22.1 C
Laos
Thursday, October 28, 2021

ເຈົ້າໜ້າທີ່ພະແນກຕຳຫຼວດຈະລາຈອນ ປກສ ແຂວງວຽງຈັນ ມອບລົດຈັກຄືນເຈົ້າຂອງເດີມ

ຂ່າວເດັ່ນອາທິດນີ້

ໃນວັນທີ 20 ສິງຫາ 2020 ຜ່ານມານີ້ ເຈົ້າໜ້າທີ່ພະແນກຕຳຫຼວດຈະລາຈອນ ຫ້ອງຕຳຫຼວດ ປກສ ແຂວງວຽງຈັນ ໄດ້ມອບລົດຈັກຄືນເຈົ້າຂອງເດີມ ເຊິ່ງລົດຄັນດັ່ງກ່າວແມ່ນລົດຂອງທ່ານ ນາງ ສົມມາລາ ມະຫາໄທ ຢູ່ບ້ານ ສົມສະໜຸກ ເມືອງຫາດໄຊຟອງ ນະຄອນຫຼວງວຽງຈັນ ທີ່ຖືກຄົນຮ້າຍລັກໄປໃນຄັ້ງວັນທີ 31 ມີນາ 2019 ຜ່ານມາ ສະນັ້ນວັນທີ 9 ກໍລະກົດ 2020 ທີ່ຜ່ານມານີ້ ເວລາ 4 ໂມງ 27 ນາທີ ເຈົ້າໜ້າທີ່ຕໍາຫຼວດຈະລາຈອນ ປກສ ແຂວງ ປະຈໍາປ້ອມບ້ານດົງ ເມືອງທຸລະຄົມ ແຂວງວຽງຈັນ ໄດ້ລົງກວດກາການສັນຈອນຢູ່ເສັ້ນທາງເລກທີ 10 ໄດ້ລັດກວດກາເອກະສານລົດຈັກຍີ້ຫໍ້ ຮອນດ້າ ລຸ້ນສະກູບບີ່ໄອ ສີຂາວ ບໍ່ຕິດປ້າຍທະບຽນ ເຊີ່ງມີຜູ້ຂັບຂີ່ມານັ້ນໄດ້ໃຫ້ການວ່າລົດຈັກຄັນດັ່ງກ່າວບໍ່ມີເອກະສານອັນໃດເລີຍ ຈຸດປະສົງແມ່ນຈະໄປຮັບຈ້າງເຝົ້າສວນໃຫ້ພີ່ນ້ອງຢູ່ ເມືອງໄຊທານີ ນະຄອນຫຼວງວຽຈັນ ເມື່ອເຫັນແນວນັ້ນທາງເຈົ້າໜ້າຕໍາຫຼວດໄດ້ພະຍາຍາມຕິດຕໍ່ຫາເຈົ້າຂອງລົດຈັກ ແຕ່ຕິດຕໍ່ບໍ່ໄດ້ ສະນັ້ນເຈົ້າໜ້າທີ່ຕໍາຫຼວດຈື່ງໄດ້ກັກລົດຄັນດັ່ງກ່າວໄວ້

ຕົກມາຮອດວັນທີ 30 ກໍລະກົດ 2020 ໄດ້ມີ ນາງ ສົມມາລາ ມະຫາໄທ ຢູ່ບ້ານ ສົມສະໜຸກ ເມືອງຫາດຊາຍຟອງ ນະຄອນຫຼວງ ໄດ້ນຳເອົາເອກະສານປື້ມຕິດຕາມການຂື້ນທະບຽນລົດ , ຄິບວິດີໂອ ຕອນຄົນບໍ່ດີມາລັກລົດຈັກຄັນດັ່ງກ່າວ ພ້ອມທັງນຳໃບຢັ້ງຢືນແຈ້ງຄວາມລົດຈັກເສຍ ຍີ້ຫໍ້ ຮອນດ້າ ລຸ້ນສະກູບບີ່ໄອ ສີຂາວ ໜາຍເລກທະບຽນ: ດທ 3917 (ກຳແພງນະຄອນ) ໃນຄັ້ງວັນທີ 31 ກໍລະກົດ 2019 ສະຖານທີ່ເສຍແມ່ນຢູ່ຫ້ອງແຖວບ້ານໂຊກຄຳ ເມືອງໄຊເສດຖາ ນະຄອນຫຼວງວຽງຈັນ, ສະນັ້ນມາໃນວັນທີ 20 ສິງຫາ 2020 ເຈົ້າໜ້າທີ່ພະແນກຕຳຫຼວດຈະລາຈອນ ປກສ ແຂວງວຽງຈັນ ຈຶ່ງໄດ້ນຳເອົາລົດຈັກຄັນດັ່ງກ່າວມາມອບຄືນໃຫ້ເຈົ້າຂອງເດີມເປັນທີ່ຮຽບຮ້ອຍແລ້ວ

ຕາງໜ້າມອບໂດຍແມ່ນ ທ່ານ ພັທ ຈັນທະໝອມ ສີທໍາມະວັນ ຫົວໜ້າພະແນກຈະລາຈອນ ຫ້ອງຕຳຫຼວດ ປກສ ແຂວງວຽງຈັນ ຕາງໜ້າຮັບໂດຍແມ່ນ ທ່ານ ນາງ ສົມມາລາ ມະຫາໄທ ຢູ່ບ້ານ ສົມສະໜຸກ ໂດຍຊ່ອງໜ້າພະນັກງານ-ນັກຮົບ ແລະ ເຈົ້າຂອງຊັບເຂົ້າຮ່ວມເປັນສັກຄີພະຍານ ໂອກາດດຽວກັນນີ້ເຈົ້າຂອງຊັບກໍ່ໄດ້ສະແດງຄວາມຂອບອົກຂອບໃຈມາຍັງເຈົ້າໜ້າທີ່ ທີ່ໄດ້ເອົາໃຈໃສ່ປະຕິບັດໜ້າທີ່ວຽກງານຈົນສາມາດເກັບກູ້ລົດຈັກຄືນມາໄດ້ ແລະ ທ່ານ ພັທ ຈັນທະໝອມ ສີທໍາມະວັນ ຫົວໜ້າພະແນກຈະລາຈອນ ຫ້ອງຕຳຫຼວດ ປກສ ແຂວງວຽງຈັນ ຍັງໄດ້ຮຽກຮ້ອງໃຫ້ເຈົ້າຂອງຊັບຈົ່ງເອົາໃຈໃສ່ໃນການປົກປັກຮັກສາວັດຖຸສິງຂອງທີ່ມີຄ່າໄວ້ໃຫ້ດີເພື່ອບໍ່ໃຫ້ຄົນບໍ່ດີສວຍໂອກາດລັກຊັບຂອງທ່ານພ້ອມນັ້ນຍັງໄດ້ຮຽກຮ້ອງໃຫ້ພໍ່ແມ່ປະຊາຊົນບັນດາເຜົ່າຈົ່ງຊ່ວຍກັນເປັນຫູເປັນຕາຊ່ວຍເຈົ້າໜ້າທີ່ ຖ້າພົບເຫັນຄົນແປກຫນ້າທີ່ມາຂາຍວັດຖຸສິງຂອງໂດຍສະເພາະລົດຈັກບໍ່ມີເອກະສານຄົບຖ້ວນມາຂາຍໃຫ້ບໍ່ຄວນຊື້ຢ່າງເດັດຂາດ.

ນັກຂ່າວ ປກສ ແຂວງວຽງຈັນ

- Advertisement -
- Advertisement -

ເລື່ອງລາວຫຼ້າສຸດມື້ນີ້