ໃນວັນທີ 29 ກໍລະກົດ 2020 ຜ່ານມາ, ຄະນະສານອາຍາສານຂັ້ນຕົ້ນ ນະຄອນຫຼວງວຽງຈັນ ໄດ້ຕັດສິນປະຫານຊີວິດ 2 ຈຳເລີຍຄະດີຄ້າຂາຍຢາເສບຕິດ. ໂດຍຈໍາເລີຍ 1 ຊື່ ທ້າວ ຈື່ກອງແກ້ວ ອາຍຸ 22 ປີ ແລະ ຈຳເລີຍ2 ຊື່ ທ້າວ ຕູ້ເລົ່າ ອາຍຸ 26 ປີ ທັງສອງພັກເຊົາຢູ່ບ້ານຄໍາຮຸ່ງ ເມືອງໄຊທານີ ນະຄອນຫຼວງວຽງຈັນ. ທັງ 2 ຄົນຖືກກັກຕົວໃນວັນທີ 2 ກຸມພາ 2019 ພ້ອມຢາບ້າ 146 ມັດກັບ 9 ຖົງ ລວມມີຢາບ້າທັງໝົດ 293.800 ເມັດ, ແປ້ງຝຸ່ນໃຊ້ເປັນສ່ວນປະສົມຢາເສບຕິດ 1 ຖົງ ແລະ ປືນສັ້ນດັດແປງພ້ອມລູກປືນ 6 ລູກມາດຳເນີນຄະດີໃນຂັ້ນເຈົ້າໜ້າທີ່ ປກສ ເປັນເວລາ 16 ເດືອນ ກ່ອນຈະຖືກນຳຕົວຂຶ້ນສານຕັດສິນລົງໂທດຕາມກົດໝາຍ.

Image may contain: 2 people, people sitting and text

ໃນທີ່ຫ້ອງປະຊຸມສານ, ໄອຍະການປະຊາຊົນໄດ້ຖະແຫຼງສຳນວນຄະດີຕໍ່ຄະນະສານວ່າ: ໃນເດືອນມັງ ກອນ 2019 ທ້າວ ອາລີວ່າງ ໄດ້ມາຫາ ທ້າວ ຈື່ກອງແກ້ວ ວ່າມີເຖົ້າແກ່ຕ້ອງການຊື້ຢາບ້າຈໍານວນຫຼາຍ. ຈາກນັ້ນ, ມາວັນທີ 25 ມັງ ກອນ, ທ້າວ ຈື່ ກອງແກ້ວ ແລະ ທ້າວ ຕູ້ເລົ່າ ໄດ້ພາກັນໄປເອົາຕົວຢ່າງຢາບ້ານຳ ທ້າວ ເຊັງ ໄປໃຫ້ເຖົ້າແກ່ເບິ່ງຢູ່ເຮືອນຂອງ ທ້າວ ອາລີວ່າງ ຢູ່ບ້ານນາສ້ຽວ ເມືອງນາຊາຍທອງ ເມື່ອກວດຕົວຢ່າງຢາບ້າແລ້ວ ໄດ້ຕົກລົງຊື້ຂາຍຢາບ້າ ຈຳນວນ 146 ມັດ ກັບ 9 ຖົງ.
ມາວັນທີ 2 ກຸມພາ 2019 ທ້າວ ອາລີວ່າງ ໄດ້ຂີ່ລົດຈັກຮອນດ້າເວບ100 ສີດໍາຂຽວ ປ້າຍທະບຽນ 2239 ຫຼວງພະບາງ ໄປຮັບເອົາທ້າວ ຈື່ ກອງແກ້ວ ໄປເບິ່ງເງິນນໍາເຖົ້າແກ່ ຢູ່ເຂດບ້ານຫ້ວຍເຕີຍ ເມືອງໄຊທານີ ເມື່ອເຫັນເງິນແລ້ວ ໄດ້ບອກໃຫ້ ທ້າວ ອາລີວ່າງ ໄປຫາທ້າວ ຕູ້ເລົ່າ ຢູ່ບ້ານຄໍາຮຸ່ງ. ຈາກນັ້ນ, ໄດ້ຂັບຂີ່ລົດຈັກຄົນລະຄັນ ເຊິ່ງທ້າວ ຕູ້ເລົ່າ ຂີ່ລົດຈັກໂຄລາວ ລຸ້ນເວບ ປ້າຍທະບຽນ ດຍ 9770 ອອກໄປເອົາຢາບ້ານໍາຄົນຂອງທ້າວ ຈື່ກອງແກ້ວ ທີ່ໄດ້ຕິດຕໍ່ຊື້ກ່ອນໜ້ານີ້ຢູ່ເສັ້ນທາງເຂດໂຮງໝໍແມ່ ແລະ ເດັກບ້ານໜອງພະຍາ ເມືອງໄຊທານີ. ເມື່ອໄປຮອດ ທ້າວ ຕູ້ເລົ່າ ໄດ້ບອກໃຫ້ທ້າວ ອາລີວ່າງ ຖ້າຢູ່ແຄມທາງເຂດບ້ານຕານມີໄຊ. ຈາກນັ້ນ ທ້າວ ຕູ້ເລົ່າ ແມ່ນຂີ່ລົດຈັກໄປເອົາຢາບ້າຢູ່ຈຸດນັດໝາຍກັບຜູ້ຂາຍ ທີ່ຈອດລົດກະບະຮຸນໄດສີຟ້າບໍ່ຈື່ປ້າຍທະບຽນລໍ້ຖ້າຢູ່ແຄມທາງຊາຍທີ່ຂັບລົດກະບະຮຸນໄດ ໄດ້ຫິ້ວເອົາກະເປົາ 2 ໜ່ວຍທີ່ບັນຈຸຢາບ້າຈໍາໃຫ້ທ້າວ ຕູ້ເລົ່າ ກັບມາຫາທ້າວ ອາລີວ່າງ ທີ່ລໍຖ້າຢູ່ກ່ອນໜ້ານັ້ນ; ໂດຍ ທ້າວອາລີວ່າງ ຂີ່ລົດນໍາໜ້າໄປຈຸດຊື້ຂາຍທີ່ ທ້າວ ຈື່ ກອງແກ້ວ ລໍ້ຖ້າກັບເຖົ້າແກ່ນັ້ນ. ພໍຮອດຈຸດຊື້ຂາຍເຂດບ້ານ ຫ້ວຍເຕີຍ ເມືອງໄຊທານີ ຈຶ່ງຖືກເຈົ້າໜ້າທີ່ຈັບຕົວ ພ້ອມຂອງກາງຈຳນວນດັ່ງກ່າວ.
ໃນເວລາໄຕ່ສ່ວນຄະດີຂອງພວກກ່ຽວ ທ້າວ ຈື່ກອງແກ້ວ ພະຍາຍາມໃຫ້ການບ່າຍບ່ຽງຄວາມຈິງໂດຍອ້າງວ່າ ທ້າວ ຕູ່ເລົ່າ ແມ່ນບໍ່ມີສ່ວນກ່ຽວຂ້ອງກັບການຊື້ຂາຍຄັ້ງນີ້ ເພາະວ່າມື້ຖືກກັກຕົວນັ້ນ ໄດ້ບອກໃຫ້ ທ້າວ ຕູ່ເລົ່າ ໄປຮັບຢູ່ຈຸດຊື້ຂາຍຢາບ້າ ເພາະວ່າເປັນວັນເກີດຂອງທ້າວ ຈື່ກອງແກ້ວ ແລະ ຈະພາ ທ້າວ ຕູ້ເລົ່າ ໄປສະຫຼອງວັນເກີດ. ແຕ່ຄໍາໃຫ້ການ ຂອງ ທ້າວ ຈື່ກອງແກ້ວ ນັ້ນ, ຄະນະສານ ໄດ້ຊັກຖາມຫຼາຍບັນຫາບໍ່ສາມາດຕອບໄດ້ ແລະ ຈາກຄົ້ນຄວ້າບັນດາຂໍ້ມູນຫຼັກຖານ ແລະ ເອກະສານຕ່າງໆ ທີ່ມີຢູ່ໃນສໍານວນຄະດີຢ່າງລະອຽດຖີ່ຖ້ວນ, ຮອບດ້ານ, ພາວະວິໄສແລ້ວ ເຫັນວາ ເປັນພຽງຂໍ້ອ້າງ ເພື່ອຈາກໃຫ້ທ້າວ ຕູ້ເລົ່າ ພົ້ນໂທດໃນຄັ້ງນີ້.
+ ຈາກຂໍ້ມູນຫຼັກຖານຮັດກຸມໜັກແໜ້ນ ແລະ ພຽງພໍຢັ້ງ
ຢືນວ່າ ການກະທໍາຂອງ ທ້າວ ຈື່ ກອງແກ້ວ ແລະ ທ້າວ ຕູ້ເລົ່າ ເປັນການກະທໍາຜິດທາງອາຍາ ໃນສະຖານ ການຄ້າຂາຍຢາເສບຕິດ ທີ່ແຕະຕ້ອງຕໍ່ສະຖຽນລະພາບດ້ານເສດຖະກິດຂອງຊາດ, ເຮັດໃຫ້ສັງຄົມບໍ່ມີຄວາມສະຫງົບ ແລະ ຄວາມເປັນລະບຽບຮຽບຮ້ອຍ ສະນັ້ນ ສານຈຶ່ງໄດ້ຕັດສີນປະຫານຊີວິດພວກກ່ຽວທັງສອງ ພ້ອມຍຶດຂອງກາງທີ່ພົວພັນກັບການຄ້າຂາຍຢາເສບຕິດໄປທຳລາຍຖີ້ມ.
+ ທ້າວ ເຊັງ ພວກກ່ຽວໃຫ້ການຊັດທອດຫາວ່າ ໄດ້ເປັນຜູ້ຂາຍຢາບ້າໃຫ້ນັ້ນ ເຈົ້າທີ່ໄດ້ຂຶ້ນເປັນເປົ້າໝາຍຕິດຕາມເອົາຕົວມາດໍາເນີນຄະດີຕາມພາຍຫຼັງ, ສຳລັບທ້າວ ອາລີວ່າງ ຜູ້ຖືກຫາໃນຄະດີດຽວກັນນັ້ນຜູ້ກ່ຽວຍັງເປັນເດັກຕາມປື້ມສໍາມະໂນຄົວເຈົ້າໜ້າທີ່ຈຶ່ງໄດ້ແຍກອອກເປັນສໍານວນໜຶ່ງຕ່າງຫາກ ແລະ ໄດ້ສະຫຼຸບສົ່ງອົງການໄອຍະການປະຊາຊົນ ນະຄອນຫຼວງວຽງຈັນແລ້ວ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here