ຕາມ​ແຫ​ລ່ງຂ່າວ​ຈາກ​ເບຣຸດ ໃນວັນ​ທີ 11ສິງຫາ​ນີ້ ທ່ານ ຮັດ​ຊັນ ດີ​ອັບ(Hassandi Ab) ປະກາດລາ​ອອກ ​ຈາກ​ຕຳ​ແໜ່​ງ ນາຍົກ ລັດຖະມົນຕີ ລີ​ບັງ​ໄດ້​ສົ່ງ​ຜົນ​ໃຫ້​ ຄະນະລັດຖະມົນຕີສິ້ນ​ສຸດວາລະ​ຈາກ​ຕຳ​ແໜ່​ງໄປ​ພ້ອມ​ກັນ

ເພື່ອ​ສະ​ແດງ​ຄວາມ​ຮັບຜິດຊອບ ຕໍ່​ເຫດ​ລະ​ເບີດ​ຄັ້ງ​ໃຫຍ່​ທີ່​ສຸດໃນ​ປະຫວັດສາດ​ຂອງ​ປະ​ເທດທີ່​ທ່າ​ກຳ​ປັ່ນໃນ​ນະຄອນຫລວງ ​ເບຣຸດ ​ເຮັດ​ໃຫ້​ມີ​ຜູ້​ເສຍ​ຊີວິດຫລາຍ​ກວ່າ 200 ຄົນ, ໄດ້​ຮັບ​ບາດ​ເຈັບ​ 6.000 ກວ່າ​ຄົນ ​ແລະ ສູນຫາຍ​ອີກ​ປະມານ 20 ຄົນ.

ນອກ​ນີ້ ປະຊາຊົນ​ຫລາຍ​ແສນ​ຄົນ ​ບໍ່​ມີ​ທີ່ຢູ່​ອາ​​ໄສ ຫລັງ​ຈາກສານ​ເຄມີ​ແອ​ມ​ໂມ​ເນຍ​ໄນ​ເຕດນ້ຳໜັກ 2.750 ​ໂຕນ ທີ່​ສາງ​ເກັບ​ສິນຄ້າ ​ເກີດ​ລະ​ເບີດ​ຮຸນ​ແຮງສ້າງ​ຄວາມ​ເສຍ​ຫາຍ​ຢ່າງ​ຫລວງຫລາຍໃນ​ນະຄອນຫລວງ ​ເບຣຸດ.

ຮຽບຮຽງ​ຂ່າວ​ໂດຍ ສະ​ໄຫວ