ເມືອງປາກທາໄດ້ມີພິທີ ປະກາດການເລື່ອນຊັ້ນ ໃຫ້ນາຍຕໍາຫຼວດ ທີ່ມີຜົນງານດີເດັ່ນຄົບຕາມມາດຖານເງື່ອນໄຂ

ໃນວັນທີ 04 ກັນຍາ 2020 ຢູ່ທີ່ກອງບັນຊາການ ປກສ ເມືອງປາກທາໄດ້ມີພິທີປະກາດການເລື່ອນຊັ້ນໃຫ້ນາຍຕໍາຫຼວດທີ່ມີຜົນງານດີເດັ່ນຄົບຕາມມາດຖານເງື່ອນໄຂ.

ໂດຍການເປັນປະທານຂອງທ່ານ ພັທ ຈັນພອນເພັດ ຄໍາສີ ຄະນະພັກຮອງກອງບັນຊາການ ປກສ ແຂວງ ບໍ່ແກ້ວມີ ທ່ານ ພັທ ບຸນສີ ທອງສະໄຫວກໍາມະການພັກເມືອງເລຂາຄະນະພັກຫົວໜ້າກອງບັນຊາການ ປກສ ເມືອງປາກທາ ຫົວໜ້າພະແນກຮອງພະແນກ ແລະ ພະນັກງານອ້ອມຂ້າງເຂົ້າຮ່ວມ

ໃນພິທີ ທ່ານພັທ ວຽງໄຊ ພົງສຸວັນ ຮອງຫ້ອງການເມືອງ ປກສ ແຂວງບໍ່ແກ້ວ ກໍ່ໄດ້ຂຶ້ນຜ່ານ ຂໍຕົກລົງວ່າດ້ວຍການເລື່ອນຊັ້ນໃຫ້ນາຍຕໍາຫຼວດກອງບັນຊາການ ປກສ ແຂວງບໍ່ແກ້ວ ສະບັບເລກທີ 1606 /ປກສ ນະຄອນຫຼວງວຽງຈັນ, ລົງວັນທີ 14 ສິງຫາ 2020 ອີງຕາມ: ດໍາລັດຂອງນາຍົກລັດຖະມົນຕີ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກະຊວງປ້ອງກັນຄວາມສະຫງົບ ສະບັບເລກທີ 306/ນຍ ລົງວັນທີ 19 ກັນຍາ 2018

ເພື່ອປະຕິບັດນະໂຍບາຍຂອງພັກ-ລັດທີ່ມີຕໍ່ນາຍຕໍາຫຼວດຜູ້ທີ່ມີຜົນສໍາເລັດໃນການປະຕິບັດໜ້າທີ່ວຽກງານ ແລະ ຄົບມາດຕະຖານເງື່ອນໄຂຂອງການເລື່ອນຊັ້ນທີ່ກໍານົດໄວ້ໃນກົດໝາຍວ່າດ້ວຍກໍາລັງປ້ອງກັນຄວາມສະຫງົບປະຊາຊົນ.

ໃນນີ້ເລື່ອນຊັ້ນ ພັຕ ຂຶ້ນເປັນ ພັທ 1 ສະຫາຍ, ຮຕ ຂຶ້ນເປັນ ຮທ 3 ສະຫາຍ, ວາທີຮ້ອຍຕີ ຂຶ້ນເປັນ ຮ້ອຍຕີ 1 ສະຫາຍ ໃນທ້າຍພິທີ ທ່ານ ພັທ ຈັນພອນເພັດ ຄໍາສີ ກໍ່ໄດ້ຍ້ອງຍໍຊົມເຊີຍຕໍ່ຜົນງານທີ່ບັນດາສະຫາຍ ຍາດມາໄດ້ ແລະ ຍັງໄດ້ເນັ້ນໜັກໃຫ້ຜູ່ທີ່ໄດ້ຮັບການເລື່ອນຊັ້ນໃນຄັ້ງນີ້ຈົ່ງເພີ່ມທະວີສຶກສາອົບຮົບການເມືອງ-ນໍາພາແນວຄິດເປັນກົກ, ມີຄວາມບຸກບືນຂະຫຍັນໝັ່ນພຽນ, ມານະອົດທົນ, ຊື່ສັດສຸດຈະລິດ, ມີຄຸນສົມບັດສິນທໍາປະຕິວັດ, ຝຶກຝົນຫຼໍ່ຫຼອມຕົນເອງ ແລະ ເອົາໃຈໃສ່ຕໍ່ໜ້າທີ່ວຽກງານທີ່ໄດ້ຮັບມອບໝາຍດ້ວຍຄວາມຮັບຜິດຊອບສູງ.