26 ກໍລະກົດ ຜ່ານມາ, ເຈົ້າໜ້າທີ່ ປກສ ປະຈຳດ່ານກວດ ຫຼັກ 84 ເມືອງໂຂງ ແຂວງຈຳປາສັກ ໄດ້ກວດກາ ແລະ ຄົ້ນລົດເກງ ທີ່ສົງໄສມີການຊຸກເຊື່ອງສິ່ງຂອງຜິດກົດໝາຍ ພົບຢາໄອສ໌ 10 ກິໂລກຼາມ ຈຶ່ງໄດ້ກັກຕົວຜູ້ຂັບຂີ່ຄັນດັ່ງ ກ່າວ ທັງ 2 ຄົນ ສົ່ງໃຫ້ພະແນກຕຳຫຼວດສະກັດກັ້ນ ແລະ ຕ້ານຢາເສບ ຕິດ ປກສ ແຂວງຈຳປາສັກ ດຳເນີນການສອບສວນ.ເຈົ້າໜ້າທີ່ ປກສ ແຂວງຈໍາປາສັກ ໃຫ້ຮູ້ວ່າ: ທັງ 2 ຄົນ ຊື່: ທ້າວ ກິດຕະກອນ ອາຍຸ 24 ປີ ຢູ່ບ້ານທາດຫຼວງໃຕ້ ເມືອງໄຊເສດຖາ ແລະ ທ້າວ ພອນປະເສີດ ອາຍຸ 25 ປີ ຢູ່ບ້ານໃຜ່ລ້ອມ ເມືອງໄຊທານີ ທັງສອງເມືອງຂຶ້ນກັບ ນະຄອນຫຼວງວຽງຈັນ.

Image may contain: 2 people, text

ໂດຍພວກກ່ຽວ ໄດ້ຊຸກເຊື່ອງຢາໄອສ໌ຈຳນວນດັ່ງກ່າວ ໃສ່ໃນລົດເກງເກຍ ສີຂາວ ທະບຽນ ກດ 6480 ກຳແພງນະຄອນ ຂັບຂີ່ມາ ແຕ່ນະຄອນຫຼວງວຽງຈັນ ຈະຜ່ານດ່ານກວດກາ ອອກໄປສູ່ຊາຍແດນລາວ-ກຳປູເຈຍ ເພື່ອຈະນຳຢາໄອສ໌ 10 ກິ ໂລກຼາມ ໄປສົ່ງໃຫ້ຜູ້ສັ່ງຊື້. ແຕ່ກໍຖືກເຈົ້າໜ້າທີ່ ຈັບໄດ້ກ່ອນ ແລະ ໃນເວລາກວດຄົ້ນລົດຂອງພວກກ່ຽວນັ້ນ, ກໍຍັງພົບເຄື່ອງຂອງກາງ ທີ່ພົວພັນກັບຄະດີອີກຈຳນວນໜຶ່ງ ລວມມີ: ເງິນກີບ 2.700.000 ກີບ, ເງິນບາດ 5.300 ບາດ, ເງິນໂລດາ 102 ໂດລາສະຫຼະລັດ ແລະ ໂທລະສັບ 2 ເຄື່ອງ. ປັດຈຸບັນຄະດີດັ່ງກ່າວ, ໜ້າທີ່ ປກສ ປະຈຳດ່ານກວດຫຼັກ 84 ໄດ້ສົ່ງຜູ້ຖືກຫາ ທັງ 2 ຄົນ ພ້ອມຂອງກາງຄະດີໃຫ້ພະ ແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກ ສືບຕໍ່ດຳເນີນການສອບສວນ ຂະຫຍາຍຜົນຫາທີ່ມາ ຂອງຢາເສບຕິດຈໍານວນດັ່ງກ່າວ ເພື່ອສະຫຼຸບສຳນວນຄະດີສົ່ງໃຫ້ອົງການໄອຍະການປະຊາຊົນແຂວງ ສືບຕໍ່ດຳເນີນຄະດີໄປຕາມຂັ້ນຕອນຂອງກົດໝາຍຕໍ່ໄປ.

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ

LEAVE A REPLY

Please enter your comment!
Please enter your name here