ກົດຮູບເພື່ອຮັບສ່ວນຫຼຸດເລີຍພີ່ນ້ອງ
ທ່ານ ບຸນມາ ເທບພູໄຊ ກໍາມະການພັກເມືອງ ຫົວໜ້າຫ້ອງການກະສິກໍາ-ປ່າໄມ້ເມືອງໄຊພູທອງແຂວງສະຫວັນນເຂດ ໄດ້ຂື້ນລາຍງານໃຫ້ຮູ້ຫວ່າງບໍ່ດົນຜ່ານມານີ້ວ່າ: ການຜະລິດກະສິກໍາຢູ່ເມືອງໄຊພູທອງ ເຫັນວ່າຝົນໄດ້ຕົກກະແຈກກະຈາຍເລັກນ້ອຍເຮັດໃຫ້ຫຼາຍບ້ານພາຍໃນເມືອງທຳການຜະລິດບໍ່ໄດ້ດີເທົ່າທີ່ຄວນ, ຂະບວນການຜະລິດໄດ້ຫັນປ່ຽນຮູບແບບການຜະລິດຈາກນາທີ່ເຄີຍດຳຫັນມາເຮັດນາຢອດ ແລະ ນາຫວ່ານຈຳນວນຫຼວງຫຼາຍ ທົ່ວເມືອງສາມາດຜະລິດນາປີໄດ້ທັງໝົດ 12.859,48 ເຮັກຕາ, ທຽບໃສ່ແຜນການປີປະຕິບັດໄດ້ 91,14% (ແຜນການ 14.109,6 ຮຕ) ລະອຽດດັ່ງນີ້: ຕົກກ້າ 501.530 ກິໂລ, ເທົ່າກັບ 100% ຂອງແຜນການປີ (ແຜນ ໃຫ້ໄດ້ 501.530 ກິໂລ), ນາດຳປະຕິບັດໄດ້ 7.108,78 ເຮັກຕາ, ນາຢອດປະຕິບັດໄດ້ 3.560,7 ເຮັກຕາ, ນາຫວ່ານ ປະຕິບັດໄດ້ 2.190 ເຮັກຕາ, ລວມຍອດຜົນຜະລິດນາປີ ແລະ ນາແຊງ ເມື່ອຫັກແນວພັນອອກ, ຍັງເຫຼືອຕົວຈິງ 54.089,71 ໂຕນ ສະເລ່ຍໃສ່ຫົວຄົນ 1.014,28 ກິໂລ/ຄົນ/ປີ, ປັບນາໄຮ່ນ້ອຍເປັນນາໄຮ່ໃຫຍ່ 430,7 ເຮັກຕາ ປະຕິບັດໄດ້ 226,68% ລື່ນແຜນ(ແຜນການປີ 190 ເຮັກຕາ), ຂົນຝຸ່ນຄອກ ລົງໃສ່ນາໄດ້ 13.928 ໂຕນ ເທົ່າກັບ 88,52% ຂອງແຜນການປີ(ແຜນການ 15.723,2 ໂຕນ), ໃຊ້ຝຸ່ນວິທະຍາສາດໄດ້ 2.888,56 ໂຕນ ເທົ່າກັບ 83,5% ຂອງແຜນການປີ(ແຜນການ 3.459 ໂຕນ).
ປູກພືດສຳຮອງໃນລະດູຝົນ: ປະຕິບັດໄດ້ 749,5 ເຮັກຕາ ເທົ່າກັບ 68,24% ຂອງເນື້ອທີ່ ແຜນການປີ(ແຜນການ 1.098,3 ເຮັກຕາ), ຂະຫຍາຍເນື້ອທີ່ນາໄດ້ 55,7 ເຮັກຕາ ເທົ່າກັບ 29,02% ຂອງແຜນການ(ແຜນ 191.2 ເຮັກຕາ) ຄຽງຄູ່ກັນນັ້ນການຜະລິດເປັນສິນຄ້າ ປ້ອນຕະຫຼາດພາຍໃນ ແລະ ຕ່າງປະເທດໂດຍສະເພາະ ມັນຕົ້ນ 16.524 ໂຕນ, ຖົ່ວດິນ 114,18 ໂຕນ, ສາລີຫວານ 1.575 ໂຕນ, ໝາກເຜັດ 161,29 ໂຕນ, ຢ່າງພາລາ 2.616,48 ໂຕນ ແລະ ພືດຜັກຕ່າງໆ 1.474,9 ໂຕນ, ສາມາດສ້າງລາຍຮັບໄດ້ທັງໝົດ 23,775 ຕື້ກີບ ທຽບໃສ່ປີຜ່ານມາຫຼຸດ 0,11 %.
ຝາກເວັບໄຊຂອງທ່ານທີ່ໂຮສນີ້ດີທີ່ສຸດ
ກົດຮູບເພື່ອຮັບສ່ວນຫຼຸດເລີຍພີ່ນ້ອງ
foodpanda ສັ່ງອາຫານໄດ້ຕາມໃຈທ່ານ
ສ່ວນວຽກງານລ້ຽງສັດ ແລະ ການປະມົງ ສາມາດຕອບສະໜອງຊີ້ນ ແລະ ປາ ໄດ້ 3.210,32 ໂຕນ, ທຽບໃສ ປີຜ່ານມາ ເພີ່ມຂື້ນ 78,17 ໂຕນ ໃນນີ້: ຊີ້ນປະເພດຕ່າງໆ ເຊັ່ນ: (ຊີ້ນງົວ, ຄວາຍ, ຊີ້ນໝູ, ຊີ້ນແບ້ ແລະ ສັດປີກ) ໄດ້ 2.365,37 ໂຕນ, ຊີ້ນປາ (ປາທໍາມະຊາດ ແລະ ສັດນໍ້າຕ່າງໆ) 844.95 ໂຕນ, ສະເລ່ຍໃສ່ຫົວຄົນໄດ້ 69,68 ກິໂລ/ຄົນ/11 ເດືອນ ພິເສດ: ເມືອງໄຊພູທອງພວກເຮົາສາມາດຊຸກຍູ້ການລ້ຽງສັດແບບເປັນຟາມ ໄດ້ທັງໝົດ 07 ຟາມ ໃນນັ້ນ: ມີຟາມລ້ຽງງົວ 3 ແຫ່ງ, ຟາມລ້ຽງໝູ ພັນຊີ້ນ 1 ແຫ່ງ, ຟາມລ້ຽງໄກ່ 1 ແຫ່ງ, ຟາມໄກ່ຕີ 2 ແຫ່ງ, ປອຍປາລົງສູ່ແມ່ນ້ຳ ແລະ ໜອງລວມຂອງບ້ານໄດ້ທັງໝົດປະມານ 3.379.800 ໂຕເທົ່າກັບ 101,76% ຂອງແຜນການປີ (ແຜນການ 3.321.162 ໂຕ).
ພາບ-ຂ່າວ ພັນທະມິດ ວົງສຸທິ
---------------
ຢ່າລືມກົດຕິດຕາມເພຈ All in LAOS
------------------------------
