ນະຄອນຫຼວງວຽງຈັນ: ພັທ ສອນພັນ ອິນມະນີ ຮອງພະແນກຕຳຫຼວດ ຫົວໜ້າໜ່ວຍງານສືບສວນສອບສວນ ເມືອງຈັນທະບູລີ ໃຫ້ຮູ້ວ່າ: ພາຍຫຼັງໄດ້ຮັບແຈ້ງຄວາມຈາກ ນ. ອຳໄພວັນ ອາຍຸ 29 ປີ ຢູ່ບ້ານທົ່ງສ້າງນາງ ເມືອງຈັນທະບູລີ ນວ ວ່າ: ໃນວັນທີ 13 ກໍລະກົດ 2020 ເວລາປະມານ 02:00 ໂມງ ໄດ້ມີຄົນຮ້າຍ ( ເພດຊາຍ ) 02 ຄົນ ຂີ່ລົດຈັກມາຕີເອົາລົດຈັກຂອງຕົນ ແລະ ໂທລະສັບມືຖື ແລ້ວໜີໄປ.

ຈາກນັ້ນ, ເຈົ້າໜ້່າທີ່ພວກເຮົາຈິ່ງໄດ້ແຕ່ງເຈົ້າໜ້າທີ່ວິຊາສະເພາະລົງເກັບກໍາຂໍ້ມູນ ເພື່ອກຳນົດເປົ້າໝາຍ ແລະ ຕິດຕາມຈາກກ້ອງວົງຈອນປິດ ມາຮອດວັນທີ 15 ກໍລະກົດ 2020 ເຈົ້າໜ້າທີ່ກໍ່ເຂົ້າກັກຕົວ ທ້າວ ສອນມີໄຊ ( ເຂັມ ) ອາຍຸ 28 ປີ ໄດ້ຢູ່ເສັ້ນທາງບ້ານດອນແດງ ເມືອງຈັນທະບູລີ ພ້ອມຂອງກາງລົດຈັກຮອນດ້າຊູເມີ້ເອັກ ແລະ ສືບຕໍ່ກັກຕົວທ້າວ ສະໝານ ຫຼື ໂຈ້ ອາຍຸ 20 ປີ, ໃນວັນທີ 30 ກໍລະກົດ 2020 ຢູ່ເຮືອນຂອງຜູ້ກ່ຽວບ້ານປາກທ້າງ ເມືອງສີໂຄດຕະບອງ ນວ ຜູ້ຮ່ວມຂະບວນການ ຕາມການຊັດທອດ.

ຜ່ານການສືບສວນ-ສອບສວນ ຂອງເຈົ້າໜ້າທີ່ ທ້າວ ສອນມີໄຊ ຫຼື ເຂັມ ໄດ້ຍອມຮັບສາລະພາບວ່າ: ໃນວັນທີ 13 ກໍລະກົດ 2020 ເວລາປະມານ 2:00 ໂມງ ຕົນ ແລະ ທ້າວ ໂຈ້ ໄດ້ຂັບຂີ່ລົດຈັກ ສີແດງ-ດຳ ( ອອກຊື່ເອື້ອຍຂອງຕົນ ) ຊ້ອນກັນມາ, ແຕ່ຫ້ອງການບ້ານໂພນຕ້ອງສະຫວາດ ຫາເລາະປຸ້ນຊັບ ເພື່ອເອົາມາຊື້ຢາບ້າມາເສບ; ເຊິງຕົນໄດ້ເລີ່ມເສບຢາບ້າ ມາແຕ່ປີ 2016 ໂດຍເສບມື້ລະ 2-5 ເມັດ; ເຊິ່ງໄດ້ຊື້ນໍາຊາຍຄົນໜື່ງ ຢູ່ແຖວບ້ານໜອງດ້ວງ ເມືອງສີໂຄດຕະບອງ. ພໍຂີ່ມາຮອດທາງ 4 ແຍກລາວເທັກ ເຫັນຜູ້ຍິງຄົນໜຶ່ງຂີ່ລົດມາຄົນດຽວ ພວກຕົນຈິງໄດ້ຂີ່ນຳໄປຮອດປາກຮ່ອມ 11 ບ້ານໂພນຕ້ອງຈອມມະນີ, ຈິ່ງໄດ້ຈອດລົດໃຫ້ທ້າວ ໂຈ້ ໄປຕີເອົາລົດຈັກ ແລະ ໂທລະສັບ ແລ້ວຈິງແຍກກັນລົບໜີໄປ.

ພໍມາຮອດວັນທີ 15 ກໍລະກົດ 2020 ພວກຕົນໄດ້ນັດໄປເຈີກັນ ຮ້ານເກມແຖວດົງນາໂຊກ ແລະ ຕົກລົງກັນຈະເອົາຄັນດັ່ງກ່າວໄປຂາຍ ຕົນໄດ້ເອົາໂທລະສັບ ໄປຈຳນຳຍິງຄົນໜື່ງ ແຖວບ້ານດົງນາໂຊກເໜືອ ແລ້ວຈິງໄດ້ຂີ່ລົດຈັກຄັນດັ່ງກ່າວ ໄປຫາໜູ່ຢູ່ແຖວບ້ານດົງປ່າແລບ ເພື່ອຈະໄປຂາຍລົດ ແລ້ວເອົາເງິນມາປັນກັນ ໃນຂະນະທີ່ລໍ້ຖ້າຂາຍລົດ ຢູ່ແຄມທາງເຂດບ້ານດອນແດງ ຈິ່ງຖືກເຈົ້າໜ້າທີ່ເຂົ້າກັກຕົວ.
ທ້າວ ສະໝານ ຫຼື ໂຈ້ ໄດ້ຮັບສາລະພາບອີກວ່າ: ໃນມື້ເກີດເຫດພວກຕົນ ໄດ້ພາກັນຂີ່ລົດເລາະມາທາງຕະຫຼາດເຊົ້າໄປຫາ ໂພນພະເນົາ ພໍມາຮອດຈຸດເກີດເຫດ ເວລາປະມານ 02:00 ໂມງ ຈິງໄດ້ພົບເຫັນເປົ້າໝາຍ ເປັນເພດຍິງ ຂີ່ລົດມາຄົນດຽວ; ເມືອຮອດຮ່ອມ 11 ບ້ານໂພນຕ້ອງຈອມມະນີ ເປົ້າໝາຍໄດ້ຈອດລົດແຊດໂທລະສັບ ຈິງຮີບລົງໄປຕີທ້ອງຍິງຄົນນັ້ນ 3 ບາດ, ເຮັດໃຫ້ຍິງຄົນນັ້ນລົ້ມລົງ ຕົນຈິງຍາດເອົາລົດ ພ້ອມໂທລະສັບມືຖື ແລ້ວກໍ່ຂີ່ລົດຄັນດັ່ງກ່າວລົບໜີໄປ.

ໃນຂະນະທີ່ຍາດເອົາລົດ ໄດ້ເຮັດໝວກກັນກະທົບ ແລະ ເກີບເຮ່ຍຢູ່ຈຸດດັ່ງກ່າວ. ພໍຮອດວັນທີ 30 ກໍລະກົດ 2020, ເວລາ 09:00 ໂມງ ຈິງຖືກເຈົ້າໜ້າທີ່ເຂົ້າກັກຕົວຢູ່ເຮືອນ ແລະ ທ້າວ ສະໝານ ຍັງຍອມຮັບອີກວ່າ ໄດ້ເສບຢາບ້າ ແລະ ເສບມາແຕ່ປີ 2018 ເສບມື້ລະ 2-8 ເມັດ ໄດ້ຊື້ນຳຊາຍຄົນໜື່ງ ຢູ່ຮ້ານເກມດົງນາໂຊກ ເມືອງສີໂຄດຕະບອງ ນວ

ຕໍ່ກັບຄະດີລາຍນີ້ ພັທ ສອນພັນ ອິນມະນີ ໄດ້ຂໍຝາກເຖິງປະຊາຊົນ ໃຫ້ມີສະຕິໃນການໄປ-ມາ ໂດຍສະເພາະແມ່ນເພດຍິງທີ່ເປັນເປົ້າໝາຍຂອງຄົນຮ້າຍ, ຖ້າເກີດເຫດຂຶ້ນແລ້ວຈະເຮັດໃຫ້ເສຍວັດຖຸຊັບສິນ ແລະ ໄດ້ຮັບບາດເຈັບ ຫຼື ອາດເຮັດໃຫ້ເສຍຊີວິດກໍເປັນໄດ້ ໃນກໍລະນີຈໍາເປັນຕ້ອງໄປ-ມາເດີກ ຕ້ອງໃຫ້ມີຄູ່ໄປນໍາກັນ.

ສຳລັບຂອງກາງຄະດີ ( ລົດຈັກ ແລະ ໂທລະສັບມືຖືນັ້ນ ) ພັທ ສອນພັນ ອິນມະນີ ໄດ້ມອບໃຫ້ ນ. ອໍາໄພພັນ ເຈົ້າຂອງເດີມ ໃນວັນທີ 4 ສິງຫາ 2020.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here