ກອງປະຊຸມຜູ້ແທນຊາວໜຸ່ມ ທົ່ວກອງທັບ ຄັ້ງທີ VIII ໄຂຂຶ້ນໃນ ວັນທີ 3 ກັນຍາ 2020 ນີ້, ໂດຍ ການເຂົ້າຮ່ວມເປັນປະທານ ຂອງ ສະຫາຍ ພົນໂທ ປອ ທອງລອຍ ສິລິວົງ ກຳມະການສູນກາງພັກ, ຮອງລັດຖະມົນຕີກະຊວງປ້ອງ ກັນປະເທດ, ຫົວໜ້າກົມໃຫຍ່ການ ເມືອງກອງທັບ, ມີທ່ານ ອາລຸນໄຊ ສູນນະລາດ ກຳມະການສໍາຮອງ ສູນກາງພັກ, ເລຂາຄະນະບໍລິຫານ ງານສູນກາງຊາວໜຸ່ມປະຊາຊົນ ປະຕິວັດລາວ, ມີບັນດາສະຫາຍ ໃນຄະນະກົມໃຫຍ່, ຫ້ອງວ່າການ ກະຊວງ, ບັນດາຊາວໜຸ່ມແຮກ ສ່ຽວ, ຄະນະພັກ-ຄະນະບັນຊາ ກົມກອງກໍາລັງຫຼວງ, ພະນັກງານ ປະຕິວັດອາວຸໂສ, ແຂກຮັບເຊີນ ແລະ ຜູ້ແທນສົມບູນ ທີ່ເປັນຕົວ ແທນໃຫ້ແກ່ສະມາຊິກຊາວໜຸ່ມ ທົ່ວກົມກອງກຳລັງຫຼວງເຂົ້າ ຮ່ວມ.

ໃນກອງປະຊຸມ ໄດ້ຮັບຟັງບົດ ລາຍງານການເມືອງທັງສອງ ພາກທີ່ສະເໜີໂດຍ ສະຫາຍ ພັນ ໂທ ສຸດໃຈ ມະຫາວົງ ເລຂາທິການ ສູນກາງຊາວໜຸ່ມປະຊາຊົນປະ ຕິວັດລາວ, ຫົວໜ້າຫ້ອງການ ຊາວໜຸ່ມກອງທັບ ເຊິ່ງບົດລາຍ ງານການເມືອງໄດ້ສຸມໃສ່ຕີລາ ຄາຄືນຢ່າງພາວະວິໄສຕໍ່ຜົນສໍາ ເລັດຜ່ານການຈັດຕັ້ງປະຕິບັດ ມະຕິກອງປະຊຸມຜູ້ແທນຊາວໜຸ່ມ ທົ່ວກອງທັບ ຄັ້ງທີ VII ປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະ ນະພັກກະຊວງປ້ອງກັນປະເທດ ວາງອອກໃນໄລຍະ 5 ປີຜ່ານມາ, ບັນຫາສໍາຄັນແມ່ນໄດ້ເອົາໃຈໃສ່ ສຶກສາອົບຮົມການເມືອງ-ແນວ ຄິດໃຫ້ສະມາຊິກຊາວໜຸ່ມ-ໄວ ໜຸ່ມສອດຫ້ອຍໃນທຸກຂົງເຂດ ວຽກງານ, ເອົາໃຈໃສ່ປັບປຸງໂຄງ ປະກອບການຈັດຕັ້ງຊາວໜຸ່ມແຕ່ ລະຂັ້ນໃຫ້ມີຄວາມໜັກແໜ້ນ ເຂັ້ມແຂງໃນທຸກດ້ານ, ປັບປຸງ ແບບແຜນວິທີເຮັດວຽກຂອງ ຄະນະນໍາຊາວໜຸ່ມ, ພ້ອມທັງກຳ ນົດພາລະບົດບາດ, ສິດ, ໜ້າທີ່ ຂອງການຈັດຕັ້ງຊາວໜຸ່ມແຕ່ລະຂັ້ນໃຫ້ສາມາດເຄື່ອນໄຫວຕາມ ພາລະບົດບາດຂອງຕົນ,

ປັດຈຸ ບັນ, ຈໍານວນສະມາຊິກຊາວໜຸ່ມ ທົ່ວກອງທັບ (ສະເພາະກຳລັງ ຫຼວງ) ທຽບໃສ່ຄັ້ງຜ່ານມາເພີ່ມ ຂຶ້ນ 17,01%, ການຈັດຕັ້ງຊາວໜຸ່ມຂັ້ນໜ່ວຍເພີ່ມຂຶ້ນ 19,54%, ຂະຫຍາຍສະມາຊິກຊາວໜຸ່ມໃໝ່ ໄດ້ 52,56%, ຂະຫຍາຍສະມາ ຊິກຊາວໜຸ່ມດີເດັ່ນເຂົ້າພັກໄດ້ 13,02%, ອະນຸມັດສະມາຊິກ ຊາວໜຸ່ມພົ້ນກະສຽນ 3.110 ສະ ຫາຍ, ສະມາຊິກຊາວໜຸ່ມ-ໄວ ໜຸ່ມໄດ້ປະກອບສ່ວນອັນສໍາຄັນ ໃນການເຮັດສໍາເລັດໜ້າທີ່ການ ເມືອງຂອງກອງທັບ. ຊາວໜຸ່ມຍາມໃດກໍເປັນເຈົ້າ ການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມ ສະຫງົບທົ່ວປວງຊົນຮອບດ້ານ, ລົງກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານ ຕາມມະຕິ 3 ສ້າງ ແລະ 4 ເນື້ອ ໃນ 4 ຄາດໝາຍ ເພື່ອຕ້ານສະກັດກັ້ນການເຄື່ອນໄຫວຂອງກຸ່ມ ຄົນບໍ່ຫວັງດີທີ່ຫວັງມ້າງເພທໍາ ລາຍລະບອບໃໝ່ຂອງພວກເຮົາ, ເປັນກຳລັງຫຼັກແຫຼ່ງໃນການ ຕ້ານ ແລະ ກອບກູ້ໄພພິບັດທາງ ທໍາມະຊາດ ທີ່ເກີດຂຶ້ນໃນຂອບ ເຂດທົ່ວປະເທດ,

ພ້ອມກັນນັ້ນ, ກໍ ໄດ້ເປັນເຈົ້າການເຮັດໜ້າທີ່ປ້ອງ ກັນທີ່ຕັ້ງຂອງກົມກອງ, ບັນດາ ເສັ້ນທາງຍຸດທະສາດ, ການນໍາ ພັກ-ລັດ, ວັນບຸນປະຫວັດສາດ, ບຸນປະເພນີ, ກອງປະຊຸມລະດັບ ຊາດ, ລະດັບສາກົນທີ່ ສປປ ລາວ ເປັນເຈົ້າພາບ, ງານມະຫາກຳກີ ລາຕ່າງໆ ສາມາດຮັບປະກັນ ຄວາມສະຫງົບປອດໄພ 100%, ເປັນເຈົ້າການຈັດຕັ້ງປະຕິບັດ ແຜນການອົບຮົມ-ຫັດແອບປັບ ປຸງລະບຽບແບບແຜນ ເພື່ອໃຫ້ ມີຄວາມຊໍານານທາງດ້ານສິລະ ປະຍຸດ-ຍຸດທະວີທີ ແລະ ວິຊາສະ ເພາະຂອງແຕ່ລະເຫຼົ່າຮົບ ຮັບປະ ກັນການກຽມພ້ອມສູ້ຮົບໃຫ້ມີ ຄຸນນະພາບ, ດ້ານການຈັດຕັ້ງ ປະຕິບັດເນື້ອໃນຂໍ້ແຂ່ງຂັນ 4 ບຸກ ສາມາດຕີລາຄາຜົນໄດ້ຮັບ ຄື: ການຈັດຕັ້ງຊາວໜຸ່ມນໍາໜ້າ 4 ບຸກກວມເອົາ 86,13%, ປະ ເພດແຂງກວມເອົາ 11,81%, ກາງ ກວມເອົາ 2,06%, ສະມາ ຊິກຊາວໜຸ່ມນໍາໜ້າ 4 ບຸກກວມ ເອົາ 88,68%, ແຂງກວມເອົາ 7,70% ແລະ ກາງກວມເອົາ 3,58%, ຄະນະຊາວໜຸ່ມກອງທັບ ໄດ້ຮັບການຢັ້ງຢືນ 4 ບຸກ 3 ປີ ຕິດຕໍ່ກັນ ແລະ ໄດ້ຮັບທຸງໄຊນໍາ ໜ້າ 4 ບຸກ 1 ຜືນ,

ພ້ອມກັນນັ້ນ, ກໍໄດ້ເອົາໃຈໃສ່ຊີ້ນໍາຄະນະນໍາຊາວໜຸ່ມແຕ່ລະຂັ້ນຕະຫຼອດຮອດ ສະມາຊິກຊາວໜຸ່ມ ໃຫ້ເອົາໃຈໃສ່ ເພີ່ມພູນຜະລິດຜົນຕາມເງື່ອນ ໄຂທ່າແຮງບົ່ມຊ້ອນຂອງແຕ່ລະ ກົມກອງ ເພື່ອເພິ່ງຕົນເອງ, ກຸ້ມ ຕົນເອງ ແລະ ສ້າງຄວາມເຂັ້ມ ແຂງດ້ວຍຕົນເອງໃຫ້ໄດ້ໂດຍພື້ນ ຖານ, ຊາວໜຸ່່ມກອງທັບຍັງມີ ກອງທຶນຊ່ວຍເຫຼືອເຊິ່ງກັນ ແລະ ກັນລວມທັງໝົດມີ 25 ຮາກຖານ. ມີເງິນກອງທຶນທັງໝົດ 8,9 ຕື້ ກວ່າກີບ, ສະເພາະຂັ້ນກະຊວງມີເງິນຕົ້ນທຶນທັງໝົດ 3,5 ຕື້ກີບ, ໄດ້ສໍາເລັດການສ້າງຕັ້ງໂຮງ ງານນໍ້າດື່ມບໍລິສຸດຊາວໜຸ່ມກອງ ທັບ ແລະ ເປີດນໍາໃຊ້ນັບແຕ່ປີ 2017 ເປັນຕົ້ນມາ, ສາມາດສ້າງ ລາຍຮັບຈາກການຜະລິດນໍ້າ ດື່ມໄດ້ 98 ລ້ານກວ່າກີບ ແລະ ໄດ້ປະກອບສ່ວນຊ່ວຍເຫຼືອສັງ ຄົມ, ນະໂຍບາຍພະນັກງານການ ນໍາລວມມູນຄ່າ 49 ລ້ານກວ່າ ກີບ.

ນອກຈາກນີ້, ຍັງໄດ້ເອົາໃຈ ໃສ່ຊີ້ນໍາການສ້າງຂະບວນການ ດ້ານຕ່າງໆເປັນຕົ້ນແມ່ນຂະບວນ ການແຂ່ງຂັນກີລາ, ສິລະປະ-ວັນ ນະຄະດີ, ຂະບວນການແຮກ ສ່ຽວ ແລະ ຂະບວນການຕອບບຸນ ແທນຄຸນ-ຊ່ວຍເຫຼືອເຊິ່ງກັນ ແລະ ກັນ, ເອົາໃຈໃສ່ຕໍ່ການພົວພັນ ຮ່ວມມືກັບຕ່າງປະເທດ ແລະ ວຽກງານອື່ນໆຕາມພາລະບົດ ບາດຂອງຊາວໜຸ່ມ. ກອງປະຊຸມຄັງນີ້, ໄດ້ຮັບຮອງ ເອົາບົດລາຍງານການເມືອງ ຜ່ານການຈັດຕັ້ງປະຕິບັດມະຕິ ກອງປະຊຸມຜູ້ແທນຊາວໜຸ່ມທົ່ວກອງທັບຄັ້ງທີ VII ໃນໄລຍະ 5 ປີຜ່ານມາ, ທິດທາງແຜນການ, ຄາດໝາຍສູ້ຊົນໃນຊຸມປີຕໍ່ໜ້າ (2020-2025) ແລະ ຮັບ ຮອງເອົາຜູ້ແທນສົມບູນ 25 ສະ ຫາຍ, ສໍາຮອງ 10 ສະຫາຍ ເພື່ອ ໄປເຂົ້າຮ່ວມກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ທີ່ຈະໄຂຂຶ້ນໃນຕໍ່ໜ້າ. ໃນກອງປະຊຸມຍັງ, ໄດ້ມອບ ທຸງໄຊນໍາໜ້າ 4 ບຸກຂອງສູນກາງ ຊາວໜຸ່ມປະຊາຊົນປະຕິວັດລາວ ໃຫ້ ຄະນະຊາວໜຸ່ມກອງທັບ ທີ່ ສາມາດຮັກສາໄດ້ນາມມະຍົດ 4 ບຸກ 3 ປີຕິດຕໍ່ກັນ (2017-2019), ໂດຍແມ່ນ ທ່ານ ອາລຸນ ໄຊ ສູນນະລາດ ກຳມະການສໍາ ຮອງສູນກາງພັກ, ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວເປັນຜູ້ມອບຢ່າງສົມກຽດ.

ໂອກາດເຂົ້າຮ່ວມປິດກອງປະ ຊຸມດັ່ງກ່າວ ສະຫາຍ ພົນເອກ ຈັນ ສະໝອນ ຈັນຍາລາດ ກຳມະການ ກົມການເມືອງສູນກາງພັກ, ລັດ ຖະມົນຕີກະຊວງປ້ອງກັນປະ ເທດ, ໄດ້ເປັນກຽດໂອ້ລົມຕໍ່ກອງ ປະຊຸມ, ເຊິ່ງກ່ອນອື່ນ ສະຫາຍ ໄດ້ກ່າວສະແດງຄວາມຍ້ອງຍໍ ຊົມເຊີຍ ຕໍ່ຜົນສໍາເລັດຂອງກອງ ປະຊຸມຜູ້ແທນຊາວໜຸ່ມທົ່ວກອງ ທັບຄັ້ງນີ້, ພ້ອມທັງໄດ້ຮຽກຮ້ອງ ໃຫ້ຄະນະນໍາຊາວໜຸ່ມແຕ່ລະຂັ້ນ ສຸມໃສ່ເຮັດວຽກງານສຶກສາອົບ ຮົມການເມືອງ-ແນວຄິດໃຫ້ຖັນ ແຖວຊາວໜຸ່ມ-ໄວໜຸ່ມໃນທົ່ວ ກອງທັບ ເຊື່ອມຊຶມກໍາແໜ້ນແນວ ທາງປ່ຽນແປງໃໝ່ຂອງພັກ, ຂອງກອງທັບ, ເພີ່ມທະວີບົດບາດ ໃນການເຄື່ອນໄຫວ ແລະ ສ້າງຂະ ບວນການດ້ານຕ່າງໆຂອງຊາວ ໜຸ່ມໃຫ້ພົ້ນເດັ່ນ, ສ້າງ ໃຫ້ໄດ້ສະ ມາຊິກຊາວໜຸ່ມທີ່ດີເດັ່ນ, ສຸມໃສ່ ກວດກາປັບປຸງກໍ່ ສ້າງການຈັດ ຕັ້ງຊາວໜຸ່ມແຕ່ລະຂັ້ນໃຫ້ມີ ຄວາມໜັກແໜ້ນ ເຂັ້ມແຂງໃນ ທຸກດ້ານ ສາມາດນໍາພາຊາວໜຸ່ມ ເຄື່ອນໄຫວວຽກງານ ໄດ້ຢ່າງ ແຂງແຮງ, ຍາມໃດກໍຕ້ອງສ້າງ ເງື່ອນໄຂນໍາເອົາຊາວໜຸ່ມເຂົ້າສູ່ ຂະບວນການ, ປຸກລະ ດົມສົ່ງເສີມ ລັກສະນະຕັ້ງໜ້າ, ເປັນເຈົ້າການ ຕື່ນຕົວສະໝັກໃຈ ແລະ ປະດິດ ສ້າງຂອງສະມາຊິກຊາວໜຸ່ມ ຢ່າງແຂງແຮງ, ເອົາໃຈ ໃສ່ປັບ ປຸງແບບແຜນວິທີເຮັດວຽກ, ການ ດໍາເນີນຊີວິດການເມືອງ ແລະ ຂະ ຫຍາຍສະມາຊິກຊາວໜຸ່ມໂດຍຖືເອົາຄຸນນະພາບເປັນກົກ,ປະລິມານເປັນສໍາຄັນ, ຊາວໜຸ່ມຕ້ອງ ມີຄວາມອົດທົນຜ່ານຜ່າອຸປະສັກ ຫຍຸ້ງຍາກຕ່າງໆເພື່ອເຮັດສໍາ ເລັດໜ້າທີ່ການເມືອງຂອງຕົນ, ບັນຫາສໍາຄັນແມ່ນພ້ອມກັນສືບຕໍ່ນໍາເອົາເນື້ອໃນຈິດໃຈກອງປະ ຊຸມຄັ້ງນີ້ໄປຈັດຕັ້ງຜັນຂະຫຍາຍ ເຂົ້າສູ່ວຽກງານຕົວຈິງໃຫ້ເກີດ ໝາກຜົນ ແລະ ຍາດໄດ້ຜົນສໍາ ເລັດຍິ່ງໃຫຍ່ກວ່າເກົ່າ.

ໂດຍ: ນ.ຍ້ອມເພັດ ວິໄລພັນ

ກົດນີ້ເລີຍເພື່ອຮັບສ່ວນຫຼຸດ 50%

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here