ການບຸຣະນະປະຕິສັງຂອນພຣະເຈົ້າອົງຫຼວງ ວັດຈອມເພັດ ນະຄອນປາກເຊ ແຂວງຈຳປາສັກ ແມ່ນສຳເຣັດເປັນທີຮຽບຮ້ອຍແລ້ວ ງົດງາມສະຫງ່າ ເປັນສະຖານທີ ທີ່ເປັນເຊີດຫນ້າຊູຕາໃຫ້ແຂວງຈຳປາສັກ ອີກສະຖານທີຫນຶ່ງ ທີຜູ້ໄປໄທມາ ຄວນໄດ້ໄປຂາບໄຫວ້ສັກກະຣະບູຊາ
ອະນຸໂມທະນາ ຊົມເຊີຍຄະນະທີມງານຊ່າງ ພຣະອາຈາຣຍ໌ ສາທຸ ຈຸ່ມ ຂັດຕິຍະ ຈາກວັດສີຼບຸນເຮືອງ ເມືອງຕົ້ນເຜິ້ງ ແຂວງບໍແກ້ວ ນຳໂດຍ: ນາຍຊ່າງ ອິນ ແລະ ນາຍຊ່າງ ຕານ ທີ່ບູລະນະພຣະເຈົ້າໃຫຍ່ອົງຫລວງ ແລະ ສ້າງປະຕິສັງຂອນເຈດີ ທາດຍາພໍ່ເຖົ້າ ເຊື່ງສຳເລັດຢ່າງວິຈິດງົດງາມຍິ່ງ ໃນປີ ພ.ສ 2563 ຄ.ສ 2020.
ການບູລະນະປະຕິສັງຂອນ ແຫ່ງວັດຈອມເພັດເທພພຣະນິມິຕວະນາຣາມ ໃນປີ ພ.ສ 2563 ຄ.ສ 2020 ເຊື່ງໄດ້ບັນລຸຕາມຄວາມປະນິທານໃກ້ຈະສຳເລັດຕາມຄວາມຕັ້ງໃຈໃນການກໍ່ສ້າງ 8 ຢ່າງຄື :
- ການບູລະນະພຣະເຈົ້າໃຫຍ່ອົງຫລວງ.
- ສ້າງສວນພຣະທັມມະຈັກໃຫຍ່.
- ສ້າງປະຕິສັງຂອນພຣະເຈດີ ຍາພໍ່ເຖົ້າ.
- ສ້າງກົມມະລຽນ (ກຳແພງແກ້ວ).
- ສ້າງກຸຕິໃຫຍ່ຫຼັງໃໝ່.
- ສ້າງຫຼັງກຸຕິນ້ອຍ.
- ສ້າງສາລາທີພັກ.
- ການປັບປຸງສະຖານທີ່ໃຫ້ແທດເໝາະ ຈົບງາມຄວນແກ່ການສັກກາຣະກາບໄຫວ້.
ຂອບໃຈຂ່າວຈາກ : ເທພ ມິ່ງເມືອງໃຕ້ ແລະ ນຳສະເໜີໂດຍ : Art and Culture of Laos.
