ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ນະຄອນຫຼວງວຽງຈັນ: ບັນດາຄະນະບັນນາທິການ ແລະ ສື່ມວນຊົນລາວຈາກພາກສ່ວນຕ່າງໆ ອ້ອມຂ້າງສູນກາງເຂົ້າຮ່ວມການສໍາມະນາກ່ຽວກັບທິດຊີ້ນໍາຂອງນາຍົກລັດຖະມົນຕີທີ່ວ່າ: “ ສື່ມວນຊົນ ຕ້ອງເປັນຜູ້ກ້າ ປາກອອກແສງ ຜູ້ຮູ້ແທງຈິດໃຈ ຜູ້ສະດຸ້ງໄວເມື່ອອ່ານ ຜູ້ຮູ້ຜ່ານອຸປະສັກ ຜູ້ທີ່ຮັກຄວາມຈິງ ຜູ້ທີ່ຍິງຖືກເປົ້າ” ຈັດຂຶ້ນໂດຍສະມາຄົມນັກຂ່າວແຫ່ງ ສປປ ລາວ ໃນວັນທີ 10 ກັນຍາ 2020 ທີ່ສໍານັກຫນັງສືພິມພາສາຕ່າງປະເທດ, ນະຄອນຫລວງວຽງຈັນ.

ຈຸດປະສົງຂອງການສໍາມະນາຄັ້ງນີ້ ເພື່ອນໍາເອົາທິດຊີ້ນໍາດັ່ງກ່າວຂອງນາຍົກລັດຖະມົນຕີມາເຍືອງໃສ່ການປະຕິບັດຫນ້າທີ່ຕົວຈິງຂອງສື່ມວນຊົນລາວໃນປັດຈຸບັນນີ້ ເພື່ອໃຫ້ເຫັນໄດ້ຈຸດແຂງທີ່ຕ້ອງເສີມຂະຫຍາຍ ແລະ ຈຸດອ່ອນທີ່ຕ້ອງທີ່ຕ້ອງໄດ້ສືບຕໍ່ປັບແປຸງແກ້ໄຂໃຫ້ດີຂຶ້ນເພື່ອຕອບສະຫນອງຄວາມຮຽກຮ້ອງຕ້ອງການຂອງສັງຄົມໃນໄລຍະໃຫມ່ ໂດຍສະເພາະໃນໄລຍະທີ່ມີການລະບາດຂອງພະຍາດໂຄວິດ-19 ຢູ່ໃນທົ່ວໂລກປັດຈຸບັນຕ້ອງໄດ້ຮີບຮ້ອນປ່ຽນແປງ ແລະ ແກ້ໄຂແບບແຜນວິທີເຮັດວຽກໃຫ້ສອດຄ່ອງ ແລະ ທ່ວງທັນຕາມສະພາບການ New Normal.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ໃນໂອກາດຂ່າວໄຂການສໍາມະນາໃນຄັ້ງນີ້ ທ່ານ ສະຫວັນຄອນ ຣາຊມຸນຕີ ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ກ່າວວ່າ: ເພື່ອຈັດຕັ້ງຜັນຂະຫຍາຍທິດຊີ້ນໍາຂອງນາຍົກລັດຖະມົນຕີດັ່ງກ່າວ ສື່ມວນຊົນພວກເຮົາຕ້ອງປັບປຸງປ່ຽນແປງ ໂດຍລຸກໃຫມ່ ນັ່ງໃຫມ່ໃນການສະຫນອງຂໍ້ມູນຂ່າວສານຜ່ານຜະລິດຕະພັນສື່ຂອງຕົນສູ່ສັງຄົມ ໂດຍພະຍາຍາມອອກຈາກແບບແຜນເຮັດຂ່າວ ກໍຄື ການໂຄສະນາແບບເກົ່າ ເພື່ອບໍ່ໃຫ້ເນື້ອໃນແຂງກະດ້າງ, ຮູບແບບແຫ້ງກະດ້າງ, ຂ່າວຊໍ້າຊາກແຕ່ອັນເກົ່າ ເຮັດໃຫ້ສັງຄົມບໍ່ຢາກຕິດຕາມຟັງ, ເບິ່ງ ແລະ ອ່ານ.

ພ້ອມກັນນີ້ ສື່ມວນຊົນ ຕ້ອງໄດ້ສໍາຫລວດເບິ່ງຄວາມນິຍົມຂອງແຕ່ລະສື່, ແຕ່ລະຄໍລໍາ, ແຕ່ລະລາຍການເປັນແຕ່ລະໄລຍະ ເພືອສະຫນອງຂໍ້ມູນຂ່າວສານໃຫ້ສັງຄົມຖືກຕ້ອງຊັດເຈນໄປເຖີງກຸ່ມດປົ້າຫມາຍໄດ້ຢ່າງວ່ອງໄວ ແລະ ທັນການ, ພ້ອມດຽວກັນກໍ່ເພີ່ມຄວາມເປັນເຈົ້າການ ແລະ ສະດຸ້ງໄວໃນການຕອບໂຕ້ກັບບັນຫາສິ່ງຫຍໍ້ທໍ້ ແລະ ອັດຕັນການພັດທະນາຕ່າງໆ, ລວມທັງກົນອຸບາຍຫັນປ່ຽນໂດຍສັດຕິຂອງອິດທິປໍລະປັກ ແລະ ການໃສ່ຮ້າຍປ້າຍສີຂອງກຸ່ມຄົນບໍ່ຫວັງດີ ເພື່ອທໍາລາຍຄວາມເຊື່ອຖືຕໍ່ການນໍາພັກ-ລັດຂອງລາວເຮົາ.

ໃນການສໍາມະນາຄັ້ງນີ້ ບັນດາບັນນາທິການ ແລະ ສຶ່ມວນຊົນທີ່ເຂົ້າຮ່ວມ ໄດ້ຮັບຟັງ ແລະ ແລກປ່ຽນຄໍາຄິດຄໍາເຫັນຫລາຍຢ່າງກັບຜູ້ທີ່ມີປະສົບການທັງພາກລັດ ແລະ ທຸລະກິດຫລາຍທ່ານທີ່ເຄີຍເຮັດວຽກງານໃນດ້ານສື່ມວນຊົນມາແລ້ວຫລາຍປີ ເຊີ່ງຖືເປັນບົດຮຽນທີ່ດີໃຫ້ແກ່ສື່ມວນຊົນທີ່ເຂົ້າຮ່ວມການສໍາມະນາໄປປັບປຸງຕົວເອງ ໂດຍສະເພາະການຈັດຕັ້ງຜັນຂະຫຍາຍຂອງນາຍົກລັດຖະມົນຕີໃນໂອກາດສະເຫລີມສະຫລອງວັນສື່ມວນຊົນ ແລະ ການພິມຈໍາຫນ່າຍລາວ ຄົບຮອບ 70 ປີ ໃຫ້ປະກົດຜົນເປັນຈິງເທື່ອລະກ້າວ.

Lao National Radio

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here