ຮ່ວມ ສົ່ງເປັນພະລັງແຮງຈິດ ແຮງໃຈ ໃຫ້ຄວາມຮູ້ສຶກ ສົ່ງໄປຮອດໄປເຖິງ ທີມລົດຖັງ ຈາກ ສປປ ລາວ ໃນການເຂົ້າຮ່ວມແຂ່ງຂັນ ກິລາ Army Games International 2020 ທີ່ປະເທດລັດເຊຍ ໃຫ້ໄດ້ຫຼຽນຄໍາ ກັບມາປະເທດ
ໃນລະຫວ່າງວັນທີ 23 ສິງຫາ – 5 ກັນຍາ 2020 ນີ້ ຈະມີການແຂ່ງຂັນກິລາທາງການທະຫານນານາຊາດ ຄັ້ງທີ 6 ທີ່ ປະເທດລັດເຊຍ, ປະກອບດ້ວຍ 31 ລາຍການແຂ່ງຂັນ ໂດຍມີຕົວແທນຈາກ 28 ປະເທດເຂົ້າຮ່ວມ ລວມທັງ ສປປ ລາວ
ສຳລັບກອງທັບປະຊາຊົນລາວ ໄດ້ສົ່ງທີມນັກກິລາເຂົ້າຮ່ວມ 2 ລາຍການຄື ແຂ່ງຂັນລົດຖັງ ແລະ ເຕັກນິກທາງດ້ານອາວຸດ-ຍຸດໂທປະກອນ, ໂດຍທຳອິດ ກອງທັບປະຊາຊົນລາວ ຈະໄດ້ສົ່ງນັກກິລາເຂົ້າຮ່ວມຫຼາຍລາຍການ ແຕ່ເນື່ອງຈາກການລະບາດຂອງພະຍາດໂຄວິດ-19 ຈື່ງໄດ້ຕັດບາງລາຍການອອກ
International Army Games ເລີ່ມຕົ້ນການແຂ່ງຂັນລະຫວ່າງໜ່ວຍທະຫານພາຍໃນກອງທັບລັດເຊຍ ຕໍ່ມາຂະຫຍາຍໄປແຂ່ງຂັນລະຫວ່າງປະເທດອາດີດສະຫະພາບໂຊຫວຽດ ແລ້ວປ່ຽນມາເປັນລະດັບນານາຊາດໃນປີ 2015 ໂດຍປີທໍາອິດມີພຽງລັດເຊຍເປັນເຈົ້າພາບພຽງປະເທດດຽວ ແຕ່ຕໍ່ມາມີຫຼາຍປະເທດເປັນເຈົ້າພາບຮ່ວມ
.
---------------
ຢ່າລືມກົດຕິດຕາມເພຈ All in LAOS
------------------------------
