ສະຖານກົງສຸນໃຫຍ່ ແຫ່ງ ສປປ ລາວ ປະຈໍານະຄອນ
ດານັງ ສສ ຫວຽດນາມ ໄດ້ລາຍງານ ໃຫ້ຊາບວ່າ ນັກຮຽນແພດສາດລາວ ຢູ່ ແຂວງກວາງຈິ ສສ ຫວຽດນາມ ໄດ້ລັກໜີອອກຈາກຫໍພັກ ເພື່ອກັບມາ ສປປ ລາວ ໃນວັນທີ 24/07/2020 ຈໍານວນ 54 ຄົນ ໂດຍບໍ່ໄດ້ຮັບອະນຸຍາດ.
ໃນຈໍານວນນີ້ ມີ 15 ຄົນມີຫນັງສືຜ່ານແດນ ສ່ວນອີກ 39 ຄົນ ແມ່ນບໍ່ມີຫນັງສືຜ່ານແດນ.
ທາງການລາວເລັ່ງຕາມຕົວເພື່ອ ປະຕິບັດການກັກກັນ ຕາມມາດຕະການປ້ອງກັນ ໂຄວິດ-19 ເນື່ອງຈາກ ສສ ຫວຽດນາມ ເປັນປະເທດ ທີ່ ກໍາລັງມີການລະບາດ ໂຄວິດ-19 ຮອບໃໝ່.
ຂໍໃຫ້ນັກສຶກສາທີ່ກັບມາ ລາຍງານກັບເຈົ້າໜ້າທີ່.
