ຊຽງຂວາງ: ລາຍງານຈາກ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ສາຂາແຂວງຊຽງຂວາງ ວັນທີ 8 ສິງຫາ 2020 ເວລາ 17:25 ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ສາຂາແຂວງຊຽງຂວາງ ໄດ້ຮັບແຈ້ງເຫດຜ່ານເບີ 1623 ວ່າມີເຫດລົດໃຫຍ່ເສຍຫຼັກແລ້ວປີ້ນ ຈຸດເກີດເຫດແມ່ນ ບ້ານກໍສີ ເມືອງຄູນ ແຂວງຊຽງຂວາງ.
ພໍໜ່ວຍກູ້ໄພອອກກວດສອບມີຜູ້ເສຍຊີວິດຈຳນວນ 1 ຄົນ ເພດຍິງ ອາຍຸ 35ປີ ຢູ່ທີ່ບ້ານ ໂພນແຍງເມືອງຄູນ ແຂວງ ຊຽງຂວາງ ອາການເບື້ອງຕົ້ນແມ່ນບໍ່ມີສະຕິ, ເສຍຊີວິດຄາທີ່ຢູ່ຈຸດເກີດເຫດ.
ດັ່ງນັ້ນ, ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623 ສາຂາແຂວງຊຽງຂວາງ ຈຶ່ງໄດ້ທຳການມ້ຽນຄາບອາບສົບໃຫ້ແກ່ຜູ້ເສຍຊີວິດ ແລະ ນຳສົ່ງກັບບ້ານ ມອບໃຫ້ຍາດຕິພີ່ນ້ອງທຳພິທີການທາງສາດສະໜາຕໍ່ໄປ.ທາງທີມງານຂອງພວກເຮົາຂໍສະແດງຄວາມເສຍໃຈໃນເຫດການໃນຄັ້ງນີ້
ໝາຍເຫດ ✍🏻ການນຳສະເໜີຂ່າວມີຈຸດປະສົງເພື່ອເປັນຄະຕິເຕືອນໃຈບໍ່ໃຫ້ປະໝາດໃນການດຳລົງຊີວິດ ບໍ່ໄດ້ມີຈຸດປະສົງປະຈານຜູ້ເສຍຊີວິດແຕ່ຢ່າງໃດ ຫາກການນຳສະເໜີຂ່າວນີ້ ເຮັດໃຫ້ຄອບຄົວ ຫຼື ຍາດພີ່ນ້ອງຂອງຜູ້ບາດເຈັບບໍ່ສະບາຍໃຈ ທາງທີມງານຕ້ອງຂໍອະໄພດ້ວຍ.
ຂອບໃຈຂ່າວຈາກ: ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ສາຂາແຂວງຊຽງຂວາງ ບາດເຈັບສຸກເສີນໂທ 1623 ຫຼື 030 5723969ຕະຫຼອດ 24 ຊົ່ວໂມງ.
