ມາຮອດວັນທີ 18 ສິງຫາ 2020 ທົ່ວໂລກມີຜູ້ຕິດເຊື້ພະຍາດໂຄວິດ19 ທັງໝົດ ເກືອບ 22ລ້ານຄົນ, ເພີ່ມຂຶ້ນ 217.212 ຄົນ, ເສຍຊີວິດ776.823ຄົນ ຫລາຍກວ່າໝູ່ ແມ່ນສະຫະຣັດອາເມຣິກາ 5.558.714ຄົນ, ເສຍຊີວິດ 173.823ຄົນ, ເບຼຊິນ 3.363.235ຄົນ. ແລະອິນເດຍ 2.701.604 ຄົນ


ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ຄະນະສະເພາະກິດຄວບຄຸມໂຄວິດ19 ຖະແຫລງຕອນເຊົ້າວັນທີ 18 ສິງຫາ ນີ້ ເຖິງສະພາບການຄວບຄຸມໂຄວິດ19 ຢູ່ ສປປ ລາວວ່າ: ມື້ຜ່ານມາ ທົ່ວປະເທດມີຜູ້ເດີນທາງເຂົ້າມາ ລາວທັງໝົດ 2,212 ຄົນ: ໃນນັ້ນຈຸດຜ່ານດ່ານລາວ-ໄທ 1,093 ຄົນ ມີແຮງງານລາວກັບມາແຕ່ໄທ 205 ຄົນ; ຈຸດຜ່ານດ່ານລາວ – ຈີນ 117 ຄົນ, ມີແຮງງານຈີນ 107 ຄົນ , ເຫຼືອນັ້ນ ແມ່ນຄົນຂັບລົດສົ່ງສິນຄ້າ; ຈຸດຜ່ານດ່ານລາວ – ຫວຽດນາມ 673 ຄົນ, ໃນນີ້ ແຮງງານຫວຽດນາມ 5 ຄົນ, ເຫຼືອນັ້ນ ແມ່ນຄົນຂັບລົດສົ່ງສິນຄ້າ ແລະ ຜູ້ຕິດຕາມ; ເດີນທາງຜ່ານສະໜາມບິນສາກົນວັດໄຕ 329 ຄົນ ມີຄົນຈີນ 255 ຄົນ, ຄົນລາວ 7 ຄົນ ແລະ ຕ່າງປະເທດ 67 ຄົນ); ທຸກຄົນໄດ້ແທກອຸນຫະພູມຮ່າງກາຍ, ແລະ ໄດ້ເກັບຕົວຢ່າງມາກວດ ແລ້ວນຳສົ່ງໄປຫາສະຖານທີ່ ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ


ວຽກງານເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດ ມີທັງໝົດ 422 ຄົນ, ໃນນັ້ນ ແຮງງານລາວມາແຕ່ໄທ 98 ຕົວຢ່າງ, ແຮງງານຈີນ 262 ຕົວຢ່າງ ແລະ ບຸກຄົນທົ່ວໄປທີ່ບໍ່ມີອາການ 62 ຕົວຢ່າງ; ຜົນກວດວິເຄາະທັງໝົດແມ່ນ ບໍ່ພົບເຊື້ອໃໝ່; ສ່ວນຄົນເຈັບຕິດເຊື້ອໃໝ່ ທີ່ພວມປີ່ນປົວຢູ່ໂຮງໝໍມິດຕະພາບ ຈຳນວນ 3 ຄົນ ແມ່ນບໍ່ມີອາການຮ້າຍແຮງ

LEAVE A REPLY

Please enter your comment!
Please enter your name here