ວັນທີ່ 27 ກໍລະກົດ 2020 ໄດ້ເລີ່ມເຄື່ອນຍ້າຍພຣະບູຣົມຮູບເໝືອນ ສົມເດັດໄຊຍະເສດຖາທິຣາດ ມະຫາຣາດ ລົງໄປຍັງແຂວງອັດຕະປືແລ້ວ ໂດຍໃນລະຫວ່າງທາງທີ່ໄປຈະແວ່ເຮັດບຸນໄປນຳແຕ່ລະແຂວງເໝືອນກັບເພິ່ນຕອນຍັງມີຊີວິດຢູ່ທີ່ຄອຍຖາມຂ່າວຄາວຊາວປະຊາທຸກແຂວງໄປ ທຳອິດມື້ນີ້ແມ່ນໃຫ້ຮອດແຂວງບໍລິຄຳໄຊ.

ຫຼັງຈາກນັ້ນຈະຄ່ອຍທະຍອຍລົງໄປເລື້ອຍໆໂດຍຈະພັກແຮມຄືນດັ່ງນີ້

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ
  • ວັນທີ 28 ກໍລະກົດ ຮອດແຂວງຄຳມ່ວນ,
  • ວັນທີ 29 ກໍລະກົດ ແຂວງສະຫວັນນະເຂດ,
  • ວັນທີ 30 ກໍລະກົດ ແຂວງຈຳປາສັກ,
  • ວັນທີ 31 ກໍລະກົດ – 01 ສິງຫາ 2020 ໃຫ້ຮອດຈຸດໝາຍປາຍທາງທີ່ແຂວງອັດຕະປື ເພື່ອຈັດພິທີສະຫຼອງ ແລະ ອັງເຊີນຂື້ນປະດິດສະຖານເທິງພຣະແທ່ນອະນຸສາວະລີ ແຂວງອັດຕະປືຢ່າງເປັນທາງການ.

ມາຮອດຕົວເມືອງຕົວເມືອງປາກຊັນ ກໍ່ມີມວນຊົນມາຕ້ອນຮັບຢ່າງຄັບຄາໜາແໜ້ນ ດ້ວຍແຮງສັດທາ.

.

ພຣະເຈົ້າໄຊຍະເສດຖາທິຣາຊ ນັບເປັນວິຣະກະສັດຜູ້ຍິ່ງໃຫຍ່ຂອງອານາຈັກລາວລ້ານຊ້າງ, ເພິ່ນເປັນນັກພັດທະນາ ນັກປົກຄອງ ນັກການທູດ ແລະ ນັກຕໍ່ສູ້ປົກປ້ອງປະເທດຊາດ ຈົນເຖີງວິນາທີສຸດທ້າຍຂອງຊີວິດ,

ພຣະອົງໄດ້ພິຈາລະນາເຫັນວ່າ ນະຄອນຊຽງທອງ ເປັນເມືອງທີ່ຄັບແຄບ ບໍ່ກວ້າງຂວາງ ແລະ ເປັນເປົ້າໝາຍການຮຸກຮານຂອງສັກດີນາພະມ້າ, ໄດ້ຕັດສິນໃຈຍ້າຍນະຄອນຫຼວງ ແລະ ອັງເຊີນພຣະແກ້ວມໍຣະກົດ ຈາກນະຄອນຊຽງທອງຫຼວງພຣະບາງ ມາສ້າງນະຄອນວຽງຈັນເປັນຣາຊະທານີ ໃນປີ 1560 ແລະ ຂະໜານນາມນະຄອນນີ້ວ່າ ” ນະຄອນຈັນທະບູລີ ສີສັດຕະນາຄະນະຫຸດ ອຸດຕະມະຣາຊະທານີ”.

.

.

ພາບໂດຍ: Hongsa

LEAVE A REPLY

Please enter your comment!
Please enter your name here