ຕື່ນທັງຝັນ ຝົນຕົກຫນັກນ້ຳຖ້ວມກຸຕິວັດພະຂາວ

ນະຄອນຫຼວງວຽງຈັນ: ລາຍງານຈາກ ຄູບາວັດພະຂາວ ໃຫ້ຮູ້ ໃນເວລາໃກ້ຊິແຈ້ງ ເຊົ້າວັນທີ 23 ກໍລະກົດ 2020 ຝົນຕົກໜັກນໍ້າຖ້ວມ

ຄູບາບອກວ່າ: ໄດ້ຍິນແຕ່ສຽງເມັດຝົນຕົກໃສ່ຫຼັງຄາກຸດຕິ ບາດແຮງບາດຄ່ອຍ ເຫັນສຽງຟ້າແມບເຫຼືອມສອດສ່ອງເຂົ້າທາງປ່ອງຢ້ຽມທີ່ເປີດໄວ້ ປະສານກັບສຽງພະສົງ-ສາມະເນນ ທີ່ພວມຟັ່ງຟ້າວຍ້າຍເຄື່ອງຂອງທີ່ຫ້ອງນອນໄປໄວ້ທີ່ສູງ ພໍປານກັບມົດຍ້າຍຮັງ.

ຝົນຕົກບໍ່ພໍເທົ່າໃດນາທີນໍ້າກໍ່ລົ້ນເຕັມແລ້ວ, ທີ່ວັດພະຂາວ ເມືອງໄຊທານີ ນະຄອນຫຼວງວຽງຈັນ 23/7/2020. ບັນດາພຣະສົ່ງສາມະເນນ ຈິ່ງໄດ້ຟ້າວຂົນຍ້າຍເຄື່ອງຂອງໜີນໍ້າອຶກກະທຶກ.

.

.

ເຕືອນໄພທຸກທ່ານ ໃຫ້ລະມັດລະວັງ ນໍ້າຖ້ວມໃນລະດູຝົນ