ທະຫານແຂວງອຸດົມໄຊ ສະຫຼຸບວຽກງານປ້ອງກັນພາຍໃນ 5 ປີ

ກອງທັບ: ກອງປະຊຸມສະຫຼຸບຖອດ ຖອນບົດຮຽນວຽກງານປ້ອງກັນ ພາຍໃນ 5 ປີ 2016-2020 ແລະ ວາງທິດທາງແຜນການ 5 ປີ 2021-2025 ໄດ້ໄຂຂຶ້ນໃນວັນ ທີ 25 ສິງຫາ 2020 ນີ້, ໂດຍ ການເປັນປະທານຂອງ ສະຫາຍ ພັນເອກ ຄຳຍີນ ແສງສຸລີ ກຳມະ ການພັກແຂວງ ເລຂາຄະນະພັກ ຫົວໜ້າການເມືອງກອງບັນ ຊາການ,

ໃຫ້ກຽດເຂົ້າຮ່ວມໂດຍ ສະຫາຍ ພັນໂທ ວັນດີ ກິມມະ ແສນ ຮອງຫົວໜ້າກົມປ້ອງກັນ ພາຍໃນ, ມີຄະນະພັກ-ຄະນະບັນ ຊາອົງການ 5 ຫ້ອງ, ກອງບັນຊາ ການທະຫານເມືອງ 7 ເມືອງ, ກອງພັນນ້ອຍ 414, ໂຮງຮຽນ, ໂຮງໝໍກອງຮ້ອຍເອກະລາດ, ແຂກເຊີນຈາກກອງພົນທີ 3, ປກສ ແຂວງ ແລະ ຜູ້ເຮັດວຽກງານປ້ອງກັນພາຍໃນເຂົ້າຮ່ວມ. ສະຫາຍ ພັນໂທ ແກ້ວວິເສດ ລູກສອນນ້ອຍ ຄະນະພັກກອງ ບັນຊາການ ຮອງຫົວໜ້າຫ້ອງ ການເມືອງກອງບັນຊາການທະ ຫານແຂວງອຸດົມໄຊ ໄດ້ຂຶ້ນຜ່ານ ບົດສະຫຼຸບຕີລາຄາຄືນການຈັດ ຕັ້ງປະຕິບັດໜ້າທີ່ວຽກງານປ້ອງ ກັນພາຍໃນ ໄລຍະ 5 ປີ ຜ່ານມາ ແລະ ທິດທາງແຜນການ 5 ປີ ຕໍ່ໜ້າ,

ເຊິ່ງຄະນະພັກ-ຄະນະບັນ ຊາ ໄດ້ເອົາໃຈໃສ່ສຶກສາອົບຮົມ ການເມືອງ-ນຳພາແນວຄິດເປັນ ກົກ, ລົງໃກ້ຊິດຕິດແທດຊີ້ນຳ-ນຳພາພະແນກການທີ່ກ່ຽວຂ້ອງ ລົງເຄື່ອນໄຫວວຽກງານຫັນລົງ ກໍ່ສ້າງຮາກຖານສົມທົບກັບຄະ ນະພັກ-ຄະນະບັນຊາແຕ່ລະກົມ ກອງ, ກວດກາເກັບກຳສະພາບ ການຕ່າງໆໃນການຈັດຕັ້ງປະຕິ ບັດໜ້າທີ່ວຽກງານຕາມ 4 ໜ້າ ທີ່ໃຫຍ່ 26 ແຜນງານ ທີ່ຄະນະ ພັກກະຊວງປ້ອງກັນປະເທດວາງ ອອກ,

ນຳເອົາບັນດາມະຕິຄຳສັ່ງ, ຂໍ້ກຳນົດ, ກົດລະບຽບຂອງພັກ, ຂອງກອງທັບ ມາຈັດຕັ້ງເຊື່ອມ ຊຶມໃຫ້ພະນັກງານ-ນັກຮົບໄດ້ຮັບ ຮູ້ເຂົ້າໃຈຢ່າງເລິກເຊິ່ງ, ໄດ້ນຳ ເອົານິຕິກຳຕ່າງໆມາຈັດຕັ້ງເຜີຍ ແຜ່ທັງໝົດ 30 ຄັ້ງ, ກໍ່ສ້າງກົມ ກອງປອດໃສ ປອດໄພ ປອດຄະດີ ຕິດພັນກັບການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ໄດ້ 27 ກົມກອງ, ໃນນັ້ນປະເພດ I ມີ 22 ກົມກອງ ເທົ່າກັບ 81,48%, ປະເພດ II ມີ 5 ກົມ ກອງ ເທົ່າກັບ 18,51%, ແກ້ໄຂ ຄະດີໄດ້ທັງໝົດ 35 ເລື່ີອງ, ພວມ ດຳເນີນຄະດີ 1 ເລື່ອງ, ອອກຄຳ ສັ່ງເປີດການສືບສວນ-ສອບສວນ 11 ເລື່ອງ, ສະຫຼຸບຄະດີສົ່ງໃຫ້ໄອ ຍະການສັ່ງຟ້ອງໃຫ້ສານຕັດສີນ 8 ເລື່ອງ, ຊັດມ້ຽນຄະດີ 2 ລາຍ, ແກ້ໄຂທາງບໍລິຫານ 21 ເລື່ອງ ທຽບໃສ່ 5 ປີຜ່ານມາເຫັນວ່າຄະ ດີໄດ້ຫຼຸດລົງ 8,23%, ສົ່ງພະນັກ ງານ-ນັກຮົບໄປຍົກລະດັບວິຊາ ສະເພາະທັງພາຍໃນ ແລະ ຕ່າງ ປະເທດ ຈຳນວນ 11 ສະຫາຍ,

ວຽກງານສະກັດກັ້ນ ແລະ ສືບ ສວນ-ສອບສວນແກ້ໄຂຄະດີ ມີພະນັກງານ-ນັກຮົບຈຳນວນ ໜຶ່ງລະເມີດຕໍ່ຂໍ້ກຳນົດ ກົດລະ ບຽບຂອງກອງທັບ ກົດໝາຍ ຂອງລັດ ມີການພົວພັນຊື້-ຂາຍ ເຖື່ອນ, ລັກລອບພາສີ, ສໍ້ໂກງຊັບ, ຂີ້ລັກງັດແງະ, ພົວພັນແສ້-ສາວ ສັງຄົມ, ປະລະໜ້າທີ່ທຳຮ້າຍຮ່າງ ກາຍ, ຂ້າຕົວຕາຍ ແລະ ອື່ນໆໃນນີ້ ຂ້າຕົວຕາຍ 1 ລາຍ, ສວຍໃຊ້ໜ້າ ທີ່ຕຳແໜ່ງຫາຜົນປະໂຫຍດ ສ່ວນຕົວ 2 ລາຍ, ຖືກດຳເນີນຄະ ດີ 8 ຄົນ, ສັງຄົມຊູ້ສາວລັກເອົາ ເມຍ ແລະ ປະຮ້າງກັນ ຖືກປະ ຕິບັດວິໄນ 9 ຄົນ ແລະ ອອກຈາກ ການຈັດຕັ້ງ 2 ຄົນ.

ສະຫາຍ ພັນເອກ ຄໍາຍີນ ແສງ ສຸລີ ໄດ້ກ່າວສະແດງຄວາມ ຍ້ອງຍໍຊົມເຊີຍຕໍ່ຜົນງານການ ເຄື່ອນໄຫວປະຕິບັດໜ້າທີ່ວຽກ ງານໃນໄລຍະຜ່ານມາ ພ້ອມ ທັງເນັ້ນໜັກໃຫ້ເອົາໃຈໃສ່ສຶກ ສາອົບຮົມການເມືອງ-ນຳພາ ແນວຄິດໃຫ້ພະນັກງານ-ນັກຮົບ ເປັນກົກ, ກຳແໜ້ນແນວທາງ ນະໂຍບາຍຂອງພັກ, ກົດໝາຍ ຂອງລັດ, ປະຕິບັດຂໍ້ກຳນົດກົດ ລະບຽບຂອງພັກ, ຂອງກອງທັບ ວາງອອກຢ່າງເຂັ້ມງວດ, ມີສະ ຕິລະວັງຕົວຕໍ່ກົນອຸບາຍຫັນປ່ຽນ ໂດຍສັນຕິຂອງສັດຕູ,ມີແນວຄິດ ການເມືອງໜັກແໜ້ນ, ມີຄຸນສົມ ບັດສິນທຳປະຕິວັດ, ມີຄວາມຊື່ສັດ ບໍລິສຸດຕໍ່ພັກຕໍ່ປະເທດຊາດ, ມີ ຄວາມສາມັກຄີພາຍໃນໃຫ້ແໜ້ນ ແຟ້ນ, ພ້ອມກັນເຮັດສຳເລັດໜ້າ ທີ່ວຽກງານຂອງຕົນທີ່ໄດ້ຮັບ ມອບໝາຍ.

ໂດຍ: ນາງ ວິໄລພອນ