ໃນວັນທີ 10 ກັນຍາ 2020 ນີ້ ທ່ານຄຳແພງເພັດທຸມພອນ ກຳມະການພັກແຂວງ ເລຂາພັກເມືອງ ເຈົ້າເມືອງອາະພອນ ພ້ອມຄະນະ ລົງຕິດຕາມຂະບວນການສ້ອມແປງຂົວຫ້ວຍກົກຕານ 1 ແລະ 2 ຢູ່ບ້ານໂນນມີໄຊຈຸດສຸມໂນນມີໄຊ ເມືອງອາດສະພອນ
ໂດຍການນຳພາສ້າງຂະບວນການຄັ້ງນີ້ ມີທ່ານດາວເຮືອງແກ້ວມະນີວົງ ກຳະການພັກເມືອງ ຫົວໜ້າຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມືອງທັງແມ່ນຫົວໜ້າຈຸດສຸມໂນນມີໂຊພ້ອມຄະນະ,ຄະນະພັກ-ຄະນະບັນຊາກຳລັງອ້າຍນ້ອງທະຫານກອງພັນ 94, ຄະນະ ປກສ ກຸ່ມບ້ານທີ VIII ພ້ອມດ້ວຍການຈັດຕັ້ງ ແລະ ພໍ່ແມ່ປະຊາຊົນຊາວບ້ານໂນນມີໄຊເຂົ້າຮ່ວມສ້ອມແປງທັງໜົດ 143 ຄົນ, ຍິງ 27 ຄົນ ຂົວດັ່ງກ່າວແມ່ນຕັ້ງຢູ່ສາຍທາງເລກທີ 10, ຂົວຫ້ວຍກົກຕານ 1 ມີຄວາມຍາວ 13 ແມັດ, ກ້ວາງ 5 ແມັດ ໄດ້ປ່ຽນໄມ້ຮອງລໍ້ໃໝ່, ຂົວຫ້ວຍກົກຕານ 2 ມີຄວາມຍາວ 12 ແມັດ, ກ້ວາງ 5 ແມັດ ໄດ້ປ່ຽນຖ່າຍໄມ້ຂາງຂົວ, ແປ້ນປູພື້ນຂົວ, ແປ້ນຮອງລໍ້ໂຕທີ່ໃຊ້ງານບໍ່ໄດ້ອອກ, ພ້ອມທັງຂຸດດິນຖົມສົ້ນຂົວ, ໃຊ້ມູນຄ່າໃນການສ້ອມແປງຂົວ ສອງແຫ່ງດັ່ງກ່າວ 4 ລ້ານກວ່າກີບ
ເຊິ່ງໄດ້ມາຈາກການປະກອບສ່ວນຈາກຜູ້ປະກອບການທຸລະກິດຄ້າ-ຂາຍ, ຮ້ານສ້ອມແປງ ເຂດຈຸດສຸມໂນນມີໄຊ ແລະລົດໂດຍປະຈຳສາຍທາງເລກ 10 ນັ້ນກໍ່ເພື່ືອແກ້ໄຂຄວາມຫຍຸ້ງຍ່ກລຳບາກໃນການສັນຈອນໄປມາຂອງພໍ່ແມ່ປະຊາຊົນ, ນັກທຸລະກິດພໍ່ຄ້າຊາວຂາຍ ນ້ອງນັກຮຽນຕະຫຼອດຮອດມວນຊົນທົ່ວໄປທີ່ເດີນທາງຜ່ານຈຸດດັ່ງກ່າວໄດ້ຮັບຄວາມສະດວກສະບາຍຂຶ້ນກວ່າເກົ່າ ແລະໄດ້ໃຊ້ເວລາໃນການສ້ອມແປງເຄິ່ງວັນຈຶ່ງສຳເລັດ.
