ກົດຮູບເພື່ອຮັບສ່ວນຫຼຸດເລີຍພີ່ນ້ອງ



ອຸດົມໄຊ: . ກອງປະຊຸມໃຫຍ່ຜູ້ແທນອົງຄະນະພັກ ແຂວງອຸດົມໄຊ ຄັ້ງທີ IX ໄດ້ໄຂຂຶ້ນຢ່າງເປັນທາງການ ໃນວັນທີ 24 ກໍລະກົດ 2020 ເຕັມໄປດ້ວຍຄວາມເປັນລະບຽບຮຽບຮ້ອຍ, ຮັກສາໄດ້ຄວາມສະຫງົບ, ປອດໄພ ໂດຍມີ ສະຫາຍ ພັນຄຳ ວິພາວັນ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ ຮອງປະທານປະເທດ, ມີບັນດາຜູ້ແທນສົມບູນ 252 ສະຫາຍ, ຈາກບັນດາເມືອງ ອ້ອມຂ້າງແຂວງ ເຂົ້າຮ່ວມ.

ກອງປະຊຸມໃນຄັ້ງນີ້, ໄດ້ລົງເລິກສັງເກດຕີລາຄາ ບັນດາຜົນສໍາເລັດຂອງການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກແຂວງ ແລະ ການພັດທະນາເສດຖະກິດ-ສັງຄົມ 5 ປີຜ່ານມາ ແລະ ຈະໄດ້ພິຈາລະນາ, ຮັບຮອງເອົາຮ່າງລາຍງານການເມືອງ, ແຜນພັດທະນາເສດຖະກິດ-ສັງຄົມ 5 ປີ (2021-2025) ຂອງຄະນະບໍລິຫານງານພັກແຂວງ ຄັ້ງທີ IX ແລະ ປ່ອນບັດເລືອກຕັ້ງເອົາຄະນະບໍລິຫານງານພັກແຂວງ ຄັ້ງທີ IX ເພື່ອເປັນຫລັກແຫລ່ງແກ່ນສານ ສືບຕໍ່ນໍາພາປະຕິບັດໜ້າທີ່ການເມືອງ, ກໍຄື ພາລະກິດແຫ່ງການປົກປັກຮັກສາ ແລະ ສ້າງສາພັດທະນາ ແຂວງອຸດົມໄຊ ໃນ 5 ປີຕໍ່ໜ້າ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ໂອກາດດັ່ງກ່າວ, ສະຫາຍ ຄຳພັນ ເຜີຍຍະວົງ ກຳມະການສູນກາງພັກ, ເລຂາພັກແຂວງ, ເຈົ້າແຂວງອຸດົມໄຊ ໄດ້ຂຶ້ນກ່າວເປີດກອງປະຊຸມ ຢ່າງເປັນທາງການ ຫລັງຈາກນັ້ນ, ກໍໄດ້ຂຶ້ນຜ່ານບົດລາຍງານການເມືອງ ຂອງແຂວງ ໂດຍມີບາງຕອນໃຫ້ຮູ້ວ່າ: ໃນໄລຍະ 5 ປີຜ່ານມາ ແຂວງອຸດົມໄຊ ໄດ້ຖືເອົາການພັດທະນາເສດຖະກິດເປັນໃຈກາງ, ສຸມທຶນຮອນ ແລະ ປຸກລະດົມທຸກພາກ ສ່ວນເຂົ້າຮ່ວມໃນການປະຕິບັດບັນດາໂຄງການຕ່າງໆທີ່ວາງອອກ, ເປັນຕົ້ນແມ່ນສຸມໃສ່ແກ້ໄຂຄວາມ ທຸກຍາກຂອງປະຊາຊົນ, ຫັນປ່ຽນການຜະລິດແບບທໍາມະຊາດ ເຄິ່ງທໍາມະຊາດ ໄປສູ່ການຜະລິດເປັນສິນຄ້າເທື່ອລະກ້າວ, ສ້າງເງື່ອນໄຂອໍານວຍຄວາມສະດວກໃຫ້ນັກທຸລະກິດ, ຜູ້ປະກອບການທັງພາຍໃນ ແລະ ຕ່າງປະເທດ ເຂົ້າຮ່ວມການລົງທຶນພັດທະນາແຂວງ ນັບມື້ນັບຫລາຍຂຶ້ນ.

ທຸລະກິດຂະໜາດນ້ອຍ-ຂະໜາດກາງ ໃນທົ່ວແຂວງ ໄດ້ເຕີບໃຫຍ່ຂະຫຍາຍຕົວຂຶ້ນ ແລະ ປະກອບສ່ວນອັນສໍາຄັນເຂົ້າໃນການຫັນປ່ຽນໂຄງປະກອບເສດຖະກິດ ແລະ ຊ່ວຍກະຕຸກຊຸກຍູ້ເຮັດໃຫ້ເສດຖະກິດຂອງແຂວງ ຂະຫຍາຍຕົວໃນລະດັບສະເລ່ຍ 7,35%, ລວມຍອດມູນຄ່າຜະລິດຕະພັນພາຍໃນ ປີ 2020 ບັນລຸໄດ້ 3.635,26 ຕື້ກີບ ແລະ ສະເລ່ຍລາຍຮັບຕໍ່ຫົວຄົນບັນລຸໄດ້ 1.210 ໂດລາສາຫະລັດ. ການແກ້ໄຂຄວາມທຸກຍາກຂອງປະຊາຊົນ ສືບຕໍ່ຍາດໄດ້ຜົນສໍາເລັດໃໝ່ ໂດຍອັດຕາສ່ວນຂອງຄອບຄົວທຸກຍາກ ແລະ ບ້ານທຸກຍາກຫລຸດລົງຢ່າງຕໍ່ເນື່ອງ, ໄດ້ສຸມທຶນຮອນເຂົ້າໃນການພັດທະນາພື້ນຖານໂຄງລ່າງ ດ້ານກະສິກໍາ ແລະ ອຸດສາຫະກໍາປຸງແຕ່ງ, ສະໜອງການບໍລິການດ້ານເຕັກນິກ, ອຸປະກອນ, ແນວພັນສັດ, ແນວພັນພືດໄປເຖິງປະຊາຊາຊົນ ເຮັດໃຫ້ການປູກຝັງ-ລ້ຽງສັດ ມີການຫັນປ່ຽນຢ່າງຕັ້ງໜ້າ, ມູນຄ່າຜະລິດກະສິກໍາເພີ່ມຂຶ້ນ 7% ທຽບໃສ່ປີ 2015.

ພ້ອມນັ້ນ, ຍັງມີຫລາຍບ້ານ, ຫລາຍຄອບຄົວ ແລະ ຫົວໜ່ວຍທຸລະກິດ ໄດ້ກາຍເປັນຕົວແບບໃນການປູກຝັງ, ລ້ຽງສັດ, ການປຸງແຕ່ງ ແລະ ການບໍລິການ, ມີຫລາຍເມືອງ ໄດ້ສ້າງຕັ້ງກຸ່ມການຜະລິດ ຕິດພັນກັບການບໍລິການສ້າງໄດ້ສິນຄ້າ ODOP ຂອງຕົນ ແລະ ອື່ນໆ.
ສຳລັບທິດທາງແຜນການ 5 ປີໃນຕໍ່ໜ້າ ແຂວງອຸດົມໄຊ ຈະສູ້ຊົນເຮັດໃຫ້ເສດຖະກິດຂະຫຍາຍຕົວໄປຕາມທິດພັດທະນາແບບຍືນຍົງຕໍ່ເນື່ອງ, ໝັ້ນທ່ຽງ ແລະ ໜັກແໜ້ນດ້ວຍຈັງຫວະບໍ່ຫລຸດ 7,5%/ປີ, ລວມຍອດຜະລິດຕະພັນພາຍໃນໃຫ້ບັນລຸ 5.442,39 ຕື້ກີບ/ປີ, ສະເລ່ຍລາຍຮັບຕໍ່ຫົວຄົນໃຫ້ໄດ້ 1.720 ໂດລາສາຫະລັດ/ຄົນ/ປີ. ສູ້ຊົນແກ້ໄຂຄວາມທຸກຍາກ ຂອງປະຊາຊົນໃຫ້ນັບມື້ນັບຫລຸດລົງ, ຮອດປີ 2025 ສ້າງເມືອງພົ້ນທຸກໃຫ້ໄດ້ 5 ເມືອງ, ເມືອງເຂັ້ມແຂງຮອບດ້ານໃຫ້ໄດ້ 3 ເມືອງ, ຈໍານວນບ້ານທຸກຍາກ ໃຫ້ຍັງເຫລືອຕໍ່າກ່ວາ 42% ແລະ ຄົວເຮືອນທຸກຍາກໃຫ້ຍັງເຫລືອ 30%.

ສຸມທຸກກໍາລັງແຮງໃນທົ່ວອົງຄະນະພັກແຂວງ ແລະ ທົ່ວສັງຄົມ ເຂົ້າໃນການພັດທະນາແຂວງ ຕາມທິດ 4 ໃຈກາງ, ຮັບປະກັນສ້າງແຂວງໃຫ້ມີສະຖຽນລະພາບທາງດ້ານການເມືອງ ແລະ ສັງຄົມມີຄວາມສະຫງົບ ເປັນລະບຽບຮຽບຮ້ອຍຢ່າງໜັກແໜ້ນ ແລະ ມີຄວາມໝັ້ນຄົງ, ລວມຍອດຜະລິດຕະພັນພາຍໃນ ຮອດປີ 2035 ຈະໃຫ້ເພີ່ມຂຶ້ນ 2 ເທົ່າຕົວ ທຽບໃສ່ປີ 2020, ລາຍຮັບຕໍ່ຫົວຄົນໃຫ້ບັນລຸ 2.450 ໂດລາສະຫະລັດ. ປີ 2025 ສ້າງໃຫ້ໄດ້ພື້ນຖານອັນໜັກແໜ້ນ ເຮັດໃຫ້ກາຍເປັນແຂວງພັດທະນາໃນລະດັບກາງ ແລະ ຮອດປີ 2035 ໃຫ້ກາຍເປັນແຂວງພັດທະນາລະດັບດີ.


ຂ່າວ: ທະນູທອງ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here