ກົດຮູບເພື່ອຮັບສ່ວນຫຼຸດເລີຍພີ່ນ້ອງ
ກົມມາດຕະຖານ ແລະ ວັດແທກ ໄດ້ເປີດກອງປະຊຸມປຶກສາຫາລື, ປະກອບຄຳຄິດເຫັນໃສ່ຮ່າງຂໍ້ຕົກລົງວ່າດ້ວຍການຄຸ້ມຄອງຫ້ອງທົດລອງ ຢູ່ ສປປ ລາວ.
ໃນຕອນເຊົ້າຂອງວັນທີ 27 ສິງຫາ 2020 ກົມມາດຕະຖານ ແລະ ວັດແທກ, ກະຊວງວິທະຍາສາດ ແລະ ເຕັກໂນໂລຊີ ໄດ້ມີການຈັດກອງປະຊຸມຂື້ນເພື່ອປຶກສາຫາລື, ປະກອບຄຳເຫັນໃສ່ຮ່າງຂໍ້ຕົກລົງວ່າດ້ວຍການຄຸ້ມຄອງຫ້ອງທົດລອງ ຢູ່ ສປປ ລາວ ບົນພື້ນຖານການຄົ້ນຄວ້າຂອງ ພະແນກ ຄົ້ນຄວ້າ ແລະ ພັດທະນາ ໂດຍການປະສານສົມທົບກັບສູນຮັບຮອງລະບົບ ISO ແຫ່ງຊາດ ແລະ ບັນດາຂະແໜງການທີ່ກ່ຽວຂ້ອງ, ໂດຍມີຈຸດປະສົງໃນການຄຸ້ມຄອງບັນດາຫ້ອງທົດລອງໃນ ສປປ ລາວ ດັ່ງນັ້ນ ຈື່ງໄດ້ມີການຄົ້ນຄວ້າເພື່ອສ້າງເປັນນິຕິກຳອອກມາເພື່ອເປັນບ່ອນອິງໃຫ້ແກ່ການຈັດຕັ້ງປະຕິບັດວຽກງານຂອງສູນດັ່ງກ່າວ.
ຝາກເວັບໄຊຂອງທ່ານທີ່ໂຮສນີ້ດີທີ່ສຸດ
ກົດຮູບເພື່ອຮັບສ່ວນຫຼຸດເລີຍພີ່ນ້ອງ
foodpanda ສັ່ງອາຫານໄດ້ຕາມໃຈທ່ານ
ກອງປະຊຸມໃນຄັ້ງນີ້ແມ່ນໄດ້ຈັດຂຶ້ນເປັນຄັ້ງທີ 2 ໂດຍການເປັນປະທານຂອງ ທ່ານ ວຽງຄຳ ສິງສອນໄຊ ຮອງຫົວໜ້າກົມມາດຕະຖານ ແລະ ວັດແທກ ຊຶ່ງມີຜູ້ຕາງໜ້າເຂົ້າຮ່ວມຈາກ ບັນດາຫ້ອງການ, ກົມ, ສະຖາບັນອ້ອມຂ້າງກະຊວງວິທະຍາສາດ ແລະ ເຕັກໂນໂລຊີ, ພະແນກ ວິທະຍາສາດ ແລະ ເຕັກໂນໂລຊີ ນະຄອນຫຼວງ ແລະ ຄະນະພະແນກ, ສູນ ພາຍໃນກົມມາດຕະຖານ ແລະ ວັດແທກ ເຂົ້າຮ່ວມທັງໝົດ 30 ກວ່າຄົນ. ເພື່ອຮ່ວມກັນແລກປ່ຽນບົດຮຽນປະກອບຄຳຄິດເຫັນໃສ່ຮ່າງຂໍ້ຕົກລົງສະບັບດັ່ງກ່າວ, ຊຶ່ງມີທັງໝົດ 8 ໝວດ ແລະ 34 ມາດຕາ ເພື່ອໃຫ້ມີເນື້ອໃນລະອຽດຄົບຖ້ວນສົມບູນທີ່ສຸດ ສາມາດຄວບຄຸມຂອບເຂດຂອງວຽກງານດັ່ງກ່າວ.
ພາຍຫຼັງສຳເລັດກອງປະຊຸມຄັ້ງດັ່ງກ່າວນີ້, ທາງຄະນະຮັບຜິດຊອບຈະໄດ້ພ້ອມກັນຄົ້ນຄວ້າປັບປຸງເນື້ອໃນຕາມການປະກອບຄຳເຫັນເຂົ້າຂອງທີ່ປະຊຸມທີ່ຕົກລົງເຫັນດີເປັນເອກະພາບກັນ ເພື່ອກະກຽມຜ່ານເນື້ອໃນຮ່າງຂໍ້ຕົກລົງສະບັບດັ່ງກ່າວອີກເທື່ອໜື່ງ, ໂດຍການເຊີນເອົາທຸກພາກສ່ວນທີ່ກ່ຽວຂ້ອງເຂົ້າຮ່ວມຕື່ມ. ກອງປະຊຸມດັ່ງກ່າວໄດ້ດຳເນີນໄປເປັນເວລາເຄິ່ງມື້, ຈັດຂື້ນທີ່ຫ້ອງປະຊຸມຂອງ ສະຖາບັນຄຸ້ມຄອງ ວິທະຍາສາດ ແລະ ເຕັກໂນໂລຊີ, ກະຊວງວິທະຍາສາດ ແລະ ເຕັກໂນໂລຊີ.
ຮູບພາບ ແລະ ບົດຂ່າວ: ທ ພຸດທະຈັນ ຊັບທະວີ
---------------
ຢ່າລືມກົດຕິດຕາມເພຈ All in LAOS
------------------------------
