ປະຈຸບັນ (14:00-21/8/2020) ທາງ ປກສ ເມືອງພຽງ ແມ່ນເຝົ້າລະວັງ ແລະ ກຽມຄວາມພ້ອມເພື່ອຊ່ວຍເຫຼືອປະຊາຊົນ ຫາກສະພາບນໍ້າຖ້ວມຍັງສືບຕໍ່ຮ້າຍແຮງ.
ເປັນກໍາລັງໃຈໃຫ້ອ້າຍນ້ອງເຈົ້າໜ້າທີ່ ແລະ ຂໍໃຫ້ທຸກຄົນປອດໄພ.
ນັກຂ່າວເມືອງພຽງລາຍງານໃຫ້ຮູ້ເພີ່ມວ່າ ຝົນຕົກໜັກຄືນຜ່ານມາ ເຮັດໃຫ້ 7 ບ້ານຂອງເມືອງພຽງ ຖືກນໍ້າຖ້ວມ
ເນື່ອງຈາກຝົກຕົກໜັກໃນຕອນແລງຂອງວັນທີ 20 ສິງຫາ ຕະຫຼອດຄືນຈົນເຖີງຕອນເຊົ້າຂອງວັນທີ 21 ສິງຫາ 2020 ນີ້ ໄດ້ສົ່ງຜົນໃຫ້ປະລິມານນ້ຳຝົນ ແລະ ແມ່ນ້ຳຫຼາຍສາຍມີລະດັບນ້ຳສູງຂື້ນໂດຍສະເພາະແມ່ນ ນ້ຳຕອມ, ນ້ຳຕານ ແລະ ນ້ຳລວກ ໄດ້ໄຫຼເຂົ້າຖ້ວມບ້ານເຮືອນ ໄຮ່ນາຮົ້ວສວນເສັ້ນທາງການສັນຈອນ ແລະ ຂົ້ວຂ້າມທາງເຂົ້າບ້ານຂອງປະຊາຊົນ 7 ບ້ານຄື: ບ້ານນາແຄມ, ນາຊີງ, ນາກອກ ບ້ານກາງ, ຫຼວຍຊາກ, ປາກຊອງ, ນາມໍ້, ເມືອງພຽງ,ແຂວງໄຊຍະບູລີ ໂດຍສະເພາະ ແມ່ນເຂດບ່ອນຮາບພຽງ, ຈຸດຮັບນ້ຳຂອບເຂດທີ່ຕໍ່າສົ່ງຜົນເຮັດໃຫ້ສັດລ້ຽງ, ເຄຶ່ອງໃຊ້ສອຍ, ເຮືອນຊານບ້ານຊ່ອງ, ໄຮ່ນາຮົ້ວສວນ ແລະ ຖະໜົນຫົນທາງໄດ້ຮັບຄວາມເສຍຫາຍຈຳນວນໜຶ່ງ.
ຕໍ່ກັບສະພາບການດັ່ງກ່າວທາງຄະນະພັກອຳນາດການປົກຄອງເມືອງເຊິ່ງນຳໂດຍ ທ່ານ ເສິດ ແສງສຸລິນ ເຈົ້າເມືອງໆພຽງ ພ້ອມທັງທີມງານຂອງ ສະມາຊິກສະພາແຫ່ງຊາດເຂດເລືອກຕັ້ງທີ່ 7 ແຂວງໄຊຍະບູລີ ຄະນະສະເພາະກິດຕ້ານໄພພິບັດຂັ້ນເມືອງ ເຈົ້າໜ້າທີ ແລະ ພາກສ່ວນທີ່ກ່ຽວຂ້ອງໄດ້ລົງຕິດຕາມເຝົ້າລະວັງ ໃຫ້ການຊ່ວຍເຫຼືອພໍ່ແມ່ປະຊາຊົນທີ່ຖືກຜົນກະທົບດ້ວຍການຂົນຍ້າຍເຄື່ອງຂອງ ແລະ ສັດລ້ຽງອອກໄປໄວ້ເຂດທີ່ປອດໄພພ້ອມທັງເກັບກຳຂໍ້ມູນຄວາມເສຍຫາຍ ເພຶ່ອໃຫ້ການຊ່ວຍເຫຼືອໃນເບື້ອງຕົ້ນ.
ນັກຂ່າວເມືອງພຽງ.
.
.
.
ຂ່າວກ່ອນໜ້ານີ້
ເມືອງພຽງ: ລາຍງານຈາກ ປະຊາຊົນ ເມືອງພຽງ ໃຫ້ຮູ້ວ່າ ຝົນຕົກໝົດຄືນ ວັນທີ່ 20 ສິງຫາ 2020 ເຮັດໃຫ້ນໍ້າສູງໄຫຼຖ້ວມ ເຂດບ້ານນາຊີງ ເມືອງພຽງ ແຂວງໄຊຍະບູລີ.
ນໍ້າຖ້ວມນາ, ໜອງປາ ແລະ ທາງເຂົ້າບ້ານ ສ່າງຄວາມເສຍຫາຍ ແລະ ການສັນຈອນຕັດຂາດ ຕ້ອງໄດ້ ໃຊ້ເຮືອ.
ຄວາມເສຍຫາຍລະອຽດ ເຈົ້າໜ້າທີ່ກ່ຽວຂ້ອງຈະເຮັດການສໍາຫຼວດຫຼັງນໍ້າບົກແຫ້ງ.
ຄລິບລາຍງານສົດ ເຊົ້າວັນທີ່ 21 ສິງຫາ 2020
ຄລິບ 2
ຄລິບ 3
ຂໍ້ມູນຈາກ : ປະກາດ Pakaad
