ກົດຮູບເພື່ອຮັບສ່ວນຫຼຸດເລີຍພີ່ນ້ອງ
ພະແນກຕໍາຫຼວດ ປກສ ເມືອງພຽງ ແຂວງໄຊຍະບູລີ ໄດ້ນຳກຳລັງເຈົ້າໜ້າທີ່ວິຊາສະເພາະ ເຂົ້າຈັບກຸມ 2 ເປົ້າໝາຍຢາເສບຕິດ ຢູ່ຄິວລົດ ທີ່ເມືອງໄຊຍະບູລີ ພ້ອມກວດຄົ້ນພົບຢາບ້າ 18.000 ເມັດ ທີ່ຊຸກເຊື່ອງໄວ້ໃນລົດຕູ້ສະແຕກແລັກໄປດຳເນີນຄະດີຕາມກົດໝາຍ ໃນວັນທີ 7 ສິງຫາ ຜ່ານມາ. ເຈົ້າໜ້າທີ່ ປກສ ແຂວງໄຊຍະບູລີ ໃຫ້ຮູ້ວ່າ: ຫຼັງຈາກສືບຮູ້ການເຄື່ອນໄຫວຂອງເປົ້າໝາຍຄ້າຂາຍຢາເສບຕິດ ທີ່ກໍາລັງຈະຂົນສົ່ງຢາເສບຕິດ ດ້ວຍລົດຕູ້ສະຕາແລັກ ໝາຍເລກທະບຽນ ກພ 0929 ຫຼວງພະບາງ ລະຫວ່າງເທດສະ ບານເມືອງພຽງ ຫາ ເມືອງໄຊຍະບູລີ; ຈາກນັ້ນ, ຈຶ່ງໄດ້ນໍາກໍາລັງວິຊາສະເພາະ ລົງຕິດຕາມການເຄື່ອນໄຫວ ເພື່ອຊອກຫາເປົ້າໝາຍ, ຮອດເວລາ 13:30 ໂມງ ຂອງວັນທີ 7 ສິງຫາ ຜ່ານມາ ກໍພົບເຫັນລົດເປົ້າໝາຍຂັບຂີ່ເຂົ້າໄປຄິວລົດແຫ່ງໜຶ່ງ ໃນເມືອງໄຊຍະບູລີ ຈຶ່ງໄດ້ກັກລົດຄັນດັ່ງກ່າວ ແລ້ວທຳການກວດຄົ້ນ ພົບເຫັນຢາບ້າ ຈໍານວນ 9 ມັດ ເທົ່າກັບ 18.000 ເມັດ.
ເຈົ້າໜ້າທີ່ ກໍໄດ້ກັກຕົວເປົ້າໝາຍທັງສອງ ຊື່ ທ້າວ ເກົ້າລີ ອາຍຸ 28 ປີ ບ້ານໂພນສະຫວ່າງ ແລະ ທ້າວ ເຊິນ ອາຍຸ 53 ປີ ບ້ານໂພນຊຽງ ທັງສອງຢູ່ເມືອງນໍ້າບາກແຂວງຫຼວງພະບາງ. ຈາກນັ້ນ, ໄດ້ມອບພວກກ່ຽວໃຫ້ ປກສ ແຂວງໄຊຍະບູລີສືບຕໍ່ທຳການສອບສວນຂະຫຍາຍ ຜົນຫາທີ່ມາຂອງຢາບ້າຈໍານວນດັ່ງກ່າວ ເພື່ອດຳເນີນຄະດີຕາມຂັ້ນຕອນຂອງກົດໝາຍຕໍ່ໄປ.
ຝາກເວັບໄຊຂອງທ່ານທີ່ໂຮສນີ້ດີທີ່ສຸດ
ກົດຮູບເພື່ອຮັບສ່ວນຫຼຸດເລີຍພີ່ນ້ອງ
foodpanda ສັ່ງອາຫານໄດ້ຕາມໃຈທ່ານ
---------------
ຢ່າລືມກົດຕິດຕາມເພຈ All in LAOS
------------------------------
