ພິທີເຊັນບົດບັນທຶກສັນຍາການຊ່ວຍເຫຼືອການກໍ່ສ້າງລະບົບນໍ້າ ແລະ ໄຟຟ້າຂອງກອງຮ້ອຍ 121 ກອງບັນຊາການທະຫານແຂວງບໍ່ແກ້ວ

ເພື່ອປະຕິບັດຕາມການພົວພັນຮ່ວມມືທີ່ມີມູນເຊື້ອ ແລະ ການຮ່ວມມືຮອບດ້ານ ລະຫວ່າງສອງພັກ ສອງລັດ ແລະ ປະຊາຊົນສອງຊາດ ລາວ-ຈີນ, ຈີນ-ລາວ ເວົ້າລວມ, ເວົ້າສະເພາະ ແມ່ນການພົວພັນຮ່ວມມືຮອບດ້ານລະຫວ່າງສອງກອງບັນຊາການຄື: ກອງບັນຊາການຕຳຫຼວດລາດຕະເວນທາງນ້ຳ ແຂວງຢູນານ ສປ ຈີນ ແລະ ກອງບັນຊາການທະຫານແຂວງບໍ່ແກ້ວ ສ ປປ ລາວ. ໃນວັນທີ 18 ສິງຫາ 2020ນີ້ ທີ່ສູນປະສານງານລາວ-ຈີນ ບ້ານມອມ ເມືອງຕົ້ນເຜີ້ງ ແຂວງບໍ່ແກ້ວ ໄດ້ຈັດພິທີເຊັນບົດບັນທຶກສັນຍາການຊ່ວຍເຫຼືອໂຄງການການກໍ່ສ້າງລະບົບນໍ້າ ແລະ ໄຟຟ້າຂອງກອງຮ້ອຍ 121 ກອງບັນຊາການຫານແຂວງບໍ່ແກ້ວ ທີ່ຝ່າຍຈີນຊ່ວຍເຫຼືອໃຫ້ຝ່າຍລາວຂື້ນ.

ໂດຍເປັນກຽດເຊັນມອບຂອງ ສະຫາຍ ພົນຕີ ຢວນຍະຜິ້ງ ຫົວໜ້າກອງບັນຊາການຕຳຫຼວດລາດຕະເວນທາງນ້ຳແຂວງຢູນານ ສປຈີນ ແລະ ເປັນກຽດເຊັນຮັບຂອງ ສະຫາຍພັນເອກ ວິດອນ ພຸດດາວົງ ຮອງປະທານ ຜູ້ປະຈຳການຄະນະກຳມະການ ປ້ອງກັນຊາດ – ປ້ອງກັນຄວາມສະຫງົບແຂວງ, ຄະນະປະຈຳພັກແຂວງເລຂາຄະນະພັກຫົວໜ້າການທະຫານກອງບັນຊາການທະຫານແຂວງບໍ່ແກ້ວ. ເຊິ່ງເນື້ອໃນຂອງບົດບັນທຶກສັນຍາຄັ້ງນີ້ແມ່ນເພື່ອແກ້ໄຂຄວາມຫຍຸ້ງຍາກໃນການນໍາໃຊ້ລະບົບນໍ້າ ແລະ ໄຟຟ້າຂອງກອງຮ້ອຍ 121 ດັ່ງນັ້ນທາງກອງບັນຊາການຕຳຫຼວດລາດຕະເວນທາງນ້ຳ ແຂວງຢູນານ ສປ ຈີນ ຈຶ່ງເຫັນໄດ້ຄວາມຈຳເປັນຈຶ່ງໃຫ້ທືນຊ່ວຍເຫຼື້ອໃນການກໍ່ສ້າງຄັ້ງນີ້ໂຄງການດັ່ງກ່າວແມ່ນຢູ່ທີ່ກອງຮ້ອຍ 121 ບ້ານດອນມູນ ເມືອງເມິງ ແຂວງບໍ່ແກ້ວ.

ລາຍລະອຽດຂອງການກໍ່ສ້າງລະບົບໄຟຟ້າມີເນື້ອໃນກໍ່ສ້າງຄື: ຕັ້ງໝໍ້ແປງໄຟທີ່ມີກໍາລັງແຮງ 50KVA 1ໜ່ວຍ, ຕິດຕັ້ງສາຍໄຟທີ່ມີກໍາລັງແຮງ 22KV ທີ່ມີຄວາມຍາວ 3.8Km ແລະ ສາຍໄຟທີ່ມີກໍາລັງແຮງ 400 V ມີຄວາມຍາວ 400m, ຕິດຕັ້ງດອກໄຟພາຍໃນກອງຮ້ອຍ, ລາຍລະອຽດຂອງການກໍ່ສ້າງລະບົບນໍ້າມີເນື້ອໃນກໍ່ສ້າງ ສ້າງອ່າງເກັບນໍ້າທີ່ມີຄວາມສູງ 1.2 ແມັດ ມີຄວາມຍາວ 2.4 ແມັດ ຕໍ່ທໍ່ນໍ້າໄປກອງຮ້ອຍ ມີຄວາມຍາວ 5400 ແມັດ, ງົບປະມານລະບົບນໍ້າ ແລະ ໄຟຟ້າລວມທັງໝົດເປັນເງິນຈີນມີຈໍານວນ 1,300,000 ຢວນ (ໜຶ່ງລ້ານສາມແສນຢວນ) ໂຄງການກໍ່ສ້າງດັ່ງກ່າວແມ່ນມອບໃຫ້ທາງຝ່າຍລາວເປັນຜູ້ລົງມືກໍ່ສ້າງເອງຈາກນັ້ນທັງສອງຝ່າຍກໍ່ໄດ້ລົມນາມເຊັນບົດບັນທຶກສັນຍາດັ່ງກ່າວຢ່າງເປັນທາງການ.