ໃນວັນທີ 5 ກັນຍາ 2020 ຢູ່ທີ່ ບ້ານໂພນສະຫວັນ ເມືອງທ່າພະບາດ ແຂວງບໍລິຄໍາໄຊ ທ່ານ ພູວົງ ພີມມະສອນ ຮອງເລຂາພັກເມືອງ ຜູ້ຊີ້ນຳວຽກງານກໍ່ສ້າງຮາກຖານ ແລະ ອຳນາດການປົກຄອງບ້ານ ຮ່ວມກັບປະຊາຊົນພາຍໃນບ້ານດັ່ງກ່າວພ້ອມກັນໄດ້ລົງມືປຸກສ້າງເຮືອນ 1 ຫຼັງໃຫ້ຄອບຄົວທີ່ຍັງບໍ່ພົ້ນທຸກ 1 ຄອບຄົວ.
ຕາມການຢັ້ງຢືນຈາກອໍານາດການປົກຄອງບ້ານເບື້ອງຕົ້ນໃຫ້ຮູ້ວ່າ: ຄອບຄົວດັ່ງກ່າວເປັນຄອບຄົວທີ່ທຸກຍາກ ໃນຄອບຄົວມີສະມາຊິກທັງໝົດ 4 ຄົນ, ຍິງ 3 ຄົນ, ໃນນັ້ນ ພິການຂາ 1 ຄົນ, ຜູ້ສູງອາຍຸ 1 ຄົນ ແລະ ເດັກ 1 ຄົນ ແຮງງານຕົ້ນຕໍແມ່ນມີ 1 ຄົນ.
ຄອບຄົວຜູ້ກ່ຽວແມ່ນມີເສົາຕັ້ງຢູ່ແລ້ວຂະໜາດ 6 x 7 ແມ້ັດ ສະນັ້ນ ອຳນາດການປົກຄອງຂອງເມືອງ, ບ້ານ ແລະ ປະຊາຊົນພາຍໃນບ້ານ ໄດ້ລະດົມແຮງງານ ແລະ ທືນເປັນເງິນຈຳນວນໜຶ່ງຊ່ວຍເຫຼືອ ຄື: ອົງການຈັດຕັ້ງທາງເມືອງໄດ້ຊ່ວຍເຫຼືອເປັນຈຳນວນເງີນ 1.390.000 ກີບ, ເງິນລວມບ້ານຈຳນວນ 260.000 ກີບ, ນ້ຳຈິດ ນ້ຳໃຈສ່ວນບຸກຄົນ ລວມເປັນເງີນ 568.000 ກີບ ຕົກເປັນຈຳນວນເງີນທັງໝົດ 2.218.000 ກີບ ແລະ ແຮງງານລວມ ມີ 60 ແຮງງານທີ່ເຂົ້າຮ່ວມຊ່ວຍເຫຼືອໃນຄັ້ງນີ້.
ການລະດົມທຶນ ແລະ ແຮງງານເພື່ອເຂົ້າຊ່ວຍເຫລືອຄອບຄົວດັ່ງກ່າວໃນຄັ້ງນີ້ ກໍເພື່ອເປັນການຊ່ວຍເຫລືອຄອບຄົວທີ່ພວມປະສົບບັນຫາທາງດ້ານການໃຊ້ຊີວິດ ອັນສືບເນື່ອງມາຈາກການຂາດເຂີນແຮງງານ ເພື່ອໃຫ້ເຂົາເຈົ້າໄດ້ມີຊີວິດທີ່ດີຂຶ້ນ ເໝືອນກັບຄອບຄົວອຶ່ນໆພາຍໃນບ້ານ.
