສຢູ່ຄ້າຍທະຫານ ຈົນຮອດມື້ເດີນທາງກັບ ສປປ ລາວ. ເວລາກິນອາຫານແມ່ນກິນແບບບຸບເຟ່; ໃນໄລຍະທີ່ຢູ່ ສ ຣັດເຊຍ ບໍ່ໄດ້ໄປຮວ່ມກຸ່ມກັບທີມງານຊາດອື່ນ; ໃນນີ້ ວັນທີ 26 ສິງຫາ 2020: ມີໄຂ້ຄີງຮ້ອນ ໄດ້ພົບແພດ, ໄດ້ກິນຢາດີຫວັດ ແລະ ຢາຕ້ານເຊື້ອ ຈໍານວນ 02 ແຜງ ຫຼັງຈາກນັ້ນອາການດີຂື້ນ;
ວັນທີ 7 ກັນຍາ 2020 : ເດີນທາງຈາກ ສ ຣັດເຊຍ ມາ ສສ ຫວຽດນາມ, ໃນຖ້ຽວບິນມີຜູ້ໂດຍສານ ທັງໝົດປະມານ 200 ປາຍຄົນ, ໃນນັ້ນມີຄົນສັນຊາດຫວຽດນາມປະມານ 100 ປາຍຄົນ, ຍົນໄດ້ລົງສະໜາມບິນຫວຽດນາມ ເພື່ອໃຫ້ຜູ້ໂດຍສານຫວຽດນາມລົງ ແຕ່ຜູ້ໂດຍສານຄົນລາວນັ່ງຖ້າໃນຍົນ; ມາຮອດ ສສ ຫວຽດນາມວັນທີ 08 ກັນຍາ 2020; ຜູ້ໂດຍສານເທິງເຮືອບິນທັງໝົດ ໄດ້ໃສ່ຊຸດປ້ອງກັນໂຕ (PPE), ຜູ້ກ່ຽວນັ່ງຕັ່ງເລກທີ 51 E;
ວັນທີ 8 ກັນຍາ 2020 : ໃນຖ້ຽວບິນຈາກ ສສ ຫວຽດນາມ ມາຈາກ ສປປ ລາວມີຜູ້ໂດຍສານທັງໝົດ 101 ຄົນ (ນັກກິລາທະຫານ 42, ນັກຮຽນທະຫານ 43, ຈຸບິນ 07 ຄົນ, ແພດ 04 ຄົນ, 05 ຄົນ ແມ່ນນັກສຶກສາຝ່າຍປົກຄອງພົນລະເຮືອນ); ເດີນທາງມາຮອດ ສປປ ລາວ ເວລາ 9 ໂມງເຊົ້າ ແລະ ເດີນທາງໄປສູນກັກກັນຫຼັກ 27 ດວ້ຍລົດເມ; ຜູ້ໂດຍສານທັງໝົດໄດ້ແກ້ຊຸດປ້ອງກັນໂຕ (PPE) ຢູ່ລົດເມ ກ່ອນລົງສູນກັກກັນຫຼັກ 27; ໄດ້ເກັບຕົວຢ່າງກວດຫາເຊື້ອ COVID-19 ຢູ່ ສູນກັກກັນຫຼັກ 27 (ຄັ້ງທີ 1 ຫຼັງຈາກມາຮອດ ສປປ ລາວ). ໃນເວລາຢູ່ສູນກັກກັນລາວອາໄສຢູ່ກັບໝູ່ 2 ຄົນ;
ວັນທີ 9 ກັນຍາ 2020 : ຜົນກວດຫາເຊື້ອ COVID-19 ບໍ່ຊັດເຈນ
ວັນທີ 10 ກັນຍາ 2020 : ໄດ້ເກັບຕົວຢ່າງຄືນຄັ້ງທີ 2 ເວລາ 09:30 ໂມງ, ຕົວຢ່າງມາຮອດ ສວລ ໃນເວລາ 11:00 ໂມງ; ຜົນກວດອອກມາພົບເຊື້ອພະຍາດ COVID-19
ຂ່າວກ່ອນໜ້ານີ້
ດ່ວນທີ່ສຸດ ມື້ນີ້ ວັນທີ 11 ກັນຍາ 2020 ຄະນະສະເພາະກິດ ໄດ້ຈັດພິທີຖະແຫຼງຂ່າວລາຍງານສະພາບການລະບາດຂອງພະຍາດໂຄວິດ-19 ເຊິ່ງເປັນຂ່າວຮ້າຍ ພົບຜູ້ຕິດເຊື້ອພະຍາດດັ່ງກ່າວເພີ່ມອີກ 1 ຄົນ ເປັນກໍລະນີນໍາເຂົ້າ ທີ່ເດີນທາງມາແຕ່ລັດເຊຍ.
ດ່ວນທີ່ສຸດ ມື້ນີ້ ວັນທີ 11 ກັນຍາ 2020 ຄະນະສະເພາະກິດ ໄດ້ຈັດພິທີຖະແຫຼງຂ່າວລາຍງານສະພາບການລະບາດຂອງພະຍາດໂຄວິດ-19 ເຊິ່ງເປັນຂ່າວຮ້າຍ ພົບຜູ້ຕິດເຊື້ອພະຍາດດັ່ງກ່າວເພີ່ມອີກ 1ຄົນ ເປັນກໍລະນີນໍາເຂົ້າ..
ຜູ່ຕິດເຊື້ອໂຄວິດ-19 ເພີ່ມ 1 ຄົນ ເປັນເພດຊາຍ ອາຍຸ 29 ປີ, ສັນຊາດລາວ, ອາຊີບ ນັກກິລາກອງທັບ ເຊີ່ງກ່ອນໜ້າຜູ້ກ່ຽວໄດ້ເດີນທາງໄປ ສ ຣັດເຊຍ. ກວດພົບຢູ່ສູນກັກກັນແຮງງານຫຼັກ 27.
ຄລິບຖະແຫຼງຂ່າວ
