ໃນໄລຍະ 6 ເດືອນຕົ້ນປີ 2020 ກອງຄຸ້ມຄອງພາສີ V ກົມພາສີ, ກະຊວງການເງິນ ສາມາດເກັບລາຍຮັບເຂົ້າງົບປະມານຂອງລັດຖະບານໄດ້ 1.879,787 ຕື້ກີບ, ເທົ່າກັບ 32,43% ຂອງແຜນການປີ, ທຽບໃສ່ 6 ເດືອນຕົ່ນປີ 2019 ຫລຸດລົງ 9,95% ຫລື ຫລຸດລົງ 441,275 ຕື້ກີບ.

ທ່ານ ທອງພັດ ລາດຊະວົງ, ຫົວຫນ້າກອງຄຸ້ມຄອງພາສີ V ໃຫ້ຮູ້ວ່າ: ສາເຫດທີ່ເຮັດໃຫ້ການເກັບລາຍຮັບຫລຸດລົງຍ້ອນການນໍາເຂົ້າພາຫະນະ, ນໍ້າມັນເຊື້ອໄຟ ແລະ ສິນຄ້າອຸປະໂພກ-ບໍລິໂພກ ຫລຸດລົງຫລາຍເມື່ອທຽບໃສ່ໄລຍະດຽວກັນຂອງປີ 2019 ຜ່ານມາ, ທັ້ງນີ້ ຍ້ອນການລະບາດຂອງພະຍາດໂຄວິດ-19 ເຮັດໃຫ້ລັດຖະບານມີຄໍາສັ່ງໃຫ້ປິດດ່ານສາກົນ, ດ່ານປະເພນີ ແລະ ດ່ານທ້ອງຖິ່ນຊົ່ວຄາວ ເຮັດໃຫ້ການເກັບລາຍຮັບຈາກຫມວດສິນຄ້າບາງຈໍານວນສູນເສຍໄປຫລາຍສົມຄວນ. ນອກຈາກນີ້ ຕົວເລກລາຍຮັບຂອງກອງຄຸ້ມຄອງພາສີ V ທີ່ໄດ້ຮັບມອບຫມາຍໃຫ້ແມ່ນສູງເມື່ອທຽບໃສ່ຖານເກັບລາຍຮັບຍັງບໍ່ທັນພົ້ນເດັ່ນຂຶ້ນ. ພ້ອມນີ້ ສະມາຊິກພັກ-ພະນັກງານຈໍານວນຫນຶ່ງຍັງຢຶດຖືຮີດເກົ່າຄອງເດີມ ແລະ ບໍ່ພັດທະນາຕົວເອງເພື່ອຮອງຮັບກັບການຫັນເປັນທັນສະໄຫມ.

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ
Image may contain: one or more people, people sitting and indoor

ທ່ານ ທອງພັດ ລາດຊະວົງ ໃຫ້ຮູ້ຕື່ມວ່າ: ປີ 2020 ກະຊວງການເງິນ ມອບຕົວເລກຄາດຫມາຍຈັດເກັບລາຍຮັບໃຫ້ກອງຄຸ້ມຄອງພາສີ V ໃຫ້ໄດ້ 4.435,4 ຕື້ກີບ ກວມເອົາ 54,10% ຂອງຕົວເລກລ່າຍຮັບຂະແຫນງພາສີທົ່ວປະເທດ ແຕ່ໃນການຈັດຕັ້ງປະຕິບັດຕົວຈິງຄາດວ່າຈະບັນລຸປະມານ 75% ຂອງແຜນການທີ່ວາງໄວ້. ຢ່າງໃດກໍ່ຕາມ ກອງພາສີ V ຈະປະຕິບັດຫນ້າທີ່ຢ່າງສຸດຄວາມສາມາດເພື່ອໃຫ້ການຈັດເກັບລາຍຮັບໃຫ້ໄດ້ຫລາຍເທົ່າທີ່ຈະຫລາຍໄດ້ໃນປີນີ້. ສໍາລັບກອງຄຸ້ມຄອງພາສີ V ປະກອບມີ 4 ແຂວງ ຄື: ນະຄອນຫລວງວຽງຈັນ, ແຂວງວຽງຈັນ, ບໍລິຄໍາໄຊ ແລະ ແຂວງໄຊສົມບູນ. ມີທັງຫມົດ 15 ດ່ານພາສີຊາຍແດນທີ່ຂຶ້ນກັບ ( ມີ 4 ດ່ານພາສີສາກົນ, 3 ດ່ານພາສີທ້ອງຖິ່ນ ແລະ 8 ດ່ານປະເພນີ ).

LEAVE A REPLY

Please enter your comment!
Please enter your name here