ນະຄອນຫຼວງວຽງຈັນ: 1624 ລາຍງານເຫດສະຫຼົດໃຈ ອຸບັດຕິເຫດລົດຈັກຕຳທ້າຍລົດພ່ວງ (ເສຍຊີວິດໃນເວລາຕໍ່ມາ) ເຂດບ້ານດົງສ້າງຫີນ
ໃນວັນທີ 23 ສິງຫາ 2020 ເວລາ 23:00 ນາທີ ໄດ້ຮັບແຈ້ງເຫດເຂົ້າໝາຍເລກສຸກເສີນ 1624 ວ່າມີລົດຈັກຕຳທ້າຍລົດພ່ວງ ຢູ່ບ້ານ ດົງສ້າງຫີນ ເມືອງ ໄຊທານີ ນະຄອນຫຼວງວຽງຈັນ.
ທີມກູ້ຊີບກູ້ໄພນະຄອນຫຼວງ (ສູນສັ່ງການ) ຈຶ່ງໄດ້ອອກກວດສອບເຫດພົບຜູ້ບາດເຈັບ 1 ຄົນເປັນເພດຊາຍ ເຊິ່ງມີອາການກະທົບຫົວ, ຫົວແຕກ ແລະ ຫົວໃຈຢຸດເຕັ້ນ.
ດັ່ງນັ້ນ, ໜ່ວຍກູ້ໄພຈຶ່ງໄດ້ທຳການປໍ້າຫົວໃຈ (CPR) ເພື່ອເຊີດຊູຊີວິດ ແລະ ປະຖົມພະຍາບານເບື້ອງຕົ້ນແລ້ວຮີບນຳສົ່ງຄົນເຈັບໄປໂຮງໝໍມິດຕະພາບ 150 ຕຽງໂດຍດ່ວນ, ແຕ່ກໍເສຍຊີວິດໃນເວລາຕໍ່ມາ.
ທາງໜ່ວຍກູ້ໄພນະຄອນຫຼວງ 1624 ຂໍສະແດງຄວາມເສຍໃຈນຳຄອບຄົວຂອງຜູ້ເສຍຊີວີດດ້ວຍ.
ລົດທີ່ເກີດເຫດແມ່ນລົດຈັກ ກໍາແພງນະຄອນ ຈສ 5844 ແລະ ລົດພ່ວງ ສະຫວັນນະເຂດ ບກ 1464
ສ່ວນສາເຫດຂອງອຸບັດຕິເຫດຄັ້ງນີ້, ເຈົ້າໜ້າທີ່ກ່ຽວຂ້ອງຈະສືບສວນຕາມຂັ້ນຕອນກົດໝາຍຕໍ່ໄປ.
ອຸປະຕິເຫດສຸກເສີນໂທ : 🚑 1624 🚑
ຖ້າທ່ານໃດຕ້ອງຢາກເປັນສ່ວນໜື່ງໃນການຊ່ວຍເຫຼືອໜ່ວຍງານພວກເຮົາໃນການບໍລິຈາກ
- ອຸປະຖຳຕ່າງໆເຊັ່ນ : ເຂົ້າສານ,ອາຫານການກີນ
- ອຸປະກອນການແພດຕ່າງໆ
ສາມາດເຂົ້າມາໄດ້ພົວພັນທີ່: ສູນສັງການ ບ້ານໂພນພະເນົາເມືອງໄຊເສດຖາ ນະຄອນຫຼວງວຽງຈັນ
