ກົດຮູບເພື່ອຮັບສ່ວນຫຼຸດເລີຍພີ່ນ້ອງ

ໃນວັນທີ 4 ສິງຫາ 2020 ທີ່ຫ້ອງປະຊຸມຫ້ອງວ່າການແຂວງສາລະວັນໄດ້ມີກອງປະຊຸມລະດົມແນວຄວາມຄິດປະກອບໃສ່ຮ່າງຈັດສັນແຫ່ງທ່ອງທ່ຽວອຸທິຍານພູຜາສຸກ, ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ພູທົງ ຄຳມະນີວົງ ຮອງເຈົ້າແຂວງໆສາລະວັນ, ທ່ານ ປອ ອາລຸນ ມີໄຊ ຫົວໜ້າກົມພັດທະນາການທ່ອງທ່ຽວກະຊວງຖະແຫຼ່ງຂ່າວ-ວັດທະນະທຳ ແລະ ທ່ອງທ່ຽວ ແລະ ທ່ານ ມະໄລວອນ ສີປະເສີດ ຮັກສາການຫົວໜ້າພະແນກຖະແຫຼງຂ່າວ-ວັດທະນະທຳ ແລະທ່ອງທ່ຽວແຂວງ, ມີບັນດາທ່ານຕາງໜ້າພະແນກການຕ່າງໆທີ່ກ່ຽວຂ້ອງ, ເມືອງ, ບ້ານ ແລະພະນັກງານວິຊາການພາຍໃນພະແນກທີ່ກ່ຽວຂ້ອງເຂົ້າຮ່ວມ.

Image may contain: 1 person, sitting and indoor
Image may contain: outdoor

ທ່ານ ໂອເງິນ ປັນຍານຸວົງ ຫົວໜ້າພະແນກຈັດສັນແຫຼ່ງທ່ອງທ່ຽວ ກະຊວງ ຖວທ ກໍ່ໄດ້ຜ່ານແຜນຮ່າງຈັດສັນແຫ່ງທ່ອງທ່ຽວອຸທິຍານພູຜາສຸກເຊີ່ງມີທັງໝົດ 4 ພາກຄື : ພາກສະເໜີ, ສະພາບທົ່ວໄປຂອງແຫຼ່ງທ່ອງທ່ຽວ, ການວິເຄາະຈຸດດີ, ຈຸດອ່ອນ, ໂອກາດ ແລະສິ່ງທ້າທາຍ, ພ້ອມທັງທິດທາງການພັດທະນາແຫຼ່ງທ່ອງທ່ຽວອຸທິຍານພູຜາສຸກ, ຊື່ງໃນບົດແຜນຈັດສັນແຫຼ່ງທ່ອງທ່ຽວ ກໍ່ໄດ້ມີການກຳນົດກິດຈະກຳຕ່າງໆເປັນຕົ້ນ: ການທ່ຽວຊົມຄວາມງາມພາຍໃນຖໍ້າ, ການຂີ່ເຮືອເປັດຢູ່ບໍລິເວນສະນໍ້າ, ການລົງຫຼິນນໍ້າ, ກິດຈະກຳຖ່າຍຮູບຄວາມງາມຂອງຖໍ້າເປັນທີລະນຶກ, ກິດຈະກຳກິນເຂົ້າປ່າ, ຕັ້ງແຄ້ມ, ພ້ອມດ້ວຍຂອບເຂດ ແລະລວມໄປຮອດການບໍລິການ ແລະ ອື່ນໆ

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

Image may contain: one or more people, people sitting and indoor
Image may contain: outdoor

ແຫຼ່ງທ່ອງທ່ຽວອຸທິຍານພູຜາສຸກເປັນແຫຼ່ງທ່ອງທ່ຽວທາງທຳມະຊາດທີ່ອຸດົມສົມບູນ ຕັ້ງຢູ່ເນີນພູເປັນແຫຼ່ງທ່ອງທ່ຽວປະເພດຖໍ້າມີຄວາມຍາວ ປະມານ 4.630 ແມັດ ແລະ ຮ່າງຈາກເທດສະບານເມືອງ ປະມານ 20 ກິໂລແມັດ ໄປ, ຕາມທາງຫຼວງແຫ່ງຊາດ 15B ອອກໄປທາງດ້ານລະໄລເຊີ່ງມີເນື້ອທີ່ກວມເອົາປະມານ 4.159 ເຮັກຕາ, ຊຶ່ງຂື້ນກັບເມືອງສາລະວັນ, ມີ 2 ບ້ານທີ່ຢູ່ລຽບຕາມທາງເຂົ້າແຫຼ່ງທ່ອງທ່ຽວຄື: ບ້ານຄຳທອງ ແລະ ບ້ານປາກປົ່ງ, ທັງສອງໜູ່ບ້ານປະກອບມີ 84 ຄອບຄົວ, 74 ຫຼັງຄາເຮືອນ, ມີປະຊາກອນທັງໝົດ 780 ຄົນ, ຍິງ 368 ຄົນ, ມີສອງຊົນເຜົ່າ ຄື: ຊົນເຜົ່າລາວລຸ່ມ ແລະ ຊົນເຜົ່າຕະໂອ້ຍ, ອາຊີບສ່ວນໃຫຍ່ແມ່ນປູກຝັງ ແລະລ້ຽງສັດ, ອາຊີບສຳຮອງແມ່ນແມ່ນຫັດຖະກຳຈັກສານ, ຕີເຫຼັກ ເພື່ອຮັບໃຊ້ໃນຄອບຄົວ ແລະ ຂາຍ.

No photo description available.
Image may contain: outdoor

ປັດຈຸບັນພາຍໃນແຂວງ ມີແຫຼ່ງທ່ອງທ່ຽວທັງໝົດ 94 ແຫ່ງ ໃນນັ້ນທາງທຳມະຊາດ 50 ແຫ່ງ, ປະຫວັດສາດ 6 ແຫ່ງ, ວັດທະນະທຳ 38 ແຫ່ງ ແລະໄດ້ເປີດໃຊ້ບໍລິການແລ້ວ 30 ແຫ່ງ, ເມື່ອສົມທຽບໃສ່ໃນໄລຍະ 5 ປີຜ່ານມາ ອັດຕາຂອງນັກທ່ອງທ່ຽວເຂົ້າມາທ່ຽວຊົມ ເພີ້ມຂື້ນຢ່າງຕໍ່ເນື່ອງ ແລະສ່ວນໃຫຍ່ນັກທ່ອງທ່ຽວທີ່ເຂົ້າມາທ່ຽວຊົມພາຍໃນແຂວງ ແມ່ນມາຈາກທະວີບອາຊີ-ປາຊີຟິກ ເປັນສ່ວນຫຼາຍ ແລະຮອງມາກໍ່ແມ່ນຈາກເອີລົບ ໂດຍຈະຜ່ານເຂົ້າມາທາງດ່ານສາກົນລະໄລ.

Image may contain: outdoor
Image may contain: plant and outdoor

ຈາກນັ້ນທີ່ປະຊຸມກໍ່ໄດ້ມີການປະກອບຄຳຄິດຄຳເຫັນໃສ່ຮ່າງບົດລາຍງານແຜນຈັດສັນແຫຼ່ງທ່ອງທ່ຽວອຸທິຍານພູຜາສຸກ, ທັງນີ້ກໍ່ເພື່ອເຮັດໃຫ້ແຫຼ່ງທ່ອງທ່ຽວດັ່ງກ່າວມີຄວາມສວຍສົດງົດງາມ ແລະໂດດເດັ່ນ, ສາມາດດຶງດູດນັກທ່ອງທ່ຽວພາຍໃນ ແລະຕ່າງປະເທດໃຫ້ຫຼາຍຂື້ນ ແລະທັງເປັນການເຮັດໃຫ້ແຫຼ່ງທ່ອງທ່ຽວດັ່ງກ່າວກາຍເປັນແຫ່ງທ່ອງທ່ຽວລະດັບພາກພື້ນອາຊີ-ປາຊິຟິ ແລະສາກົນໃນຕໍ່ໜ້າ, ໃນໂອກາດທີ່ທ່ານໄດ້ລົງມາຄັ້ງນີ້ກໍ່ໄດ້ມອບອຸປະກອນເຄື່ອງວັດແທກ GPS ຈໍານວນ 1 ເຄື່ອງມູນຄ່າ 19 ລ້ານກວ່າກີບເພື່ອນໍາໃຊ້ເຂົ້າໃນວຽກງານດັ່ງກ່າວເປັນກຽດມອບໂດຍທ່ານ ປອ ອາລຸນ ມີໄຊ ຫົວໜ້າກົມພັດທະນາການທ່ອງທ່ຽວ ກະຊວງຖະແຫຼ່ງຂ່າວ-ວັດທະນະທຳ ແລະ ທ່ອງທ່ຽວ ແລະໃຫ້ກຽດຮັບໂດຍທ່ານ ມະໄລວອນ ສີປະເສີດ ຮັກສາການຫົວໜ້າພະແນກຖະແຫຼງຂ່າວ-ວັດທະນະທຳ ແລະທ່ອງທ່ຽວແຂວງ.

---------------

ຢ່າລືມເປັນກໍາລັງໃຈໃຫ້ພວກເຮົາ, ກົດຕິດຕາມເພຈ All in LAOS

LEAVE A REPLY

Please enter your comment!
Please enter your name here