ໄຊຍະບູລີ: ໃນຕອນເຊົ້າຂອງວັນທີ 27 ສິງຫາ 2020 ນີ້ ທີ່ສະໂມສອນໃຫຍ່ຂອງແຂວງ ໄຊຍະບູລີ ໄດ້ຈັດກອງປະຊຸມ ທາບທາມບຸກຄະລາກອນ ທີ່ຈະອອກສະມັກຮັບເລືອກຕັ້ງຄະນະບໍລິຫານງານພັກແຂວງ ສະໄໝທີVII ຮອບທີ 3 ຂຶ້ນ, ໂດຍການເປັນປະທານຂອງ ສະຫາຍ ພົງສະຫວັນ ສິດທະວົງ, ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ໄຊຍະບູລີ, ເຂົ້າຮ່ວມມີ ສະຫາຍ ທອງຈັນ ໂຂງພູມຄໍາ ຮອງຄະນະຈັດຕັ້ງ ສູນກາງພັກ, ສະຫາຍ ວັນໄຊ ຊົ່ງຊາຢູ ຮອງປະທານກວດກາ ສູນກາງພັກ, ມີບັນດາຄະນະບໍລິຫານງານພັກແຂວງ, ມີຄະນະພັກຮາກຖານ, ເລຂາໜ່ວຍພັກຈາກບັນດາພະແນກການ, ກົມກອງ, ລັດວິສາຫະກິດ ອ້ອມຂ້າງແຂວງ, ມີເລຂາພັກເມືອງ, ເຈົ້າເມືອງ 11 ເມືອງເຂົ້າຮ່ວມ.

ກອງປະຊຸມຄັ້ງນີ້ຜູ້ເຂົ້າຮ່ວມແມ່ນໄດ້ຮັບຟັງການຜ່ານ ຮ່າງບົດລາຍງານການເມືອງທັງສອງພາກ, ຮ່າງບົດເສດຖະກິດ-ສັງຄົມ ແລະ ບົດສໍາຫຼວດການນໍາພາລວມຂອງຄະນະບໍລິຫານງານພັກແຂວງ ສະໄໝທີ VI,

ໂອກາດດຽວກັນກໍ່ໄດ້ມີການປະກອບຄໍາຄິດ-ຄໍາເຫັນໃສ່ຮ່າງບົດດັ່ງກ່າວໃຫ້ມີເນື້ອໃນສົມບູນຄົບຖ້ວມ ແລະ ໄດ້ຄົ້ນຄວ້າ-ພິຈາລະນາຮັບຮອງເອົາຢ່າງເປັນທາງການ, ຈາກນັ້ນກອງປະຊຸມກໍ່ໄດ້ຜ່ານມາດຖານ, ເງື່ອນໄຂຂອງຜູ້ທີ່ຈະອອກສະມັກຮັບເລືອກຕັ້ງເປັນຄະນະບໍລິຫານງານພັກແຂວງ ຮອບທີ III, ທາບທາມຄະນະປະຈໍາພັກແຂວງ, ເລຂາ, ຮອງເລຂາ, ປະທານ, ຮອງປະທານ ຄະນະກວດກາພັກແຂວງ ຮອບທີ II, ຜ່ານລາຍຊື່, ແນະນໍາການທາບທາມລົງຄະແນນສຽງ ແລະ ໄດ້ດໍາເນີນການທາບທາມບຸກຄະລາກອນຜູ້ຈະອອກສະຫມັກຮັບເລືອກຕັ້ງເປັນຄະນະບໍລິຫານງານພັກແຂວງ ຮອບທີ III, ທາບທາມຄະນະປະຈໍາພັກແຂວງ, ເລຂາ, ຮອງເລຂາ, ປະທານ, ຮອງປະທານ ຄະນະກວດກາພັກແຂວງ ຮອບທີ II,

ທັງນີ້ກໍ່ເພື່ອເປັນການກຽມຄວາມພ້ອມດ້ານບຸກຄະລາກອນ, ເພື່ອດໍາເນີນກອງປະຊຸມໃຫຍ່ຄັ້ງທີ VII ຂອງຜູ້ແທນອົງຄະນະພັກແຂວງ ໄຊຍະບູລີ ທີ່ຈະໄຂຂຶ້ນໃນມໍ່ໆນີ້, ເລືອກໃຫ້ໄດ້ຜູ້ທີ່ມີຄວາມຮູ້, ຄວາມສາມາດ ແລະ ປະສົບການສູງ, ເລືອກເອົາຜູ້ທີ່ມີຄຸນທາດການເມືອງໜັກແໜ້ນ, ມີແນວຄິດອຸ່ນອ່ຽນທຸ່ນທ່ຽງ, ມີຄຸນສົມບັດສິນທໍາປະຕິວັດທີ່ດີ, ມີການຈັດຕັ້ງ, ມີແບບແຜນການນໍາພາ ເພື່ອປະກອບເຂົ້າໃນຄະນະບໍລິຫານງານພັກແຂວງ ສະໄໝທີ VII.

ຂ່າວ-ພາບ: ອຸ່ນເຮືອນ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here