ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ລັດຖະບານ: ກອງປະຊຸມລັດຖະບານ ສະໄໝສາມັນປະຈຳເດືອນກໍລະກົດ 2020 ໄດ້ເປີດໃນຕອນເຊົ້າວັນທີ 23 ແລະ ປິດລົງໃນຕອນທ່ຽງວັນທີ 24 ກໍລະກົດ 2020 ທີ່ ສຳນັກງານນາຍົກລັດ ຖະມົນຕີ, ພາຍໃຕ້ການເປັນປະທານ ຂອງທ່ານ ທອງລຸນ ສີສຸລິດ, ນາຍົກລັດຖະມົນຕີ; ມີບັນດາທ່ານ ຮອງນາຍົກລັດຖະ ມົນຕີ ແລະ ສະມາຊິກລັດຖະບານ ເຂົ້າຮ່ວມ. ກອງປະຊຸມຄັ້ງນີ້ ໄດ້ພ້ອມກັນຄົ້ນຄວ້າພິຈາລະນາ ແລະ ປະກອບຄຳຄິດເຫັນ ຕໍ່ບົດລາຍງານ ຈຳນວນ 4 ຫົວຂໍ້ສໍາຄັນ ດັ່ງນີ້:

ການຜັນຂະຫຍາຍ ມະຕິກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ VIII ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ເດືອນ, ຄາດ ຄະເນ 6 ເດືອນຕົ້ນປີ 2020, ທິດທາງວຽກຈຸດສຸມ 6 ເດືອນທ້າຍປີ 2020 ແລະ ການດັດແກ້ຄາດໝາຍການພັດທະນາເສດຖະກິດ-ສັງຄົມ ປະຈຳປີ 2020; ການຈັດຕັ້ງປະຕິ ບັດແຜນງົບປະມານ 5 ເດືອນຕົ້ນປີ 2020 ແລະ ການສະເໜີດັດແກ້ແຜນງົບປະມານແຫ່ງລັດ ປະຈຳປີ 2020:

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ກອງປະຊຸມ ໄດ້ຊີ້ນຳໃຫ້ບັນດາຂະແໜງການ ເພີ່ມທະວີການຈັດຕັ້ງປະຕິບັດວຽກງານຕາມພາລະບົດບາດຂອງຕົນ ຢ່າງເປັນເຈົ້າການ ແລະ ມີຄວາມຮັບຜິດຊອບສູງ ເພື່ອຮັບປະກັນການບັນລຸຕົວເລກຄາດໝາຍທີ່ສະພາແຫ່ງຊາດ ໄດ້ຮັບ ຮອງແລ້ວໂດຍສະເພາະ ການສົ່ງເສີມ ແລະ ດຶງດູດ ພ້ອມທັງອຳນວຍຄວາມສະດວກ ໃຫ້ແກ່ການລົງທຶນພາຍໃນ ແລະ ຕ່າງປະເທດ, ມາດຕະການດ້ານການເງິນ-ເງິນຕາ, ຊຸກຍູ້ການຜະລິດ ແລະ ສົ່ງເສີມການຜະລິດເປັນສິນຄ້າ ເພື່ອສະໜອງໃຫ້ແກ່ການຊົມໃຊ້ພາຍ ໃນ ແລະ ການສົ່ງອອກ, ຕິດຕາມຊຸກຍູ້ການຈັດຕັ້ງປະຕິບັດບັນດາໂຄງການໃຫຍ່ ໃຫ້ສຳ ເລັດຕາມແຜນ ເພື່ອເປັນການກະຕຸ້ນເສດຖະກິດ ເປັນຕົ້ນ ໂຄງການກໍ່ສ້າງທາງລົດໄຟ ລາວ-ຈີນ, ທາງດ່ວນວຽງຈັນ-ວັງວຽງ, ໂຄງການພະລັງງານ ແລະ ແຮ່ທາດຕ່າງໆ ; ປັບ ປຸງບັນດາລັດວິສາຫະກິດ, ຊຸກຍູ້ສົ່ງເສີມ ແລະ ຟື້ນຟູຂະແໜງການບໍລິການ ແລະ ທ່ອງ ທ່ຽວ, ພັດທະນາຊົນນະບົດ, ລຶບລ້າງຄວາມທຸກຍາກ ແລະ ອື່ນໆ.

ມອບໃຫ້ຫ້ອງວ່າການສຳນັກງານນາຍົກລັດຖະມົນຕີ ສົມທົບກັບພາກສ່ວນກ່ຽວຂ້ອງ ຮ່າງມະຕິກອງປະຊຸມລັດຖະບານ ກ່ຽວກັບການຜັນຂະຫຍາຍ ມະຕິຂອງສະພາແຫ່ງຊາດ ດັ່ງກ່າວ, ພ້ອມທັງກຳນົດແຜນງານ ແລະ ໂຄງການທີ່ຈະຈັດຕັ້ງປະຕິບັດ, ມີການຈັດລຽງບຸລິມະສິດ ສອດ ຄ່ອງກັບຄວາມສາມາດດ້ານງົບປະມານ ແລະ 11 ນະໂຍບາຍ 9 ມາດຕະການ ໃນການຊຸກຍູ້ເສດຖະກິດ.

ຄວາມຄືບໜ້າການຈັດຕັ້ງປະຕິບັດ ວຽກງານຄໍ້າປະກັນສະບຽງອາຫານ, ການຜະລິດສິນຄ້າການຊົມໃຊ້ຜະລິດຕະພັນພາຍໃນ ແລະ ການຄຸ້ມຄອງການນຳເຂົ້າສິນຄ້າ ອຸປະ ໂພກ-ບໍລິໂພກ: ໂດຍລວມເຫັນວ່າມີຄວາມຄືບໜ້າດີ, ການຜະລິດສະໜອງການຊົມໃຊ້ພາຍໃນ ສາມາດກຸ້ມຕົນເອງໄດ້ໂດຍພື້ນຖານ, ອັນພົ້ນເດັ່ນ ຊາວກະສິກອນ, ກຸ່ມຜະລິດ ແລະ ຕົວແບບດ້ານຕ່າງໆ ໄດ້ມີການຜະລິດເປັນຂະບວນກວ້າງຂວາງ ແລະ ມີປະລິມານເພີ່ມຂຶ້ນ, ດ້ານການຕະຫຼາດ ກໍ່ມີຄວາມຄ່ອງຕົວດີ. ອັນສຳຄັນ, ກອງປະຊຸມໄດ້ເນັ້ນໜັກ ໃຫ້ເອົາໃຈໃສ່ບາງບັນຫາຕື່ມ ເປັນຕົ້ນ ການກຳນົດນະໂຍບາຍ, ການເຂົ້າເຖິງແຫຼ່ງທຶນ (ເງິນກູ້) ຂອງຊາວກະສິກອນ, ການສະໜອງທຶນ ຂອງກອງທຶນສົ່ງເສີມວິສາຫະກິດຂະ ໜາດນ້ອຍ ແລະ ຂະໜາດກາງ, ເຕັກນິກວິຊາການ, ພື້ນຖານໂຄງລ່າງການຜະລິດ (ທີ່ດິນກະສິກຳ, ເຮືອນຮົ່ມ, ການສະໜອງນໍ້າ ແລະ ອື່ນໆ). ພ້ອມກັນນັ້ນ ກໍ່ໃຫ້ກະຊວງອຸດສາຫະກຳ ແລະ ການຄ້າ ສົມທົບກັບກະຊວງກະສິກຳ ແລະ ປ່າໄມ້ ແກ້ໄຂບັນຫາຕ່າງໆ ທີ່ຕິດພັນກັບການສົ່ງອອກສິນຄ້າກະສິກຳໄປຕ່າງປະເທດ.

ການກຳນົດໂຄງສ້າງລາຄານໍ້າມັນເຊື້ອໄຟ ຕາມດຳລັດ ສະບັບເລກທີ 331/ນຍ, ລົງວັນທີ 27 ຕຸລາ 2017 ວ່າດ້ວຍທຸລະກິດນໍ້າມັນເຊື້ອໄຟ: ກອງປະຊຸມ ໄດ້ຊີ້ນຳໃຫ້ກະຊວງອຸດສາຫະກຳ ແລະ ການຄ້າ ສົມທົບກັບກະຊວງການເງິນ ແລະ ພາກສ່ວນທີ່ກ່ຽວຂ້ອງ ນຳໄປຄົ້ນຄວ້າຕື່ມ ຕາມການປະກອບຄຳເຫັນຂອງສະມາຊິກລັດຖະບານ ໂດຍສະເພາະ ການກຳນົດມາດຖານ-ເງື່ອນໄຂ ແລະ ການດັດສົມປະເພດທຸລະກິດນໍ້າມັນເຊື້ອໄຟ, ໂຄງສ້າງດ້ານລາຄາ, ວິທີການໃນການຈັດຕັ້ງປະຕິບັດ ແລະ ອື່ນໆ ໂດຍໃຫ້ເບິ່ງບົດຮຽນຂອງຕ່າງປະເທດຕື່ມ. ຫຼັງຈາກນັ້ນ ໃຫ້ນໍາຜົນການຄົ້ນຄວ້າ ມາລາຍງານຕໍ່ກອງປະຊຸມນາຍົກ-ຮອງນາຍົກລັດຖະມົນຕີ.

ທິດທາງການຜັນຂະຫຍາຍ ຜົນການພົບປະ ສສ ຫວຽດນາມ ແລະ ສປ ຈີນ, ທິດຜັນຂະຫຍາຍຜົນການປຶກສາຫາລື ກ່ຽວກັບການຜ່ອນຜັນມາດຕະການ ໃນການປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດ COVID-19 ກັບ ສສ ຫວຽດນາມ ແລະ ສປ ຈີນ: ກອງປະຊຸມ ໄດ້ຊີ້ນຳໃຫ້ກະຊວງການຕ່າງປະເທດ ສົມທົບກັບພາກສ່ວນກ່ຽວຂ້ອງ ປັບປຸງເນື້ອໃນເອກະສານດັ່ງກ່າວຄືນ ຕາມການປະກອບຄໍາເຫັນຂອງສະມາຊິກລັດຖະ ບານ ແລະ ກະກຽມໄປລາຍງານ ຕໍ່ກອງປະຊຸມກົມການເມືອງ ໃນຕົ້ນເດືອນສິງຫາ 2020. ພາຍຫຼັງກອງປະຊຸມກົມການເມືອງຮັບຮອງເອົາແລ້ວ ມອບໃຫ້ຫ້ອງວ່າການສໍານັກງານນາຍົກລັດຖະມົນຕີອອກແຈ້ງການໃຫ້ບັນດາຂະແໜງການກ່ຽວຂ້ອງ ຈັດຕັ້ງຜັນຂະຫຍາຍ ດ້ວຍຈິດບຸກທະລຸ ແລະ ໃຫ້ໄດ້ຮັບໝາກຮັບຜົນດີ.

ໃນຕອນທ້າຍ, ກອງປະຊຸມ ຍັງໄດ້ຊີ້ນຳໃຫ້ບັນດາຂະແໜງການ ເພີ່ມທະວີຄວາມເອົາໃຈໃສ່ ຈັດຕັ້ງປະຕິບັດວຽກງານໃນເດືອນສິງຫາ 2020 ເປັນຕົ້ນ:

  • ສືບຕໍ່ຮັກສາສະຖຽນລະພາບ ທາງດ້ານການເມືອງ, ເຮັດໃຫ້ສັງຄົມມີຄວາມສະຫງົບ, ເປັນລະບຽບຮຽບຮ້ອຍ, ສະກັດກັ້ນປະກົດການຫຍໍ້ທໍ້ໃນສັງຄົມ ເປັນຕົ້ນ ການຄາດຕະກໍາ, ປຸ້ນຈີ້ຊິງຊັບ, ອຸປະຕິເຫດ, ອາລະວາດຕີກັນ, ຂີ້ລັກງັດແງະ, ອັກຄີໄພ, ບັນຫາສິ່ງເສບຕິດ, ການນຳໃຊ້ສື່ອອນລາຍໃນທາງທີ່ບໍ່ດີ ແລະ ອື່ນໆ ໂດຍມີມາດຕະການທີ່ເຂັ້ມງວດ ເພື່ອເຮັດໃຫ້ບັນຫາເຫຼົ່ານັ້ນຫຼຸດໜ້ອຍຖອຍລົງ;

  • ສືບຕໍ່ສຸມໃສ່ການເກັບລາຍຮັບ ໃຫ້ຄົບຖ້ວນ ເພື່ອຮັບປະກັນໃຫ້ໄດ້ຕາມແຜນ; ຄຸ້ມຄອງລາຍຈ່າຍ ໂດຍຮັບປະກັນການເບີກຈ່າຍເງິນເດືອນ ໃຫ້ທັນການຕາມກຳນົດເວລາ ທັງຢູ່ສູນກາງ ແລະ ທ້ອງຖິ່ນ.

  • ໃຫ້ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19; ຄົ້ນຄວ້າກຳນົດບັນດາມາດຕະການ ພາຍຫຼັງວັນທີ 31 ກໍລະກົດ 2020.

  • ຕິດຕາມເຝົ້າລະວັງການລະບາດພະຍາດໄຂ້ຍຸງລາຍ ແລະ ພະຍາດຕິດຕໍ່ອື່ນໆ ໃນຊ່ວງລະດູຝົນນີ້ ຢ່າງໃກ້ຊິດ, ພ້ອມທັງປະຕິບັດມາດຕະການປ້ອງກັນ ແລະ ຄວບຄຸມ ຢ່າງເຂັ້ມງວດ ເພື່ອຮັບປະກັນການຮັບມື ແລະ ແກ້ໄຂ ຢ່າງທັນການ.

  • ຊຸກຍູ້ສົ່ງເສີມການຜະລິດ, ສຸມໃສ່ການຜະລິດລະດູຝົນປີ 2020 ໃຫ້ບັນລຸຕາມແຜນ, ຮີບຮ້ອນແກ້ໄຂບັນຫາສັດຕູພືດ ;

  • ສືບຕໍ່ຕິດຕາມສະພາບດິນຟ້າອາກາດ ພ້ອມທັງແຈ້ງເຕືອນໃຫ້ປະຊາຊົນຊາບ ແລະ ກຽມຮັບມືຢ່າງທັນການ.

  • ສືບຕໍ່ເອົາໃຈໃສ່ກະກຽມການຮຽນ-ການສອນ, ການສອບເສັງ ມ4-ມ7 ໃຫ້ມີປະສິດທິຜົນ ແລະ ມີຄຸນນະພາບ, ນັບທັງຄົ້ນຄວ້າການຮຽນ-ການສອນ ໃນການຫັນເປັນທັນສະໄໝໃຫ້ຫຼາຍຂຶ້ນ.

ຂ່າວແລະພາບ: ກົມປະຊາສຳພັນ ສພນັກງານນາຍົກລັດຖະມົນຕີ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here