ວັນທີ 27 ກໍລະກົດ 2020 ທີ່ຈຸດຈໍາກັດບໍລິເວນແຮງ ງານມາຈາກຕ່າງປະເທດທີ່ໂຮງໜໍເມືອງລະຄອນເພັງ ທ່ານ ໄຊຊະນະ ສີສະຫວັດ ຮອງເຈົ້າເມືອງ ທັງເປັນຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວີດ-19 ເມືອງລະຄອນເພັງ ພ້ອມດ້ວຍຄະນະໄດ້ມອບເຂົ້າສານອາຫານແຫ້ງ ແລະ ນໍ້າດື່ມຈຳນວນໜື່ງ ເພື່ອຊ່ວຍເຫຼືອ ແລະ ໃຫ້ກຳລັງໃຈແຮງງານທີ່ເດີນທາງກັບມາຈາກຕ່າງປະເທດ ຈໍານວນ 9 ຄົນ, ຍິງ 4 ຄົນ ທີ່ຍັງຢູ່ໃນໄລຍະຈໍາກັດບໍລິເວນ 14 ວັນ.
ກ່ອນຫນ້ານີ້ຄື ວັນທີ 24 ກໍລະກົດ 2020 ອົງການຈັດຕັ້ງມະຫາຊົນຂັ້ນແຂວງ ນໍາພາໂດຍ ທ່ານ ບຸນທະວີ ພີມມະສານ ປະທານກຳມະບານແຂວງສາລະວັນ ພ້ອມດ້ວຍຄະນະຮັບໂດຍ ທ່ານ ໄຊຊະນະສີສະຫວັດ ຮອງເຈົ້າເມືອງລະຄອນເພັງໄດ້ລົງເຄື່ອນໄຫວມອບເຄື່ອງອຸປະໂພກ-ບໍລິໂພກໃຫ້ 2 ຈຸດຈຳກັດບໍລິເວນ ຄື: ຈຸດຈຳກັດໂຮງໝໍເມືອງ ແລະ ຈຸດຈຳກັດຢູ່ ຫຼັກ90 ລວມມູນຄ່າ 5 ລ້ານກວ່າກີບ.
---------------
ຢ່າລືມກົດຕິດຕາມເພຈ All in LAOS
------------------------------
