ກອງຄຸ້ມຄອງພາສີ II (ແຂວງອຸດົມໄຊ-ແຂວງຜົ້ງສາລີ) ໃນປີ 2020 ໄດ້ຮັບຕົວເລກແຜນການ 49,2 ຕື້ກີບ, ແຕ່ໃນ 6 ເດືອນຕົ້ນປີ 2020 ສາມາດປະຕິບັດໄດ້ 30,7 ຕື້ກີບ ເທົ່າກັບ 62,55% ຂອງແຜນການປີ (ລື່ນແຜນການ12,55%). ໃນນັ້ນ, ກອງກວດກາພາສີ ປະຈຳແຂວງອຸດົມໄຊ ປະຕິບັດລາຍຮັບໄດ້ເດັ່ນກວ່າໝູ່ເທົ່າກັບ 188,45% ຂອງແຜນການປີ.

ທ່ານ ບຸນເພັງ ສຸພັດທອນ ຫົວໜ້າກອງຄຸ້ມຄອງພາສີ II ໃຫ້ຮູ້ວ່າ: ກອງຄຸ້ມຄອງພາສີ II ປະກອບມີ 2 (ຂະແໜງບໍລິຫານ ແລະ ກວດກາພາຍໃນ; ຂະແໜງຕ້ານ ແລະ ກວດສອບຄືນການແຈ້ງພາສີ); ມີ 1 ກອງກວດກາພາສີປະຈຳແຂວງ, 2 ດ່ານສາກົນ (ດ່ານພາສີສາກົນລານຕູ້ຍ, ດ່ານພາສີສາກົນປາງຫົກ), 2 ດ່ານທ້ອງຖິ່ນ (ດ່ານພາສີທ້ອງຖິ່ນປ່າຄາ, ດ່ານພາສີທ້ອງຖິ່ນພູຫຼັກຄໍາ) 2 ດ່ານປະເພນີ (ດ່ານພາສີປະເພນີແມັງກົວຟົງ, ດ່ານພາສີປະເພນີປ່າຈາ), ມີພະນັກງານ-ລັດຖະກອນ-ເຈົ້າໜ້າພາສີທັງໝົດ 41 ທ່ານ, ຍິງ 4 ທ່ານ.

Featured Your Business Here

ປີ 2020 ໄດ້ຮັບຕົວເລກແຜນການທັງໝົດ 49,2 ຕື້ກີບ, ແຕ່ຜ່ານການຈັດຕັ້ງປະຕິບັດໃນ 6 ເດືອນຕົ້ນປີ,ສາມາດປະຕິບັດໄດ້ 30,7 ຕື້ກີບເທົ່າກັບ 62,55% ຂອງແຜນການປີ (ລື່ນແຜນການ12,55%). ໃນນັ້ນ, ຂະ  ແໜງຕ້ານ ແລະ ກວດສອບຄືນການແຈ້ງພາສີ ປະຕິບັດໄດ້ 16,99% ຂອງແຜນການປີ, ດ່ານພາສີສາກົນປາງຫົກ ປະຕິບັດໄດ້ 86,34% ຂອງແຜນການປີ, ດ່ານພາສີສາກົນລານຕູ້ຍ ປະຕິບັດໄດ້ 65,71% ຂອງແຜນການປີ, ດ່ານພາສີທ້ອງຖິ່ນປ່າຄາ ປະຕິບັດໄດ້ 13,64%ຂອງແຜນການປີ, ດ່ານພາສີທ້ອງຖິ່ນພູຫຼັກຄໍາ ປະຕິບັດໄດ້ 19,72% ຂອງແຜນການປີ, ກອງກວດກາພາສີ ປະຈຳແຂວງອຸດົມໄຊ ປະຕິບັດລາຍຮັບໄດ້ 188,45% ຂອງແຜນການປີ. ຊຶ່ງລາຍຮັບສ່ວນໃຫຍ່ໄດ້ມາຈາກສິນຄ້ານຳເຂົ້າເພື່ອສົ່ງອອກ, ພາຫະນະ, ເຄື່ອງອຸປະໂພກ-ບໍລິໂພກ, ເຄື່ອງກໍ່ສ້າງ, ຄ່າທຳນຽມ, ເຄື່ອງໄຟຟ້າ, ຄ່າປັບໃໝ-ຂາຍເຄື່ອງຮິບ, ຄ່າຊັກພິເສດ ແລະ ອື່ນໆ. 

ເຖິງຢ່າງໃດກໍ່ຕາມໃນ 6 ເດືອນທ້າຍປີ 2020 ກອງຄຸ້ມຄອງພາສີ II ໄດ້ມາດຕະການໃນການຈັດຕັ້ງປະຕິບັດເກັບລາຍຮັບ, ເພີ່ມທະວີຊີ້ນຳ-ນໍາພາວຽກງານແນວຄິດການເມືອງ, ເອົາໃຈໃສ່ຂໍ້ຫ້າມ ແລະ ລະບຽບວິໄນ ຕາມຂໍ້ຕົກລົງ 1124/ກງ, ສ້າງກົນໄກຄຸ້ມຄອງການນຳເຂົ້າພະຫະນະຢ້ຽມຢາມທ່ອງທ່ຽວ ບ53, ເອົາໃຈໃສ່ວຽກງານກວດກາສິນຄ້າຢູ່ດ່ານພາສີຊາຍແດນ, ເອົາໃຈໃສ່ປັບປຸງກົນໄກວຽກງານຕ້ານ ແລະ ສະກັດກັ້ນການລັກລອບໜີພາສີໃນດ່ານ ແລະ ນອກດ່ານ, ສືບຕໍ່ຄຸ້ມຄອງການເຄື່ອນຍ້າຍສິນຄ້າ, ນ້ຳມັນເຊື້ອໄຟ ແລະ ອາຍແກັດ, ສືບຕໍ່ແກ້ໄຂພາຫະນະບໍ່ຖືກຕ້ອງ, ປະສານສົມທົບບກັບເຈົ້າໜ້າທີ່ຂະແໜງການກ່ຽວຂ້ອງເປັນຕົ້ນແມ່ນເຈົ້າໜ້າ ປກສ, ຍທຂ ເພື່ອນຳໃຊ້ມາດຕະການໃນການແກ້ໄຂພາຫະນະນຳເຂົ້າບໍ່ເສຍພາສີ ໂດຍສະເພາະແມ່ນພາຫະນະບໍ່ມີປ້າຍທີ່ຍັງນຳໃຊ້ຕາມຕົວເມືອງ, ພາຫະນະນຳໃຊ້ປ້າຍທະບຽນປອມ ແລະ ຄຸ້ມຄອງພາຫະນະເຂົ້າ-ອອກຕາມຊາຍແດນ, ຂຸດຄົ້ນແຫຼ່ງລາຍຮັບທີ່ບົ່ມຊ້ອນເພື່ອຈັດເກັບລາຍຮັບເຂົ້າງົບປະມານໃຫ້ໄດ້ຕາມແຜນການ.

WhatsApp Image 2020-07-29 at 15.18.15
WhatsApp Image 2020-07-29 at 15.18.15 (1)

LEAVE A REPLY

Please enter your comment!
Please enter your name here