ກອງຮ້ອຍເອກະລາດ 154 (ເຄມີສາດ) ສາມາດຮັບປະກັນວຽກງານອົບຮົມຫັດແອບທະຫານໃໝ່

ເມື່ອເວົ້າເຖີງກອງຮ້ອຍເອກະລາດ 154 (ເຄມີສາດ) ຫ້ອງເສນາທິການ ກອງພົນທີ 4 ກໍ່ນັບໄດ້ວ່າງເປັນກອງຮ້ອຍໜຶ່ງທີ່ມີພາລະບົດບາດຮັບປະກັນ ເຄມີລັງສີ, ທທາດເຄມີທີ່ເປັນຜິດຕ່າງໆ ຢູ່ພາຍໃນຂອບເຂດຮັບຜິດຊອບ ຂອງກອງພົນທີ 4 ກໍ່ຄື 3 ແຂວງພາກກາງ, ນອກນີ້ຍັງມີໜ້າທີ່ກໍ່ສ້າງຮາກຖານການເມືອງເພື່ອພາຍໃນຂອບເຂດຮັບຜິດຊອບໃຫ້ສະພາບມີຄວາມສະຫງົບ.

ຍ້ອນເຫັນໄດ້ຄວາມມໝາຍຄວາມສຳຄັນດັງກ່າວ ຄະນະພັກ-ຄະນະບັນຊາກອງພົນທີ 4 ຈຶ່ງໄວ້ວາງໃຈມອບໝາຍໃຫ້ເປັນກອງຝຶກອົບຮົມທະຫານໃໝ່ຫຼກສູດລະບົບ 3 ເດືອນ ຊຸດທີ III ປີ 2020 ຈຳນວນນັກຝຶກອົບຮົມ 50 ສະຫາຍ ທີ່ກຽມພ້ອມເຂົ້າຮັບໃຊ້ວຽກງານໃນຖັນແຖວຂອງກອງທັບປະຊາຊົນລາວ ເຊີ່ງໄດ້ກຳນົດເວລາໃນການອົບຮົມ 90 (ບໍ່ໄລ່ວັນພັກ) ໃນນີ້ມີອົບຮົມການເມືອງ 10 ວັນ, ອົບຮົມພາລາທິການ 10 ວັນ, ອົບຮົມພາກລະບຽບຮູບແຖວ 25 ວັນ, ອົບຮົມກິລາກາຍະກຳ 15 ວັນ, ອົບຮົມຢຸດທະສິນ 15 ວັນ, ອົບຮົມຢຸດທະວິທີ 15 ວັນ ແບ່ງໄລ່ຍະອົບຮົມອອກເປັນ 3 ໄລ່ຍະຄື: ໄລຍະກະກຽມ, ໄລຍະດຳເນີນການອົບຮົມ ແລະ ໄລຍະສະຫຼຸບ. ເພື່ອໃຫ້ທະຫານໃຫມ່ໄດ້ຮັບຮູ້ ແລະ ເຂົ້າໃຈດ້ານລະບຽບແບບແຜນການດຳລົງຊີວິດຕ່າງໆຂອງກອງທັບ ທັງເປັນການຝຶກຝົນກຳລັງແຮງກາຍໃຫ້ມີສຸຂະພາບແຂງແຮງທົນທານແຂງແກ່ນກຽມພ້ອມຜ່ານຜ່າທຸກສະພາບເງຶຶ່ອນໄຂຕົວຈິງ, ເພື່ອໃຫ້ທະຫານໃໝ່ມີຄວາມຮູ້ຄວາມສາມາດນຳໃຊ້ເຂົ້າໃນວຽກງານຕົວຈິງໃນເວລາຮັບໃຊ້ບັນດາກົມກອງໃຫ້ມີຄວາມຄ່ອງແຄ້ວ ແລະ ໄດ້ຮັບຜົນດີ

ສະຫາຍ ພັນຕີ ໄພລິນ ຈັນທະສົມ ຫົວໜ້າການທະຫານກອງຮ້ອຍເອກະລາດ 154 (ເຄມີສາດ) ໃຫ້ຮູ້ວ່າ: ຄະນະພັກ-ຄະນະບັນຊາກອງຮ້ອຍ ເຊື່ອມຊຶມກຳແໜ້ນຫັນເອົາແຜນການຈຸດສຸມກ່ຽວກັບວຽກງານອົບຮົມ-ຫັດແອບ ໄປຈັດຕັ້ງເຜີຍແຜ່ໃຫ້ທະຫານໃຫມ່ ຈັດຕັ້ງປະຕິບັດຢ່າງມີປະສິດທິຜົນສູງ, ເພີ່ມທະວີໂຄສະນາວຽກງານສຶກສາອົບຮົມການເມືອງນຳພາແນວຄິດໃຫ້ເຫັນໄດ້ທີ່ຕັ້ງ, ຄສວາມໝາຍຄວາມສຳຄັນຂອງການອົບຮົມຫັດແອບ ເພື່ອຍົກສູງລະດັບຄວາມຮູ້ ແລະ ສູ້ຮົບມີໄຊ, ໃນໄລຍະອົບຮົບຫັດແອບ ພາກສ່ວນຄູ-ອາຈານ ຫຼື ວິຊາການ ໄດ້ໃກ້ຊິດຕິດແທດອຳນວຍຄວາມສະດວກແກ້ໄຂບັນຫາຢ່າງວ່ອງໄວທັນສະພາບການ, ວິທີອົບຮົມຫັດແອບນີ້ແມ່ນອົບຮົມທິດສະດີຫຼັກການພຶ້ນຖານແຕ່ວິຊາງ່າຍໄປຫາວິຊາຍາກ, ແຕ່ບ່ອນສະດວກໄປຫາບ່ອນສັບສົນ ຖືເອົາການຫັດແອບຕົວຈິງເປັນບັນຫານສຳຄັນ, ປະຕິບັດ ສັງເກດ ຕີລາຄາ ສະຫຼຸບດ້ານດີ, ດ້າານຄົງຄ້າງ ແລະ ບົດຮຽນທີ່ຖອດຖອນໄດ້ ເພື່ອລາຍງານໃຫ້ຂັ້ນເທີງເປັນປົກະຕິ.

ບົດໂດຍ: ຮ້ອຍຕີ ໂພຄຳ ພອນປະເສີດ, ພາບໂດຍ: ຮ້ອຍໂທ ຈັນທິບ ສຸທຳມະວົງ