ເມືອງລະຄອນເພັງ ຈັດພິທີທຳລາຍເຄື່ອງອຸປະໂພກ ແລະ ບໍລິໂພກ ເຄື່ອງສຳອ່າງຕ້ອງຫ້າມ

ໃນ​ວັນທີ 5 ສີງຫາ 2020 ນີ້ຫ້ອງການສາທາລະນະສຸກເມືອງລະຄອນເພັງ​ ແຂວງສາລະວັນ ຈັດພິທີທຳລາຍຜະລີດຕະພັນເຄື່ອງສຳອາງທີ່ມີສານຕ້ອງຫ້າມ,ອາຫານໝົດອາຍຸ, ເຊື່ອມຄຸນນະພາບ, ບໍ່ມີສະຫລາກ ແລະ ບໍ່ຮັບປະກັນຄຸນນະພາບ ຢູ່ທີເດີນຫ້ອງການສາທາລະນະສຸກເມືອງ

ເຂົ້າຮ່ວມເປັນກຽດມີ ທ່ານ ພູວຽງ ຜີ່ນຄຳຜີວ ກຳມະການພັກເມືອງ-ຫົວໜ້າຫ້ອງການສາທາລະນະສຸກເມືອງ ເຂົ້າຮ່ວມມີ ພາກສ່ວນພະແນກສາທາລະນະສຸກແຂວງ ມີຄະນະກຳມະການຄຸ້ມຄອງ, ຕີດຕາມ ກວດກາ,ສະກັດກັ້ນ ເຄື່ອງ ອຸປະໂພກ ແລະບໍລິໂພກ, ເຄື່ອສໍາອາງຕ້ອງຫ້າມ ແລະ ສິນຄ້າໝົດອາຍຸ ຂັ້ນເມືອງເຂົ້າຮ່ວມ.

ເພື່ອເຮັດໃຫ້ປະຊາຊົນຊາວເມືອງລະຄອນເພັງເຮົາໄດ້ບໍລິການຊົມໃຊ້ ຜະລີດຕະພັນປະເພດອາຫານເຄື່ອງດື່ມ, ເຄື່ອງກົດສະເມຕີກ ແລະ ເຄື່ອງສຳອາງ ທີ່ຮັບປະກັນຄຸນນະພາບ ແລະ ຖືກຕ້ອງຕາມລະບຽບກົດໝາຍ ຜູ້ປະກອບການມີຄວາມເປັນລະບຽບຮຽບຮ້ອຍ ແລະ ເປັນເອກະພາບ ໃນຂອບເຂດທົ່ວປະເທດ ເວົ້າລວມເວົ້າສະເພາະໃນຂອບເຂດເມືອງລະຄອນເພັງ ບາງຊະນິດສີນຄ້າ ບໍ່ທັນໄດ້ຮັບປະກັນຄຸນນະພາບ ຫຼື ໝົດອາຍຸນໍາໃຊ້ເຊັນ ອາຫານປະເພດກະປ໋ອງ, ໜີ່, ນົມ, ນໍ້າແປບຊີ, ເຄື່ອງດື່ມຕ່າງໆ ແລະ ເຄື່ອງສຳອາງຈໍານວນໜຶ່ງ,​ຈໍານວນຮ້ານທີ່ກວດລວມທັງໝົດ 77ຮ້ານ, ກວດພົບ 51ຮ້ານ, ບໍ່ພົບ 26ຮ້ານ, ລວມມູນຄ່າທັງໝົດທີຢືດໄດ້ 10,738,000 ກີບ. ສີນຄ້າດັ່ງກ່າວແມ່ນໄດ້ນໍາເອົາມາຈູດທໍາລາຍ.

ດັ່ງນັ້ນ, ຈີ່ງຮຽກຮ້ອງໃຫ້ຜູ້ປະກອບການຖືສຳຄັນໃນການປະຕິບັດລະບຽບກົດໝາຍ ແລະ ກວດກາເບີ່ງສີນຄ້າກ່ອນທີຈະນໍາມາວາງຂາຍ ສ່ວນຜູ້ບໍລິໂພກກ່ອນຈະຊື້ເຄື່ອງບໍລິໂພກປະເພດອາຫານແຫ້ງກໍ່ຄວນກວດກາເບີ່ງ ວັນເດືອນປີຜະລິດໃຫ້ລະອຽດເພື່ອໃຫ້ໄດ້ຮັບສີນຄ້າທີດີ ມີຄຸນນະພາບ ແລະ ປອດໄພຕໍ່ສຸຂະພາບ.

ລາຍງານຈາກ​ : ຫ້ອງການ ຖວທ ເມືອງລະຄອນເພັງ