ສະຫວັນນະເຂດ: ໃນວັນທີ 27 ສິງຫາ 2020ນີ້,ໂຮງຮຽນ ປກສ ຊັ້ນສູງເລກ III ແຂວງ ສະຫວັນນະເຂດ ໄດ້ຈັດພິທີປິດຊຸດຮຽນ ແລະ ມອບໃບປະກາສະນີຍະບັດໃຫ້ນັກສຶກສາຮຸ່ນທີ I ຂຶ້ນ,

ໂດຍການເຂົ້າຮ່ວມເປັນປະທານຂອງ ທ່ານ ພັອ ສົມໝາຍ ພົມມະຈັນ ຫົວໜ້າກອງບັນຊາການ ປກສ ແຂວງສະຫວັນນະເຂດ, ທ່ານ ພັທ ມິ່ງແກ້ວ ວົງຄຳພາ ຮອງກົມກໍ່ສ້າງກຳລັງ ປກສ, ມີທ່ານ ພັທ ບຸນລັງ ສີອຸດົມ ຫົວໜ້າອຳນວຍການ ໂຮງຮຽນ ປກສ ຊັ້ນສູງເລກIII ປກສ ແຂວງ, ມີບັນດາຫົວໜ້າກອງບັນຊາການ ປກສ ຈາກ 7ແຂວງ, ກົມກອງອ້ອມຂ້າງກະຊວງ,ຄະນະຫ້ອງ,ຄະນະກອງບັນຊາການປກສເມືອງທົ່ວແຂວງ,ພະນັກງານຄູ-ອາຈານແລະນັກສຶກສາຮຸ່ນທີ I ທັງໝົດ 302ສະຫາຍ,ຍິງ 41 ສະຫາຍ.

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ

ໃນພິທີ ທ່ານ ພັທ ມິ່ງແກ້ວ ວົງຄຳພາ ຮອງກົມກໍ່່ສາງກຳລັງ ປກສ ກໍ່ໄດ້ຂຶ້ນຜ່ານຂໍ້ຕົກລົງຂອງກົມໃຫຍ່ການເມືອງ ປກສ ສະບັບເລກທີ 2858/ກມປສ,ລົງວັນທີ 10 ສິງຫາ 2020,ວ່າດ້ວຍການອະນຸມັດຮັບຮອງຈົບ ແລະ ປິດຊຸດຮຽນໃຫ້ນັກຮຽນຮຸ່ນທີ I ຂອງໂຮງຮຽນ ປກສ ຊັ້ນສູງເລກ IIIກອງບັນຊາການ ປກສ ແຂວງສະວັນນະເຂດ, ຈາກນັ້ນທ່ານ ພັທ ສາຄອນ ສີສຸກ ຮອງອຳນວຍການ ໂຮງຮຽນ ປກສ ຊັ້ນສູງເລກ III, ກໍ່ໄດ້ສະຫຼຸບຕີລາຄາຄືນກ່ຽວກັບວຽກງານການຮຽນ-ການສອນໄດ້ໃນໄລຍະຜ່ານມາວ່າ:

ມີຜົນສຳເລັດຫຼາຍດ້ານຂອງພະນັກງານຄູ-ອາຈານ ແລະ ນັກຮຽນຮຸ່ນທີ I ໂດຍສະເພາະແມ່ນວຽກງານການສິດສອນໃນການຖ່າຍທອດຄວາມຮູ້ຄວາມສາມາດໃຫ້ແກ່ນັກສຶກສາຢ່າງທົ່ວເຖິ່ງຕໍ່ແນວທາງນະໂຍບາຍຂອງພັກ-ກົດໝາຍຂອງລັດ, ເຮັດສຳເລັດໜ້າທີ່ວຽກງານວິຊາສະເພາະເພື່ອຮັບປະກັນຄຸນນະພາບຂອງໜ້າທີ່ວຽກງານຂອງກຳລັງປ້ອງກັຄວາມສະຫງົບໃຫ້ໄດ້ຮັບໝາກຜົນ, ໃນນີ້ ນັກສຶກສາຮຸ່ນທີ I ມີ 301 ສະຫາຍ ,ຍິງ 41 ສະຫາຍ,

ວິຊາຮຽນໄດ້ແບ່ງອອກເປັນ 2 ຂະແໜ່ງຮຽນຄື: ຂະແໜ່ງສັນຕິບານ ແລະຂະແໜ່ງຕຳຫຼວດ ໃຊ້ເວລາຮຽນ 2 ປີ, ຜ່ານການຄົ້ນຄ້ວາຊອກຮູ້ຮ່ຳຮຽນຄວາມຮູ້ຄວາມສາມາດຂອງນັກສຶກສາສາມາດສອບເສັງພາກວິຊາການເມືອງ ຄະແນນ 9 ມີ157ສະຫາຍ,ຄະແນນ 8 ມີ124 ສະຫາຍ,ະແນນ 7 ມີ 20ສະຫາຍ,ພາກວິຊາກົດໝາຍ ຄະແນນ 9 ມີ 96 ສະຫາຍ,ຄະແນນ 8 ມີ 175 ສະຫາຍ,ະແນນ 7 ມີ 30ສະຫາຍ,ພາກວິຊາຂະແໜ່ງຕຳຫຼວດ-ສັນຕິບານ ຄະແນນ 9 ມີ187 ສະຫາຍ,ຄະແນນ 8 ມີ 113 ສະຫາຍ,ະແນນ 7 ມີ 01 ສະຫາຍ,

ໃນໂອກາດດ່ຽວກັນກໍ່ໄດ້ ມອບໃບປະກາດສະນີຍະບັດ ໃຫ້ນັກສຶກສາຮຸ່ນທີ Iຈຳນວນ 301 ສະຫາຍ,ຍິງ 41 ສະຫາຍ,ພ້ອມກັນນັ້ນຍັງມີການປະດັບຊັ້ນ ແລະ ມອບໃບຍ້ອງຍໍ ຈຳນວນ 265 ສະຫາຍຕື່ມອີກ.

LEAVE A REPLY

Please enter your comment!
Please enter your name here