ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ກະຊວງສຶກສາ ແຈ້ງນັກສຶກສາລາວ 54 ຄົນ ຮຽນຢູ່ ຫວຽດນາມ ທີ່ໜີກັບມາ ລາວ ໂດຍບໍ່ໄດ້ຮັບອະນຸຍາດ ໃຫ້ກັກໂຕ 14 ວັນ ພ້ອມສຶກສາອົບຮົມແນວຄິດທີ່ເຮັດຜິດລະເມີດລະບຽບກົດໝາຍ ຂອງສອງປະເທດ. ຖ້າບໍ່ມາລາຍງານຕົວ ແລະ ບໍ່ໄດ້ຮັບການສຶກສາອົບຮົມ ແມ່ນບໍ່ອະນຸຍາດໃຫ້ກັບໄປຮຽນຄືນຢ່າງເດັດຂາດ.

ໃນວັນທີ 14 ສິງຫາ 2020​ ນີ້ ກະຊວງສຶກສາທິການ ແລະ ກິລາ ອອກແຈ້ງການເລື່ອງສະພາບນັກສຶກສາລາວ ຈຳນວນ 54 ຄົນ ຮຽນຢູ່ ສສ ຫວຽດນາມ ໜີອອກຈາກຫໍພັກ ກັບມາ ສປປ ລາວ ຈາກການລາຍງານ ສະຖານກົງສູນໃຫຍ່ ສປປ ລາວ ປະຈຳນະຄອນດ່ານັ້ງ, ສສ ຫວຽດນາມ ວ່າ: ໃນວັນທີ 24/7/2020 ມີນັກສຶກສາລາວ ຈາກວິທະຍາໄລການແພດກວາງຈິ ໄດ້ລັກໜີອອກຈາກຫໍພັກກັບມາລາວໂດຍບໍ່ໄດ້ອະນຸຍາດຈຳນວນ 54 ຄົນ, ໃນນີ້ 15 ຄົນມີໜັງສືຜ່ານແດນ ແລະ 39 ຄົນບໍ່ມີໜັງສືຜ່ານແດນ, ນັກສຶກສາດັ່ງກ່າວມາຈາກ 3 ແຂວງຄື: ແຂວງ ສະຫວັນນະເຂດ, ສາລະວັນ ແລະ ຄໍາມ່ວນ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ເພື່ອປະຕິບັດຕາມບົດບັນທຶກກອງປະຊຸມຮ່ວມລະຫວ່າງ ທ່ານນາຍົກລັດຖະມົນຕີ ກັບຄະນະສະເພາະກິດເພື່ອປ້ອງກັນ ແລະ ຄວບຄຸມການແຜ່ລະບາດຂອງພະຍາດ COVID-19, ຫ້ອງການກະຊວງ ຈຶ່ງສະເໜີໃຫ້ພະແນກສຶກສາທິການ ແລະ ກິລາ ແຂວງຄຳມ່ວນ, ສະຫວັນນະເຂດ ແລະ ສາລະວັນ ປະຕິບັດດັ່ງນີ້:

  1. ໃຫ້ຕິດຕາມນັກສຶກສາລາວທີ່ໜີອອກຈາກຫໍພັກກັບມາ ສປປ ລາວ ໂດຍບໍ່ໄດ້ຮັບອະນຸຍາດທີ່ຢູ່ໃນຂອບເຂດຄວາມຮັບຜິດຊອບຂອງແຂວງຕົນ ໃຫ້ເຂົາເຈົ້າໄດ້ຮັບການຈຳກັດບໍລິເວນ 14 ວັນ ຕາມລະບຽບການຂອງຄະນະສະເພາະກິດ ສປປ ລາວ ວາງອອກ.
  2. ພາຍຫຼັງຄົບກໍານົດຈຳກັດບໍລິເວນ 14 ວັນແລ້ວ, ຖ້າພວກກ່ຽວບໍ່ມີອາການເປັນໂຄວິດ-19 ໃຫ້ຮຽກໂຮມ
    ພວກກ່ຽວພ້ອມດ້ວຍຜູ້ປົກຄອງ ເພື່ອມາສຶກສາອົບຮົມແນວຄິດ ໂດຍຊີ້ໃຫ້ເຫັນຄວາມຜິດຂອງພວກກ່ຽວທີ່ລະເມີດລະບຽບກົດໝາຍ ຂອງສອງປະເທດ ພ້ອມໃຫ້ຮັບຮູ້ ແລະ ເຂົ້າໃຈຕໍ່ຄວາມອັນຕະລາຍຂອງພະຍາດ ໂຄວິດ-19 ຖ້າຫາກກັບມາລະບາດຮອບສອງຄືນ. ຖ້າພວກກ່ຽວ ຫາກບໍ່ມາລາຍງານຕົວ ແລະ ບໍ່ໄດ້ຮັບການສຶກສາອົບຮົມ ແມ່ນບໍ່ອະນຸຍາດໃຫ້ກັບໄປຮຽນຄືນຢ່າງເດັດຂາດ; ກໍລະນີ ທີ່ມີຄວາມຈົງໃຈບໍ່ມາລາຍງານຕົວແຕ່ກັບໄປຮຽນຄືນ ກະຊວງສຶກສາທິການ ແລະ ກິລາ ກໍ່ຄືກົມກິດຈະການນັກສຶກສາ ຈະບໍ່ອອກໃບຢັ້ງຢືນການສໍາເລັດການສຶກສາໃຫ້ພວກກ່ຽວ.
  3. ໃຫ້ລາຍງານຜົນການປະຕິບັດແຈ້ງການສະບັບນີ້ມາຍັງຫ້ອງການກະຊວງສຶກສາທິການ ແລະ ກິລາ ໃນເວລາອັນຄວນ. ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ໃຫ້ຄວາມຮ່ວມມືໃນການປະຕິບັດແຈ້ງການສະບັບນີ້ຢ່າງເຂັ້ມງວດ.

.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here