ວັນທີ 26 ສິງຫາ2020 ນີ້, ທີ່ສະໂມສອນກອງບັນຊາການທະຫານແຂວງບໍ່ແກ້ວເປີດກອງປະຊຸມແນະນໍາການດຳເນີນການກວດກາຕີລາຄາແບ່ງປະເພດ ການຈັດຕັ້ງພັກ ແລະ ສະມາຊິກພັກ ປະຈຳປີ 2020 ໂດຍ ການເຂົ້າຮ່ວມເປັນປະທານຂອງ ສະຫາຍພັນເອກ ວິດອນ ພຸດດາວົງ ຄະນະປະຈຳພັກແຂວງເລຂາຄະນະພັກຫົວໜ້າການທະຫານກອງບັນຊາການທະຫານແຂວງບໍ່ແກ້ວ ມີສະຫາຍ ພັນເອກ ບຸນມີ ພາມີໄຊ ຮອງເລຂາຄະນະພັກຫົວໜ້າການເມືອງກອງບັນຊາການທະຫານແຂວງບໍ່ແກ້ວ, ມີຄະນະພັກ-ຄະນະບັນຊາ5 ຫ້ອງ,2 ກອງພັນ, ໂຮງຮຽນ, ໂຮງໝໍຕະຫຼອດຮອດກອງຮ້ອຍເອກະລາດເຂົ້າຮ່ວມ.

Image may contain: 1 person

ສະຫາຍພັນເອກ ບຸນມີ ພາມີໄຊ ຂຶ້ນຜ່ານຄຳສັ່ງແນະນຳຂອງຄະ ນະພັກກະຊວງປ້ອງກັນປະເທດວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ທົ່ວກອງທັບ ແລະ ຂໍ້ກໍານົດວ່າດ້ວຍຄວາມຮັບຜິດຊອບຂອງພະນັກງານນໍາພາ-ຄຸ້ມຄອງຕໍ່ການປະຕິບັດໜ້າທີ່ການເມືອງຜ່ານຕະຫຼອດໄລຍະການຈັດຕັ້ງປະຕິບັດເຮັດໃຫ້ໜ່ວຍພັກ, ສະມາຊິກພັກ ໄດ້ມີການເຕີບໃຫຍ່ຂະຫຍາຍຕົວທາງດ້ານຈໍານວນ ແລະ ຄຸນນະພາບ, ມີຫຼາຍໜ່ວຍພັກ, ສະມາຊິກພັກໄດ້ຍົກສູງບົດບາດ, ຄວາມສາມາດການນໍາພາ, ການເປັນຫຼັກແຫຼ່ງສະແດງບົດບາດເປັນແກນນໍາຢູ່ຮາກຖານ, ນໍາພາປັບປຸງກໍ່ສ້າງພັກ-ກໍ່ສ້າງກໍາລັງ, ຮັກສາ ແລະ ເສີມຂະ ຫຍາຍທາດແທ້ມູນເຊື້ອ 3 ເກັ່ງ, 4 ດີ, ໜ່ວຍພັກ 4 ຮູ້, ສະມາຊິກພັກ 4 ຮູ້, ກອງ 3 ເກັ່ງ, ນັກຮົບ 3 ເກັ່ງ ຂອງກອງທັບໃນເມື່ອກ່ອນ, ເຮັດໃຫ້ໜ່ວຍພັກ, ສໍານັກງານ, ອົງການ, ກົມກອງທ້ອງຖິ່ນໄດ້ມີການຫັນປ່ຽນທີ່ ຕັ້ງໜ້າ, ກົມກອງ – ໜ່ວຍພັກຮັບຮອງເປັນໜ່ວຍພັກແຂງຮູ້ນໍາພາຮອບດ້ານຫຼາຍຄັ້ງຕິດຕໍ່ກັນກໍ່ໄດ້ເພີ່ມຂຶ້ນ.

Image may contain: 1 person, indoor

ໃນນັ້ນບັນດາໜ່ວຍພັກທີ່ຂຶ້ນກັບອົງຄະນະພັກກອງບັນຊາການທີ່ໄດ້ຈັດຕັ້ງປະຕິບັດໃນປີຜ່ານມາເພື່ອເຮັດໃຫ້ການກວດກາຕີລາຄາແບ່ງປະເພດການຈັດຕັ້ງຮາກຖານພັກຖືກຕ້ອງທັນກັບເວລາມີປະສິດທິຜົນສູງ, ອົງຄະນະພັກກອງບັນຊາການທະຫານແຂວງບໍ່ແກ້ວຕົກລົງແຕ່ງຕັ້ງຄະນະຮັບຜິດຊອບຊີ້ນຳລວມປະກອບມີບັນດາສະຫາຍດັ່ງນີ້: ສະຫາຍພັນເອກ ວິດອນ ພຸດດາວົງ ເລຂາຄະນະພັກເປັນຫົວໜ້າ, ພັນເອກ ບຸນມີ ພາມີໄຊ ຮອງເລຂາຄະນະພັກ ເປັນຫົວໜ້າ, ສະຫາຍ ພັນໂທ ທອງໄຂ ສີຍະລາດ ປະທານກວດກາພັກເປັນຄະນະ. ໃນກອງປະຊຸມຍັງມີຄະນະພັກ, ຄະນະພັກຮາກຖານ-ໜ່ວຍພັກ ຂຶ້ນປະກອບຄຳຄິດເຫັນໃສ່ບົດ ແນະນໍາຢ່າງກົງໄປກົງມາຖືກຕ້ອງຕາມເນື້ອໃນ.


ໂດຍ: ສົມໄຊ ສີລາຈັນ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here