ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ປະຈຸບັນ ທົ່ວໂລກ ມີຜູ້ຕິດເຊື້ອພະຍາດໂຄວິດ19 ທັງໝົດ 25.849.799ຄົນ, ເພີ່ມຂຶ້ນມື້ດຽວເຖິງ 256.222 ຄົນ, ໃນນີ້ຢູ່ອາເມຣິກາ ມີຜູ້ຕິດເຊື້ອທັງໝົດ 6 ລ້ານກວ່າຄົນ, ຕິດເຊື້ອໃນມື້ດຽວ 41.660 ຄົນ, ເບຼຊິນເກືອບ 4ລ້ານຄົນ, ອິນເດຍ ເກືອບ 4ລ້ານຄົນ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ນາງ ດຣ. ລັດສະໝີ ວົງຄຳຊາວ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ຄະນະສະເພາະກິດຄວບຄຸມໂຄວິດ19 ຖະແຫລງຕອນເຊົ້າ ວັນທີ 3 ກັນຍາ 2020 ທີ່ກະຊວງສາທາລະນະສຸກ ເຖິງສະພາບການຄວບຄຸມໂຄວິດ19 ຢູ ສປປ ລາວວ່າ: ເວລາ 17ໂມງ ວັນທີ 2 ກັນຍາ 2020 ທົ່ວປະເທດມີຜູ້ເດີນທາງເຂົ້າມາລາວ ທັງໝົດ 2,021 ຄົນ: ໃນນັ້ນຈຸດຜ່ານດ່ານ ລາວ-ໄທ 1,221 ຄົນ ມີແຮງງານລາວກັບມາແຕ່ໄທ 222 ຄົນ; ຈຸດຜ່ານດ່ານ ລາວ – ຈີນ 25 ຄົນ, ມີແຮງງານລາວ 1 ຄົນ, ເຫຼືອນັ້ນ ແມ່ນຄົນຂັບລົດສົ່ງສິນຄ້າ; ຈຸດຜ່ານດ່ານ ລາວ – ຫວຽດນາມ 769 ຄົນ, ທັງໝົດ ແມ່ນຄົນຂັບລົດສົ່ງສິນຄ້າ, ຜ່ານດ່ານ ລາວ-ມຽນມ້າ 6 ຄົນ, ທັງໝົດ ແມ່ນຄົນຂັບເຮືອຂົນສົ່ງສິນຄ້າ ຜ່ານດ່ານບ້ານມອມ, ແຂວງບໍ່ແກ້ວ; ທຸກຄົນໄດ້ແທກອຸນຫະພູມຮ່າງກາຍ, ແລະ ໄດ້ເກັບຕົວຢ່າງມາກວດ ແລ້ວນຳສົ່ງໄປຫາສະຖານທີ່ ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

Image may contain: 1 person, text

ສໍາລັບວຽກງານ ເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດ: ວັນທີ 2 ກັນຍາ 2020, ໄດ້ເກັບຕົວຢ່າງມາກວດວິເຄາະທັງໝົດ 339 ຄົນ, ມີບຸກຄົນທົ່ວໄປມີອາການ 5 ຕົວຢ່າງ, ແຮງງານລາວມາແຕ່ໄທ 197 ຕົວຢ່າງ, ແຮງງານຈີນ 48 ຕົວຢ່າງ, ແຮງງານຫວຽດນາມ 79 ຕົວຢ່າງ ແລະ ບຸກຄົນທົ່ວໄປບໍ່ມີອາການ 10 ຕົວຢ່າງ. ຜົນກວດວິເຄາະທັງໝົດແມ່ນ ບໍ່ພົບເຊື້ອ.

ສັງລວມການກວດວິເຄາະ ແຕ່ເດືອນມັງກອນ 2020 ມາຮອດປະຈຸບັນ ໄດ້ເກັບຕົວຢ່າງມາກວດທັງໝົດ 40,035 ຕົວຢ່າງ, ກວດພົບເຊື້ອສະສົມ 22 ຄົນ. ປິ່ນປົວແລ້ວ 21ຄົນ, ຍັງເຫລືອແຕ່ກໍລະນີທີ 22 ທີ່ຍັງສືບຕໍ່ປີ່ນປົວຢູ່ໂຮງໝໍມິດຕະພາບ.
ນາງ ດຣ. ລັດສະໝີ ວົງຄຳຊາວ ໃຫ້ຮູ້ອີກວ່າ: ນອກຈາກເອົາໃຈໃສ່ເຝົ້າລະວັງ ແລະຄວບຄຸມພະຍາດໂຄວິດ19ແລ້ວ ກະຊວງສາທາລະນະສຸກຍັງໄດ້ເອົາໃສ່ເຝົ້າລະວັງຄວບຄຸມພະຍາດໄຂ້ເລືອດອອກ ແລະພະຍາດລະດູການອື່ນໆອີກ, ສະເພາະ ວັນທີ 2 ກັນຍາ ມີຜູ້ຕິດເຊື້ອໄຂ້ຍຸງລາຍເພີ່ມຂຶ້ນທັງໝົດ 36 ກໍລະນີ, ນັບແຕ່ວັນທີ 1 ມັງກອນ 2020 ມາຮອດປະຈຸບັນ ທົ່ວປະເທດມີຜູ້ຕິດເຊື້ອ ກໍລະນີສະສົມທັງໝົດ 5,806 ຄົນ ເສຍຊີວິດແລ້ວ 11 ຄົນ, ສະນັ້ນ, ຈຶ່ງຮຽກຮ້ອງມາຍັງ ພໍ່ແມ່ປະຊາຊົນ, ຊຸມຊົນ ແລະ ອຳນາດການປົກຄອງທຸກຂັ້ນ ຈົ່ງຮ່ວມແຮງຮ່ວມໃຈ ໃນການປະຕິບັດ 5 ປ ຢ່າງເຄັ່ງຄັດ ໃຫ້ເປັນປະຈຳ ຈຶ່ງສາມາດທຳລາຍແຫຼ່ງເພາະພັນຂອງຍຸງໄດ້ ໃຫ້ຖືວ່າ ແມ່ນໜ້າທີ່, ຄວາມຮັບຜິດຊອບຂອງໝົດທຸກຄົນ; ຖ້າທ່ານເປັນໄຂ້ ໃຫ້ຮີບຮ້ອນໄປພົບແພດໝໍ ບໍ່ໃຫ້ຊື້ຢາມາກິນເອງ ເພື່ອຈະໄດ້ຮັບການປິ່ນປົວ ຢ່າງທັນການ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here