ພິທີມອບ-ໂອນການຄຸ້ມຄອງສູນຈໍາກັດບໍລິເວນ ຫລັກ27 ນະຄອນຫລວງວຽງຈັນ ໃຫ້ກົມເສນາຮັກ ກະຊວງປ້ອງກັນປະເທດຄຸ້ມຄອງ ຈັດຂຶ້ນຕອນບ່າຍ ວັນທີ 9 ກັນຍາ 2020 ທີ່ຫ້ອງວ່າການນະຄອນຫລວງວຽງຈັນ ໂດຍມີທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ຜູ້ປະຈໍາການຄະນະສະເພາະກິດຄວບຄຸມໂຄວິດ19 ຂັ້ນສູນກາງ, ທ່ານບຸນທອງ ພົມມະຈັນ ຮອງຫົວໜ້າຄະນະສະເພາະກິດຄວບຄຸມໂຄວິດ19 ນະຄອນຫລວງວຽງຈັນ, ພົນຈັດຕະວາ ວໍລະສານ ວິລັດດາວົງ ຮອງຫົວໜ້າກົມໃຫ່ຍ ການເມືອງກອງທັບ ຮອງຫົວໜ້າສະເພາະກິດຄວບຄຸມໂຄວິດ19 ກະຊວງປ້ອງກັນປະເທດ ພ້ອມດ້ວຍພະນັກງານ, ວິຊາການ ແລະພາກສ່ວນກ່ຽວຂ້ອງເຂົ້າຮ່ວມ

ດຣ .ນາລີ ຂັນທະລັກ ຫົວໜ້າສູນຈໍາກັດບໍລິເວນຫລັກ27 ໃຫ້ຮູ້ວ່າ: ສູນຈໍາກັດແຮງງານລາວ ຕັ້ງຢູ່ຫລັກ 27 ບ້ານສົມສະຫັວນ ເມືອງໄຊທານີ ນະຄອນຫລວງວຽຈັນ ພາຍໃນສູນມີທັງໝົດ 7 ຕຶກ, ມີ 336 ຫ້ອງ, ເປັນຕຶກສອງຊັ້ນ ແຕ່ລະຕຶກມີ 48 ຫ້ອງ, ຫ້ອງປະຊຸມ 2 ຫ້ອງ, ສາງເກັບເຄື່ອງ 2 ຫ້ອງ. ຄະນະສະເພາະກິດ ໄດ້ນຳໃຊ້ທັງໝົດ 6 ຕຶກ, ທັງໝົດ 288 ຫ້ອງ,ແຕ່ສາມາດນຳໃຊ້ຕົວຈິງ 240 ຫ້ອງ ມີບ່ອນນອນ 500 ຊຸດ, ມີພະນັກງານປະຈຳການຢູ່ສູນ 85 ຄົນທີ່ມາຈາກຫຼາຍພາກສ່ວນ ຄື: ພະແນກສາທາລະນະສຸກ ນະຄອນຫຼວງ, ພະແນກສືກສາທິການແລະກິລາ , ພະແນກແຮງານແລະສະຫວັດດີການສັງຄົມ , ລັດວິສາຫະກິດນໍ້າປະປາລາວ, ຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ, ກອງບັນຊາການ ປກສ, ກອງບັນຊາການທະຫານ ນະຄອນຫລວງ, ແພດໝໍຈາກໂຮງໝໍເມືອງ ໄຊທານີ ແລະ ໂຮງໝໍເມືອງ ໄຊເສດຖາ.

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ

ເລີ່ມແຕ່ວັນທີ 4 ພຶດສະພາ ຫາ ວັນທີ 31 ສິງຫາ 2020 ມີແຮງງານລາວກັບມາຈາກຕ່າງປະເທດ ເຂົ້າມາຈໍາກັດ ຢູ່ສູນທັງໝົດ 3.528 ຄົນ ເພດຍິງ 1.860 ຄົນ, ໃນນັ້ນມາຈາກປະເທດໄທ 2.925 ຄົນ, ຜ່ານດ່ານຂົວມິດຕະພາບລາວ-ໄທ 1 ຈຳນວນ 2.708 ຄົນ, ລັກຂ້າມມາໂດຍບໍ່ຜ່ານດ່ານ 218 ຄົນ, ມາຈາກປະເທດອື່ນໆ 601 ຄົນ. ຄົບກໍານົດຈໍາກັດ 14 ມື້ ອອກຈາກສູນໄປແລ້ວ 3.379 ຄົນ ເປັນເພດຍິງ 1.773 ຄົນ, ຈາກນະຄອນຫຼວງ 1.027 ຄົນ, ຕ່າງແຂວງ 2.352 ຄົນ, ປະຈຸບັນ ຍັງສືບຕໍ່ຈໍາກັດຢູ່ສູນ 149 ຄົນ ເພດຍິງ 86 ຄົນ, ນະຄອນຫຼວງ 79 ຄົນ ແລະ ຕ່າງແຂວງ 70 ຄົນ .

ດຣ .ນາລີ ຂັນທະລັກ ໃຫ້ຮູ້ເຖິງ ກິດຈະກໍາທີ່ໄດ້ປະຕິບັດຢູ່ສູນວ່າ: ການໂຄສະນາສຸຂະສຶກສາ ໃຫ້ຄວາມຮູ້ກ່ຽວກັບວິທີການປ້ອງກັນພະຍາດCOVID-19, ພະຍາດຕິດຕໍ່ອື່ນໆ ແລະ ການຮັກສາ ອະນາໄມ 3 ສະອາດ ໃນການດຳລົງຊີວິດຢູ່ສູນ ໃຫ້ແຮງງານລາວທີ່ເຂົ້າມາ ເພື່ອໃຫ້ເຂົາເຈົ້າຮັບຮູ້, ເຂົ້າໃຈ ແລະເປັນເຈົ້າການປະຕິບັດດ້ວຍຕົນເອງເຊັ່ນ:

– ຕິດຕາມແທກອຸນຫະພູມຮ່າງກາຍໃຫ້ແຮງງານທຸກຄົນທີ່ເຂົ້າມາພັກໃນສູນມື້ລະ2 ຄັ້ງ (ເຊົ້າ-ແລງ)

– ເຮັດອະນາໄມ ພົ່ນຢາຂ້າເຊື້ອຫ້ອງນອນກ່ອນທີ່ແຮງງານຈະເຂົ້າມາພັກເຂົ້າ ແລະຫລັງຈາກແຮງງານອອກຈາກສູນ.

– ໃຫ້ບໍລິການປິ່ນປົວສຸຂະພາບ ໃນກໍລະນີເຈັບເປັນສຸກເສີນ ດ້ວຍການໃຫ້ຢາປິ່ນປົວກັບທີ່ ແລະ ນຳສົ່ງໄປໂຮງໝໍ ໃນກໍລະນີຈຳເປັນ ເຊິ່ງມີຜູ້ເຈັບເປັນທັງໝົດ ຈຳນວນ 130 ເທື່ອຄົນ, ນຳສົ່ງໄປປິ່ນປົວຢູ່ໂຮງໝໍສູນກາງ ທັງໝົດ 22 ຄົນ ໃນນັ້ນ ມີປິ່ນປົວທົ່ວໄປ 18ຄົນ, ເກີດລູກ 3 ຄົນ, ໄປປິ່ນປົວຢູ່ໂຮງໝໍປົວຕາ 1 ຄົນ ແລະຈ່າຍຢາປິ່ນປົວໃຫ້ 20ກວ່າລາຍການ

– ເກັບກຳຂໍ້ມູນດ້ວຍການສຳພາດແຮງງານທີ່ກັບມາຈາກປະເທດໄທ ເພື່ອກະກຽມຊອກຫາວິທີການຊ່ວຍເຫຼືອໃຫ້ແຮງງານເຫຼົ່ານັ້ນໃຫ້ມີວຽກເຮັດງານທຳ ພ້ອມທັງປຸກລະດົມໃຫ້ເຂົາເຈົ້າເຮັດວຽກຢູ່ລາວແລະໃຫ້ສະໜອງຂໍ້ມູນການໄປເຮັດວຽກຢູ່ຕ່າງປະເທດແບບປອດໄພແລະຖືກຕ້ອງຕາມລະບຽບກົດໝາຍ .

– ເອົາໃຈໃສ່ ກວດກາ ປ້ອງກັນຄວາມສະຫງົບ, ຕິດຕາມແຮງງານທີ່ເຂົ້າມາກັກກັນຢູ່ສູນຕະຫລອດ 24 ຊົ່ວໂມງ.

– ເກັບຕົວຢ່າງໄປກວດຊອກຫາເຊື້ອCOVID-19 ໃຫ້ທຸກຄົນ ຜົນກວດທັງໝົດອອກມາເປັນລົບ.

– ເຮັດການສຳຫຼວດ ຊອຫາຜູ້ສົງໃສເປັນພະຍາດວັນນະໂລກ ດ້ວຍການໃຫ້ສຸຂະສຶກສາ, ສ່ອງລັງສີຜົ້ງເອິກແລະເກັບຕົວຢ່າງ ໄປກວດຫາເຊື້ອ 4 ຄັ້ງ, ທັງໝົດ 800ຄົນ, ພົບຜູ້ເປັນພະຍາດວັນນະໂລກ 5 ຄົນ ໄດ້ຂື້ນທະບຽນ ແລະ ໃຫ້ຢາປິ່ນປົວແລ້ວ.

– ເຮັດການສຳຫຼວດ ຊອຫາຜູ້ສົງໃສຕິດເຊື້ອເອດ ແລະ ພະຍາດຕິດຕໍ່ທາງເພດສຳພັນ ດ້ວຍການໃຫ້ສຸຂະສຶກສາ ແລະ ກວດເລືອດ ຊອກຫາເຊື້ອ HIV ຈຳນວນ 900 ຄົນ, ໃນນັ້ນ ພົບຜູ້ຕິດເຊື້ອ HIV 4 ຄົນໄດ້ຂື້ນທະບຽນ ແລະ ໃຫ້ຢາປິ່ນປົວແລ້ວ.

ການມອບ-ໂອນ ການຄຸ້ມຄອງບໍລິຫານ ສູນຈໍາກັດບໍລິເວນ ຫລັກ27 ໃຫ້ກົມເສນາຮັກ ກະຊວງປ້ອງກັນປະເທດຄຸ້ມຄອງ ດ້ວຍຄວາມເຫັນດີຂອງການນໍາຂັ້ນສູງພັກ-ລັດ ໂດຍສະເພາະຄະນະສະເພາະກິດຄວບຄຸມໂຄວິດ19 ຂັ້ນສູນກາງ ເພາະຝ່າຍກອງທັບມີຄວາມພ້ອມຫລາຍດ້ານ ເປັນຕົ້ນແມ່ນເປັນເຈົ້າຂອງສະຖານທີ່, ທັງມີບົດຮຽນ, ປະສົບການ ແລະກໍາລັງພຽງພໍໃນການບໍລິຫານວຽກງານນີ້.

LEAVE A REPLY

Please enter your comment!
Please enter your name here