ນະຄອນຫຼວງວຽງຈັນ: ຂໍ້ມູນຈາກ ລາຍການທັນເຫດ ແລະ ປກສ ເມືອງຫາດຊາຍຟອງ ໃຫ້ຮູ້ວ່າ ເຈົ້າຫນ້າທີ່ ຕຳຫລວດ ປກສ ເມືອງຫາດຊາຍຟອງ ສະແດງຜົນງານລໍ້ຊື້ຢາບ້າ ສາມາດຈັບຜູ້ຖືກຫາ ໄດ້ 1 ຄົນ ເຊີ່ງຖືກຫາ ເປັນຕຳຫລວດ ຊັ້ນພັນໂທ
ຕາມການໃຫ້ຂໍ້ມູນຂອງປກສ ເມືອງ ຫາດຊາຍຟອງ ໄດ້ມີການຕິດຕາມພຶດຕິກຳຂອງຜູ້ຖືກຫາລາຍນີ້ ເຊີ່ງຜູ້ກ່ຽວຊື່ວ່າ ວັນນະເລດ ໄຊຍະວົງ ອາຍຸ 49 ປີ ເປັນເຈົ້າຫນ້າທີ່ຕຳຫລວດ ຊັ້ນພັນໂທ ພົວພັນກັບຢາເສບຕິດ
ເມື່ອເຈົ້າຫນ້າທີ່ໄດ້ຂໍ້ມູນຈາກແຫຼ່ງຂ່າວ ຈຶ່ງໄດ້ຈັດກຳລັງເຂົ້າຈັບກຸມຕົວ ຢູ່ບ້ານດົງໂພນແຮ່ ເມືອງຫາດຊາຍຟອງ ນະຄອນຫລວງວຽງຈັນ ໃນຄັ້ງວັນທີ 31 ສິງຫາ 2020 ເວລາ 15:00.
ພ້ອມກັບຂອງກາງຢາບ້າ ຈຳນວນ 589 ເມັດ ເງີນ 550.000 ກີບ ໂທລະສັບ 3 ຫນ່ວຍ ລົດຈັກ ສະກຸບປີ້ສີແດງ 1 ຄັນ ປື້ມບັນຊີທະນາຄານ 1 ຫົວ.
ປະຈຸບັນເຈົ້າຫນ້າທີ່ກຳລັງທຳການສືບສວນຫາພັກພວກ ທີ່ຮ່ວມຂະບວນການນຳກັນ ເພື່ອເອົາມາລົງໂທດຕາມກົດຫມາຍບ້ານເມືອງ.
ຂໍ້ມູນ:ປກສ ເມືອງຫາດຊາຍຟອງ
