ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ໃນວັນທີ 07 ກັນຍາ 2020 ນີ້ ຢູ່ຫໍວັດທະນະທຳແຂວງບໍ່ແກ້ວ ມີກອງປະຊຸມເຜີຍແຜ່ຜົນສຳເລັດເນື້ອໃນຜົນສໍາເລັດຂອງກອງປະຊຸມສະໄຫມສາມັນເທື່ອ ທີ3 ຂອງສະພາແຫ່ງຊາດຊຸດ ທີ6 ແລະ ສະພາປະຊາຊົນແຂວງ ຊຸດທີ1 ໂດຍການເຜີຍແຜ່ໂດຍ ທ່ານ ເຄນທອງ ນວນທະສິງ ສະມາຊິກສະພາແຫ່ງຊາດ,ປະທານກໍາມະທິການຕ່າງປະເທດສະພາແຫ່ງຊາດສະມະຊິກສະພາແຫ່ງຊາດປະຈໍາເຂດເລືອກຕັ້ງ ທີ5 ແຂວງບໍ່ແກ້ວ, ທ່ານ ສົມພອນ ແກ້ວມະນີ ກໍາມະການພັກແຂວງ ຮອງປະທານສະພາປະຊາຊົນແຂວງ, ມີຄະນະປະຈໍາພັກແຂວງ, ກໍາມະການພັກແຂວງ,ຫົວຫນ້າ,ຮອງຫົວຫນ້າພະແນກການ, ອົງການທຽບເທົ່າ, ອົງການແນວລາວສ້າງຊາດ, ອົງການຈັດຕັ້ງມະຫາຊົນ, ໂຮງຮຽນ, ໂຮງຫມໍ, ລັດວິສາຫະກິດອ້ອມຂ້າງແຂວງ ກໍໄດ້ຊັບຊ້ອນເວລາ ເຂົ້າຮ່ວມ.

ທ່ານ ເຄນທອງ ນວນທະສິງ ໃຫ້ຮູ້ວ່າ: ກອງປະຊຸມເຫັນດີເປັນເອກະ ພາບ ຕໍ່ບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ເດືອນ, ຄາດຄະເນ 6 ເດືອນ ຕົ້ນປີ 2020 ແລະ ທິດທາງວຽກງານຈຸດສຸ່ມ 6 ເດືອນ ທ້າຍປີ 2020 ຊຶ່ງເຫັນວ່າລັດຖະບານໄດ້ມີຄວາມພະຍາຍາມສູ້ຊົນຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍຫຼາຍປະການ ໃນການຈັດຕັ້ງປະຕິບັດແຜນດັ່ງກ່າວ ຊຶ່ງສາມາດບັນລຸໄດ້ຄາດໝາຍຈໍານວນຫນຶ່ງທີ່ກໍານົດໄວ້ໃນແຜນການ, ແຕ່ພ້ອມດຽວກັນນັ້ນ ກໍມີຫຼາຍຄາດໝາຍບໍ່ສາມາດບັນລຸໄດ້ ອັນເນື່ອງມາຈາກ ການພັດທະນາເສດຖະກິດ-ສັງຄົມ ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19, ການທົດຖອຍຂອງເສດຖະກິດພາກພື້ນ ແລະ ຂອງໂລກ ແລະຄວາມຫຍຸ້ງຍາກທາງດ້ານເສດຖະກິດ-ການເງິນພາຍໃນປະເທດ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ VIII ໄດ້ຮັບຮອງເປັນມະຕິທັງໝົດ ຈໍານວນ 4 ສະບັບ ແລະ ກົດໝາຍປັບປຸງຈໍານວນ 3 ສະບັບ. ພ້ອມດຽວກັນນັ້ນ ກອງປະຊຸມໄດ້ກອງປະຊຸມເຫັນດີເປັນເອກະພາບ ຕໍ່ບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ເດືອນ, ຄາດຄະເນ 6 ເດືອນ ຕົ້ນປີ 2020 ແລະ ທິດທາງວຽກງານຈຸດສຸມ 6 ເດືອນ ທ້າຍປີ 2020, ຮັບຮອງເອົາການສະເໜີດັດແກ້ແຜນງົບປະມານແຫ່ງລັດ ປະຈໍາປີ 2020 ຕາມການສະເໜີຂອງລັດຖະບານ, ຮັບຮອງເອົາບັນດາມາດຕະການຈັດຕັ້ງປະຕິບັດແຜນດັດແກ້ງົບປະມານແຫ່ງລັດ ປະຈໍາປີ 2020, ຮັບຮອງເອົາການເລືອກຕັ້ງ ທ່ານ ລີເບີ ລີບົວປາວ ເປັນກໍາມະການ ຄະນະປະຈໍາສະພາແຫ່ງຊາດ, ເປັນປະທານກໍາມາທິການ ແຜນການ, ການເງິນ ແລະ ການກວດສອບ ສະພາແຫ່ງຊາດ, ຮັບຮອງເອົາບົດລາຍງານຜົນການຕິດຕາມກວດກາ ການຈັດຕັ້ງປະຕິບັດກົດໝາຍ ທີ່ຕິດພັນກັບການຄຸ້ມຄອງ ແລະ ນໍາໃຊ້ ຊັບພະຍາກອນທໍາມະຊາດ (ການຊອກຄົ້ນ, ສໍາຫຼວດ, ຂຸດຄົ້ນ ແລະປຸງແຕ່ງແຮ່ທາດ ແລະຫີນຜາ, ການຂຸດຄົ້ນຫີນແຮ່, ຊາຍ, ດິນດໍາ ເເລະດິນເເດງ ແລະ ການພິຈາລະນາ, ຮັບຮອງເອົາການປັບປຸງກົດໝາຍຈໍານວນ 3 ສະບັບ ຄື: ກົດໝາຍວ່າດ້ວຍການປັບປຸງບາງມາດຕາ ຂອງກົດໝາຍວ່າດ້ວຍສະພາແຫ່ງຊາດ, ກົດໝາຍວ່າດ້ວຍສະພາປະຊາຊົນຂັ້ນແຂວງ, ກົດໝາຍວ່າດ້ວຍການເລືອກຕັ້ງສະມາຊິກສະພາແຫ່ງຊາດ ແລະສະພາປະຊາຊົນຂັ້ນແຂວງ, ກົດໝາຍວ່າດ້ວຍການປັບປຸງບາງມາດຕາ ຂອງກົດໝາຍວ່າດ້ວຍນໍ້າ ແລະຊັບພະຍາກອນນໍ້າ, ກົດໝາຍວ່າດ້ວຍການປົກປັກຮັກສາສິ່ງແວດລ້ອມ ແລະ ກົດໝາຍວ່າດ້ວຍພາສີ.

ທ່ານ ສົມພອນ ແກ້ວມະນີ ຍັງໄດ້ເຜີຍແຜ່ເນື້ອໃນກອງປະຊຸມສະໄໝສາມັນ ເທື່ອທີ 9 ຂອງສະພາປະຊາຊົນແຂວງ ບໍ່ແກ້ວ ຊຸດທີ I ກອງປະຊຸມໄດ້ຮັບຮອງເອົາ ທ່ານ ຄໍາເກິ່ງ ຜິວວັນນາ ເປັນຫົວໜ້າພະແນກການຕ່າງປະເທດ, ຮັບຮອງເອົາ ທ່ານ ຈອມແພງ ວິໄລສານ ເປັນຫົວໜ້າພະແນກແຜນການ ແລະ ການລົງທຶນແຂວງ, ຮັບຮອງເອົາ ທ່ານ ວັນນະສອນ ໂພທິປັນຍາ ເປັນຫົວໜ້າອົງການ ພັດທະນາ ແລະ ບໍລິຫານຕົວເມືອງ, ຮັບຮອງເອົາບົດລາຍງານຂອງອົງການປົກຄອງເແຂວງ ກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ, ທິດທາງແຜນວຽກຈຸດສຸມ 6 ເດືອນທ້າຍປີ 2020 ແລະ ການດັດແກ້ຄາດໝາຍແຜນພັດທະນາເສດຖະກິດ-ສັງຄົມ ປະຈຳປີ 2020, ຮັບຮອງເອົາການສະເໜີດັດແກ້ຄາດໝາຍແຜນພັດທະນາເສດຖະກິດ-ສັງຄົມປະຈຳປີ 2020 ຕາມການສະເໜີຂອງອົງການປົກຄອງແຂວງ, ຮັບຮອງເອົາບົດລາຍງານຂອງອົງການປົກຄອງເແຂວງ ກ່ຽວກັບການຈັດຕັ້ງປະຕິບັດ ແຜນງົບປະມານແຫ່ງລັດ 6 ເດືອນຕົ້ນປີ, ທິດທາງແແຜນການ 6 ເດືອນທ້າຍປີ 2020 ແລະ ການດັດແກ້ແຜນງົບປະມານແຫ່ງລັດ ປະຈຳປີ 2020.

ຂ່າວ – ພາບ: ບຸນເພັດ ໄຊຍະວົງ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here