ເນື່ອງໃນໂອກາດທີ່ແຂວງ ໄຊຍະບູລີ ກະກຽມຄວາມພ້ອມ ດ້ານຕ່າງໆ ໃຫ້ແກ່ການດໍາເນີນກອງປະຊຸມໃຫຍ່ຄັ້ງທີ VII ຂອງ ຜູ້ແທນອົງຄະນະພັກແຂວງໄດ້ສໍາເລັດໂດຍພື້ນຖານ ແລະ ເພື່ອກ້າວເຂົ້າສູ່ວາລະການດໍາເນີນກອງປະຊຸມໃຫຍ່ຢ່າງເປັນທາງ ການໃນວັນທີ 8 ກັນຍາ 2020 ນີ້, ການນໍາແຂວງໄຊຍະບູລີ ນໍາໂດຍ ສະຫາຍ ພົງສະຫວັນ ສິດທະວົງ ເລຂາພັກແຂວງເຈົ້າແຂວງໆໄຊຍະບູລີ ໄດ້ເຂົ້າວາງພວງມາລາໄມ້ທີ່ອະນຸສອນສະຖານປະທານ ໄກສອນ ພົມວິຫານ ແລະ ວາງພວງມາລາທີ່ອານຸສາວະ ລີນັກຮົບນິລະນາມໃນຕອນເຊົ້າຂອງວັນທີ 7 ກັນຍາ.

Image may contain: 2 people, people standing

ການວາງພວງມາລາໄມ້ຄັ້ງ ນີ້ ສະຫາຍ ພົງສະຫວັນ ສິດທະ ວົງ ກຳມະການສູນກາງພັກເລ ຂາພັກແຂວງເຈົ້າແຂວງໆ ໄຊ ຍະບູລີໄດ້ກ່າວວ່າ: ມື້ນີ້ຄະນະບໍ ລິຫານງານພັກແຂວງ, ຜູ້ແທນ ສົມບູນກອງປະຊຸມໃຫຍ່ໄດ້ຈັດພິທີວາງກະຕ່າດອກໄມ້ ແລະ ວາງພວງມາລາຢູ່ອະນຸສອນສະຖານປະທານ ໄກສອນ ພົມວິຫານ ແລະ ອະນຸສາວະລີນັກຮົບນິລະນາມຂອງແຂວງ ເພື່ອສະແດງຄວາມກະຕັນຍູ-ຮູ້ບຸນຄຸນ ແລະ ຄຸນງາມຄວາມດີອັນໃຫຍ່ຫຼວງຕໍ່ປະທານໄກສອນ ພົມວິຫານ ຜູ້ນໍາທີ່ແສນເຄົາລົບຮັກຂອງປວງຊົນລາວທັງຊາດ, ຜູ້ນໍາພາສ້າງຕັ້ງພັກປະຊາຊົນປະຕິວັດລາວ ແລະ ນໍາພາລິເລີ່ມພາລະກິດປ່ຽນແປງໃໝ່ຂອງພັກເຮົາ ແລະ ບັນດາທ່ານ ການນໍາພັກ-ລັດ, ພະນັກງານ, ສະມາຊິກພັກ ແລະ ນັກຮົບ ປະຕິວັດທີ່ໄດ້ເສຍສະຫຼະຊີວິດເພື່ອພາລະກິດປະຕິວັດປົດປ່ອຍ ຊາດ, ພາລະກິດປົກປັກຮັກສາ ແລະ ພັດທະນາປະເທດຊາດຕະຫຼອດໄລຍະຜ່ານມາ ແລະ ເພື່ອ ສະ ແດງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນເຖິງຄຸນງາມຄວາມດີ, ນໍ້າໃຈຕໍ່ສູ້ຢ່າງພິລາດອາດຫານ ແລະ ບໍ່ຍອມຈຳນົນ ຂອງບັນພະບູລຸດກໍຄືບັນດາ ນັກຮົບປະຕິວັດທີ່ເສຍສະຫຼະຊີວິດ ເລືອດເນື້ອ ເພື່ອພາລະກິດປະຕິ ວັດຢ່າງພິລາດອາດຫານ, ເວົ້າ ລວມ, ເວົ້າສະເພາະກໍຄືນັກຮົບ ປະຕິວັດຂອງແຂວງໄຊຍະບູລີ ທີ່ເສຍສະຫຼະຊີວິດເລືອດເນື້ອ ເພື່ອດິນແດນອັນຄົບຖ້ວນຂອງ ແຂວງ ແລະ ປະຊາຊົນຢ່າງອົງ ອາດກ້າຫານ, ພາຍໃຕ້ການຊີ້ນຳ-ນຳພາອັນສະຫຼາດສ່ອງໃສຂອງ ພັກປະຊາຊົນປະຕິວັດລາວ, ເຊິ່ງ ຄຸນງາມຄວາມດີອັນໃຫຍ່ຫຼວງ ນັ້ນ ໄດ້ຖືກຈາລຶກໄວ້ໃນຊີວິດ ຈິດ ໃຈຂອງປະຊາຊົນຊາວແຂວງ ໄຊຍະບູລີ ຕະຫຼອດໄປ.

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ

ໂດຍ : ອຸ່ນເຮືອນ ໂພທິລັກ

LEAVE A REPLY

Please enter your comment!
Please enter your name here