ບັນດາອົງການຈັດຕັ້ງ ແລະ ພໍ່-ແມ່ປະຊາຊົນ ບ້ານດົງໝາກບ້າເມືອງເຊບັ້ງໄຟ ພ້ອມກັນສ້ອມແປງເສັ້ນທາງເຂົ້າບ້ານ

ເພື່ອເປັນການສ້າງຂະບວນການ ຕ້ອນຮັບວັນສຳຄັນຕ່າງໆຂອງຊາດ, ຂອງພັກທີ່ຈະໝູນວຽນມາບັນຈົບຄົບຮອບອີກວາລະໜຶ່ງ ດັ່ງນັ້ນ ໃນຕອນເຊົ້າຂອງວັນທີ 21 ກໍລະກົດ 2020 ນີ້ຊາວບ້ານດົງໝາກບ້າ ເມືອງເຊບັ້ງໄຟ ໄດ້ພ້ອມໃຈກັນສ້າງຂະບວນການສ້ອມແປງເສັ້ນທາງເຂົ້າບ້ານເຊິ່ງນຳພາໂດຍ ທ່ານ ໃບພອນ ພິມມະສອນ ເລຂາພັກບ້ານ ດົງໝາກບ້ານ, ທ່ານ ປັນຈາ ໄຊມະນີ ນາຍບ້ານໆ ດົງໝາກບ້າ ພ້ອມດ້ວຍອຳນາດການປົກຄອງ ແລະ ພໍ່-ແມ່ປະຊາຊົນພາຍໃນບ້ານ ຈຳນວນ 105 ຄົນ.

ຈຸດປະສົງໃນຄັ້ງນີ້ກໍ່ເພື່ອເປັນການສ້າງຂະບວນການອະນາໄມ 3 ສະອາດ, ເພື່ອເຮັດໃຫ້ການສັນຈອນໄປມາຫາສູ່ກັນຂອງພໍ່-ແມ່ປະຊາຊົນພາຍໃນບ້ານ ແລະ ການສັນຈອນໄປ-ມາລະຫວ່າງບ້ານຫາບ້ານ ໄປມາຫາສູ່ກັນມີຄວາມສະດວກສະບາຍຕື່ມ, ໃນການອະນາໄມຄັ້ງນີ້ແມ່ນໄດ້ພ້ອມກັນຖາງປ່າອອກຈາກແຄມທາງ, ສ້ອມແປງເສັ້ນທາງເຂົ້້ບ້ານ ຖົມບ່ອນທີ່ເປັນບວກ, ຂຸມ ເຊິ່ງມີຄວາມຍາວ 03 ກິໂລແມັດ ແລະ ເພື່ອປ້ອງກັນພະຍາດໄຂ່ຍຸງລາຍທີ່ກຳລັງລະບາດຢູ່ໃນ ຊ່ວຍງລະດູຝົນນີ້