ພະຍາດຖອກທ້ອງຊໍາເຮື້ອເປັນສາເຫດໜຶ່ງທີ່ເຮັດໃຫ້ເດັກນ້ອຍລາວເຕ້ຍ

ອົງການອຸຍນີເຊັບ ມີຄວາມກັງວົນ ກ່ຽວກັບເຂດຊົນນະບົດ ແລະ ຫ່າງໄກສອກຫຼີກ ທີ່ມີເດັກນ້ອຍຫຼາຍຄົນເປັນພະຍາດຖອກທ້ອງຊຳເຮື້ອ, ເຊິ່ງເປັນສາເຫດທີ່ພາໃຫ້ເດັກເຕ້ຍ.

ທ່ານ ນາງ ບີອາເຕ ດັດສະເຕລ ຮັກສາການຜູ້ຕາງໜ້າອົງການອຸຍນີເຊັບ ປະຈຳ ສປປ ລາວໄດ້ກ່າວໃນພິທີປະກາດແຂວງບໍລິຄໍາໄຊເປັນແຂວງຢຸດຕິການຖ່າຍຊະຊາຍທີ່ໄດ້ຈັດຂຶ້ນເມື່ອບໍ່ດົນມານີ້ທີ່ແຂວງບໍລິຄໍາໄຊວ່າ: ການສິ້ນສຸດການຖ່າຍຊະຊາຍ ແມ່ນບາດກ້າວທຳອິດ ຂອງການກ້າວໄປສູ່ການມີສຸຂະອະນາໄມຮອບດ້ານ ແລະ ອົງການອຸຍນີເຊັບ ມີຄວາມພາກພູມໃຈທີ່ໄດ້ເປັນສ່ວນໜຶ່ງຂອງພາລະກິດນີ້, ໂດຍມີຊຸມຊົນເປັນເຈົ້າການ ແລະ ອຳນາດການປົກຄອງແຂວງບໍລິຄຳໄຊ ໃຫ້ການສະໜັບສະໜູນ.

ພະຍາດຖອກທ້ອງຊໍາເຮື້ອເປັນສາເຫດໜຶ່ງທີ່ເຮັດໃຫ້ເດັກນ້ອຍລາວເຕ້ຍ

ຫລັງຈາກການປະກາດທີ່ມີຄວາມໝາຍໃນຄັ້ງນີ້, ພວກເຮົາຈະຕ້ອງໄດ້ສືບຕໍ່ການຈັດຕັ້ງປະຕິບັດວຽກສຸຂະອະນາໄມ ແລະ ຮັກສາສະຖານະພາບຢຸດຕິການຖ່າຍຊະຊາຍນີ້, ເຊິ່ງຈະຊ່ວຍໃຫ້ແຂວງບັນລຸເປົ້າໝາຍສຸຂະອະນາໄມຮອບດ້ານ ໂດຍທຸກຄອບຄົວມີ ແລະ ນຳໃຊ້ວິດຖ່າຍຂອງຕົນເອງ, ເຖິງຢ່າງໃດກໍຕາມ, ປັດຈຸບັນຍັງມີຫລາຍແຫ່ງໃນ ສປປ ລາວ ທີ່ມີບັນຫາດ້ານສຸຂະອະນາໄມ, ເຊິ່ງຜົນສໍາຫລວດດັດສະນີໝາຍສັງຄົມ-II ຊີ້ໃຫ້ເຫັນວ່າ 1,5 ລ້ານຄົນ ໃນ ສປປ ລາວ ຍັງຖ່າຍຊະຊາຍ.

ທ່ານ ນາງ ບີອາເຕ ໄດ້ກ່າວຕື່ມວ່າ: ນອກນັ້ນອົງການອຸຍນີເຊັບ ຍັງຫ່ວງກ່ຽວກັບເດັກນ້ອຍທີ່ເປັນພະຍາດຖອກທ້ອງຊຳເຮື້ອ ໂດຍສະເພາະຢູ່ເຂດຫ່າງໄກສອກຫຼີກ, ເຊິ່ງເປັນສາເຫດທີ່ພາໃຫ້ມີອັດຕາເດັກເຕ້ຍ.

ຂ່າວ-ພາບ: ສິງຄຳ

LEAVE A REPLY

Please enter your comment!
Please enter your name here

Stay in Touch

To follow the best weight loss journeys, success stories and inspirational interviews with the industry's top coaches and specialists. Start changing your life today!

Related Articles