ກົດຮູບເພື່ອຮັບສ່ວນຫຼຸດເລີຍພີ່ນ້ອງ
ໂຮງງານ ອ.674 ໄດ້ຈັດຕັ້ງ ພິທີປິດຊຸດອົບຮົມນາຍຊ່າງສ້ອມແປງອາວຸດ ຊຸດທີ VI/2 ໃນວັນທີ 26 ສິງຫາ ນີ້, ໂດຍການເປັນປະທານຂອງ ສະຫາຍ ພົນຈັດຕະວາ ຄອນສະຫວັນ ມິ່ງຈຳປາບານກຳມະການຄະນະປະຈຳພັກກົມໃຫຍ່, ຮອງຫົວໜ້າກົມໃຫຍ່ເຕັກນິກກອງທັບ, ມີຄະນະກົມຄຸ້ມຄອງອາວຸດ-ກະສູນ, ຄະນະອຳນວຍການວິທະຍາຄານເຕັກນິກການທະຫານ, ມີພະແນກອົບຮົມ ກົມເສນາເຕັກນິກ, ຄະນະພັກ-ຄະນະ ອຳນວຍການໂຮງງານ ອ 674, ຄະນະພັກ-ຄະນະບັນຊາກົມກອງອ້ອມຂ້າງບັນດາພະແນກການທີ່ກ່ຽວຂ້ອງພ້ອມດ້ວຍຄູ-ອາຈານຕະຫຼອດຮອດນັກເຝິກອົບຮົມເຂົ້າຮ່ວມ.
ໃນພິທີສະຫາຍ ພັນໂທ ບຸນທະ ໜອມ ສາຍຄຳຈັນອຳນວຍການໂຮງງານ ອ.674 ໄດ້ຂຶ້ນຜ່ານບົດສະຫຼຸບຕີລາຄາການຈັດຕັ້ງປະຕິບັດແຜນການເຝິກອົບຮົມ, ກໍ່ສ້າງນາຍຊ່າງສ້ອມແປງອາວຸດ ຊຸດອົບຮົມຄັ້ງນີ້ມີຜູ້ເຂົ້າຮ່ວມອົບຮົມທັງໝົດ 53 ສະຫາຍ, ບົດຮຽນທີ່ນຳມາອົບຮົມປະກອບມີພາກການເມືອງ 14 ຊົ່ວໂມງ, ການທະຫານ 42 ຊົ່ວໂມງ, ວິຊາ ເຕັກໂນໂລຊີ ແລະ ໂລຫະສາດ 84 ຊົ່ວໂມງ, ວິຊາສະເພາະເຕັກນິກສ້ອມແປງປືນທະຫານຮາບ 21 ຊົ່ວໂມງ, ວິຊາສະເພາະເຕັກນິກສ້ອມແປງປືນປ້ອງກັນອາກາດ 21 ຊົ່ວໂມງ, ວິຊາສະເພາະເຕັກນິກສ້ອມແປງປືນໃຫຍ່ໜ້າດິນ 665 ຊົ່ວໂມງ. ໃນນີ້ມີທິດສະດີການປະກອບສ້າງ, ທິດສະດີສ້ອມແປງ ແລະ ພາກປະຕິບັດຕົວຈິງ, ຜ່ານການຈັດຕັ້ງສອບເສັງຕົວຈິ່ງສາມາດຄັດເລືອກໄດ້ນັກຮຽນປະເພດດີເລີດ 5 ສະຫາຍ, ປະເພດດີຫຼາຍ 15 ສະຫາຍ , ປະເພດ ດີ 22 ສະຫາຍ ແລະ ດີພໍໃຊ້ 8 ສະຫາຍ , ໃນພິທີຍັງໄດ້ປະກາດເລື່ອນຊັ້ນໃຫ້ນັກເຝິກອົບຮົມຄື: ເລື່ອນຊັ້ນສິບໂທຂຶ້ນຊັ້ນ ສິບເອກຈຳນວນ13 ສະຫາຍ, ສິບຕີຂຶ້ນສິບເອກຈຳນວນ 19 ສະຫາຍ ພ້ອມທັງມອບປະກາສະນີຍະບັດໃຫ້ນັກຮຽນທີ່ຮຽນຈົບອີກດ້ວຍ. ໃນໂອກາດເຂົ້າຮ່ວມພິທີ ສະຫາຍ ພົນຈັດຕະວາ ຄອນສະຫວັນ ມິ່ງຈຳປາບານໄດ້ໃຫ້ກຽດໂອ້ລົມກ່ອນອື່ນສະຫາຍໄດ້ກ່າວສະແດງຄວາມຍ້ອງຍໍຊົມເຊີຍຄະນະພັກ-ຄະນະບັນຊາ, ພະນັກ ງານ-ຄູອາຈານ ແລະ ນັກເຝິກອົບຮົມ, ທີ່ໄດ້ເອົາໃຈໃສ່ປະຕິບັດໜ້າທີ່ຂອງຕົນຢ່າງມີຄວາມຮັບຜິດຊອບສູງ, ພ້ອມທັງຮຽກຮ້ອງ ໃຫ້ນັກເຝິກອົບຮົມຈົ່ງພ້ອມກັນນຳເອົາບົດຮຽນໄປປະຕິບັດເຂົ້າໃນວຽກງານຕົວຈິງແນໃສ່ສ້ອມແປງໃຫ້ມີຄຸນນະພາບ, ມີຄວາມປອດໄພ ແລະ ຮູ້ແກ້ໄຂກໍລະນີມີຂໍ້ຜິດພາດ, ສ້ອມແປງໃຫ້ເກັ່ງ, ສ້ອມແປງອາວຸດໃຫ້ໄດ້ຫຼາຍຊະນິດກາຍເປັນນັກສ້ອມແປງທີ່ມີສີມືດີຂອງກອງທັບ, ເພື່ອປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ.
ຝາກເວັບໄຊຂອງທ່ານທີ່ໂຮສນີ້ດີທີ່ສຸດ
ກົດຮູບເພື່ອຮັບສ່ວນຫຼຸດເລີຍພີ່ນ້ອງ
foodpanda ສັ່ງອາຫານໄດ້ຕາມໃຈທ່ານ
ໂດຍ: ຄອນພູພະ
---------------
ຢ່າລືມກົດຕິດຕາມເພຈ All in LAOS
------------------------------
