ບໍ່ແກ້ວ: ວັນທີ 1 ສິງຫາ 2020 ທາງພະແນກ ຕມ ປກສ ແຂວງບໍ່ແກ້ວ ໄດ້ນໍາ-ສົ່ງຄົນຕ່າງປະເທດສັນຊາດຈີນ ຈໍານວນ 38 ຄົນ ຍິງ 3 ຄົນ ທີ່ລັກລອບເຂົ້າເມືອງຜິດກົດໝາຍ ໃຫ້ກັບເຈົ້າໜ້າທີ ຕໍາຫຼວດ ສປ ຈີນ ທີ່ ດ່ານ ຕມ ສາກົນ ບໍຫານ ເມືອງຫຼາ ແຂວງ ຈິງຫົງ ສປ ຈີນ.

ພິທີມອບ-ຮັບຜູ້ເຂົ້າເມືອງຜິດກົດໝາຍຈັດຂຶ້ນທີ່ດ່ານ ຕມ ສາກົນ ແຂວງຫຼວງນໍາທາ-ດ່ານ ຕມ ສາກົນ ບໍຫານ ເມືອງຫຼາ ແຂວງ ຈິງຫົງ ສປຈີນ.

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ

ເຈົ້າໜ້າທີ່ ຝ່າຍລາວນໍາພາໂດຍ ທ່ານ ພັທ ສົມປອງແກ້ວປັນຍາ ຫົວໜ້າພະແນກ ຕມ ປກສ ແຂວງບໍ່ແກ້ວ, ມີທ່ານ ຮອ ຄໍາຫຼາ ໄຈຍະເກດ ຮອງໜ່ວຍງານ, ສົມທົບກັບ ຝ່າຍ ຕມ ສາກົນ ບໍ່ເຕນ ພັທ ວຽງວິໄຊ ສະໄຫວວັນ ຫົວໜ້າ ຕມ ສາກົນ ບໍ່ເຕນ, ພັຕ ວິໄຊ ບຸນສຸວັນ ຮອງຫົວໜ້າ ສາກົນ ບໍ່ເຕນ.

ເຈົ້າໜ້າທີ່ ຝ່າຍ ສປ ຈີນ ນໍາພາໂດຍ ທ່ານ ຢ່າງເຟ ຫົວໜ້າ ທືມ 1 ດ່ານ ສາກົນ ກວດຄົນເຂົ້່າ-ອອກເມືອງ ບໍ່ຫານ.

ທັ້ງນີ້ທາງພະແນກ ຕຳຫຼວດກວດຄົນເຂົ້າ-ອອກເມືອງ ແກ້ໄຂຕໍ່ກັບຄະດີຄື ສືບຕໍ່ສຶກສາອົບຮົມໃຫ້ພວກກ່ຽວຮັບຮູ້ ແລະ ເຂົ້າໃຈແຈ້ງຕໍ່ກົດໝາຍການເຂົ້າ-ອອກເມືອງ.

ຖ້າພວກກ່ຽວຫາກຍັງມີການເຄື່ອນໄຫວການກະທຳຜິດໃນຄັ້ງໜ້າ ທາງເຈົ້າໜ້າທີ່ ພວກເຮົາຈະດຳເນີນຕາມລະບຽບກົດ ໝາຍຂອງ ສປປ ລາວ ຢ່າງເຂັ້ມງວດ ນີ້ຖືເປັນຄັ້ງທີ 3 ຕິດຕໍ່ກັນທີ່ພົນລະເມືອງຈີນລັກເຂົ້າລາວ ແລະໄດ້ມີການມອບ-ຮັບຜ່ານດ່ານດັ່ງກ່າວ.

.

LEAVE A REPLY

Please enter your comment!
Please enter your name here