ກົດຮູບເພື່ອຮັບສ່ວນຫຼຸດເລີຍພີ່ນ້ອງ
ໄຊສົມບູນ: ໃນຕອນເຊົ້າຂອງວັນທີ 8 ກັນຍາ 2020 ນີ້ ທີ່ສະໂມສອນພະແນກສຶກສາທິການ ແລະ ກິລາແຂວງ ໄດ້ມີກອງປະຊຸມສຳມະນາວິທະຍາສາດ ຄັ້ງທີ II ເພື່ອປະກອບຄຳຄິດ-ຄຳເຫັນໃສ່ຮ່າງລາຍງານການເມືອງ ແລະ ຮ່າງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ I ໄລຍະປີ 2021-2025 ຕໍ່ກອງປະຊຸມໃຫຍ່ຄັ້ງທີ I ຂອງອົງຄະນະພັກ ແຂວງໄຊສົມບູນ ທີ່ຈະໄດ້ໄຂຂຶ້ນໃນມໍ່ໆນີ້
ໂດຍການເປັນປະທານຂອງສະຫາຍ ພົຕ ຄໍາລຽງ ອຸທະໄກສອນ, ເລຂາພັກແຂວງ, ເຈົ້າແຂວງໄຊສົມບູນ ມີຮອງເລຂາພັກແຂວງ, ຮອງເຈົ້າແຂວງ, ບັນດາສະຫາຍຄະນະປະຈຳພັກແຂວງ, ກຳມະການພັກແຂວງ, ເລຂາຄະນະພັກຮາກຖານ, ໜ່ວຍພັກ, ຫົວໜ້າພະແນກການ, ກົມກອງ ອ້ອມຂ້າງແຂວງ ເຂົ້າຮ່ວມ.
ຝາກເວັບໄຊຂອງທ່ານທີ່ໂຮສນີ້ດີທີ່ສຸດ
ກົດຮູບເພື່ອຮັບສ່ວນຫຼຸດເລີຍພີ່ນ້ອງ
foodpanda ສັ່ງອາຫານໄດ້ຕາມໃຈທ່ານ
ກອງປະຊຸມແມ່ນໄດ້ຜ່ານຮ່າງລາຍງານການເມືອງ ທີ່ຈະສະເໜີຕໍ່ກອງປະຊຸມໃຫຍ່ຄັ້ງທີ I ຂອງອົງຄະນະພັກ ແຂວງ ແລະ ຮ່າງແຜນພັດທະນາເສດຖະກິດ-ສັງຄົມ 05 ປີ 2021-2025 ເຊິ່ງເປັນເອກະສານທີ່ສຳຄັນໃນການກຳນົດທິດທາງ, ເປົ້າໝາຍ, ຈຸດສຸມ, ຕົວຊີ້ບອກ ແລະ ກຳນົດໂຄງການ ເພື່ອພ້ອມກັນສຸມໃສ່ຈັດຕັ້ງປະຕິບັດ ແລະ ເພື່ອໃຫ້ບັນດາສະຫາຍທີ່ເຂົ້າຮ່ວມໄດ້ຄົ້ນຄວ້າ, ປະກອບຄຳ-ຄິດເຫັນຢ່າງເລິກເຊິ່ງໃນແຕ່ລະຂົງເຂດວຽກງານທີ່ຍັງເຫັນວ່າ ມີບັນຫາໃດຄວນຈະປັບປຸງ ຫຼືຍັງມີບັນຫາໃດທີ່ຍັງບໍ່ຖືກຕ້ອງ, ບໍ່ຄົບຖ້ວນ ກໍ່ສາມາດປະກອບຄຳຄິດ-ຄຳເຫັນ ເພີ່ມເຕີມ
ເພື່ອເປັນການແລກປ່ຽນ, ຖອດຖອນບົດຮຽນ ແລະ ນຳມາປັບປຸງແກ້ໄຂໃຫ້ສຳເລັດຂາດຕົວ ບົນພື້ນຖານ ການປະກອບຄຳຄິດເຫັນຢ່າງສ້າງສັນ, ພາວະວິໃສ, ສາມາດນຳໄປຈັດຕັ້ງປະຕິບັດໄດ້ຈິງ ແລະ ເພື່ອຮັບປະກັນໃຫ້ ວຽກງານແຕ່ລະຂົງເຂດມີຄວາມລະອຽດ, ຊັດເຈນ, ເລິກເຊິ່ງ ເວົ້າສະເພາະແມ່ນຮັບປະກັນ ເຮັດໃຫ້ທັງສອງຮ່າງເອກະສານດັ່ງກ່າວ ຖືກຕ້ອງຕາມບາດກ້າວ, ຂັ້ນຕອນ, ເໝາະສົມກັບສະພາບການ, ເງື່ອນໄຂ-ທ່າແຮງ, ມີເນື້ອໃນຄົບຖ້ວນ ສົມບູນ, ມີຄວາມເປັນເອກະພາບ ເພື່ອພ້ອມກັນຄົ້ນຄວ້າພິຈາລະນາກໍານົດທິດທາງ, ຄາດໝາຍສູ້ຊົນໃນຊຸມປີຕໍ່ໜ້າ ເພື່ອເຮັດໃຫ້ແຂວງໄຊສົມບູນ ໄດ້ຮັບການພັດທະນາໃນອານາຄົດ.
ພາບ: ນາງ ຕູດ ຄໍາພໍໃຈ ຂ່າວ: ສຸກສັນ ອ້ວນລິທິກຸນ
---------------
ຢ່າລືມກົດຕິດຕາມເພຈ All in LAOS
------------------------------
