26.1 C
Laos
Tuesday, October 26, 2021

LIVE ພິທີເຄື່ອນຍ້າຍຮູບຫລໍ່ ເຈົ້າໄຊຍະເສດຖາທິຣາຊ ຊົງຊ້າງ ສູ່ເດີນພຣະທາດຫຼວງ

ຂ່າວເດັ່ນອາທິດນີ້


ຮູບຫລໍ່ ເຈົ້າໄຊຍະເສດຖາທິຣາຊ ຊົງຊ້າງ ໄດ້ເຄື່ອນມາທີ່ ເດີ່ນພຣະທາດຫຼວງວຽງຈັນ
ໃນຕອນເຊົ້າວັນທີ່ 21 ກໍລະກົດ 2020

🔴 Live 1

🔴 Live 2

ພາບປະຫວັດສາດ

ພາບໂດຍ: ປະກາດ Pakaad

ພິທີສະເຫຼີມສະຫຼອງຮູບປັ້ນພະເຈົ້າໄຊຍະເສດຖາທິຣາຊ ຊົງຊ້າງ ຈະໄດ້ຈັດຂຶ້ນຢ່າງເປັນທາງການໃນວັນທີ 21- 26 ກໍລະກົດ 2020 ນີ້, ທີ່ ຫໍທຳມະສະພາ, ນະຄອນຫຼວງວຽງຈັນ,

ພາບໂດຍ: ປະກາດ Pakaad

ເຊິ່ງທຸກໆມື້ຈະມີການຮັບ ໂມທະນາທານຈາກພາກສ່ວນຕ່າງໆຕາມກຳລັງສັດທາ ແລະ ເຮັດພິທີທາງສາສະໜາມີການໄຫວ້ພະຮັບສິນ, ຟັງທຳມະເທສະໜາຕະຫຼອດ 6 ມື້ 5 ຄືນ,

ພາບໂດຍ: ປະກາດ Pakaad

ສ່ວນຕອນເຊົ້າຂອງວັນທີ 27 ກໍລະກົດ 2020 ຈະໄດ້ເຄື່ອນຍ້າຍອອກ ຈາກຫໍທຳມະສະພາ, ນະຄອນຫຼວງວຽງຈັນ ເພື່ອໄປຄົບງັນຢູ່ ແຂວງບໍລິຄຳໄຊ, ຄຳມ່ວນ, ສະຫວັນນະເຂດ ແລະ ແຂວງຈຳປາສັກ ແຂວງລະ 1 ຄືນ

ພາບໂດຍ: ປະກາດ Pakaad

ຈົນຮອດ ແຂວງອັດຕະປືໃນວັນທີ 31 ກໍລະກົດ 2020 ແລ້ວເຮັດພິທີອັງເຊີນ ຂຶ້ນປະດິດສະຖານໄວ້ຢູ່ທີ່ອະນຸສາວະລີພະເຈົ້າໄຊຍະເສດຖາທິ ລາດ, ທີ່ບ້ານຫາດຊາຍຂາວ ເມືອງໄຊເສດຖາ ແຂວງອັດຕະປື ແລະ ເຮັດພິທີຄົບງັນຢູ່ທີ່ນັ້ນ 1 ຄືນ

ພາບໂດຍ: ປະກາດ Pakaad

ປະຫວັດຄວາມເປັນມາຂອງໂຄງການກໍ່ສ້າ ອະນຸສາວະລີ ສົມເດັດພຣະເຈົ້າໄຊຍະເສດຖາທິຣາຊ ເພື່ອໄປປະດິດສະຖານທີແຂວງອັດຕະປື

ອະນຸສາວະລີ ພຣະບາດສົມເດັດພຣະເຈົ້າໄຊຍະເສດຖາທິຣາດມະຫາຣາຊ ສ້າງຂຶ້ນ ເພື່ອຈາຣຶກ ຄຸນງາມຄວາມດີ ເຊີດຊູກຽດສັກສີ ຂອງວິຣະກະສັດລາວລ້ານຊ້າງ ຜູ້ສະຫຼຽວສະຫຼາດອົງອາດກ້າແກ່ນ,ມີຄວາມປີຊາສາມາດເປັນແວ່ນແຍງອັນໃສແຈ້ງແກ່ລູກຫລານໄດ້ສືບທອດກັນມາຫລາຍເຊັ່ນຄົນຈົນທຸກວັນນີ້ແລະຊົ່ວກາລະນານ


ເຈົ້າຂອງໂຄງການ ແມ່ນ ອົງການປົກຄອງທ້ອງຖິ່ນແຂວງອັດຕະປື, ມີ ພະນະທ່ານ ຈູມມາລີ ໄຊຍະສອນ, ອະດີດເລຂາທິການໃຫຍ່, ອະດີດປະທານປະເທດ ພ້ອມດ້ວຍພັນລະຍາ ເປັນປະທານທີ່ປຶກສາກິຕິມະສັກ ເປັນຜູ້ຊີ້ນຳ – ນຳພາການກໍ່ສ້າງ, ບໍລິສັດວັງຕັດຂຸດຄົ້ນບໍ່ແຮ່ຈຳກັດ ເປັນຜູ້ຮັບຜິດຊອບ ວຽກງານອອກແບບ, ເທທອງຫລໍ່ ແລະ ການກໍ່ສ້າງທັງຫມົດ.


ຮູບຫລໍ່ເໝືອນ ພຣະບາດສົມເດັດພຣະເຈົ້າໄຊຍະເສດຖາທິຣາຊ ມະຫາຣາຊ ຊົງປະທັບຊ້າງປະທານພອນ ຖືກຫລໍ່ດ້ວຍທອງເຫຼືອງ ເນື້ອບໍລິສຸດ ນ້ຳຫນັກລວມ ໑໘ ໂຕນ, ມູນຄ່າກໍ່ສ້າງທັງຫມົດ ໓໘ ຕື້ກີບ, ທຶນຮອນໃນການກໍ່ສ້າງ ແມ່ນມາຈາກ ການປະກອບສ່ວນສົມທົບທຶນ ຂອງທົ່ວປວງຊົນເຊື້ອຊາດລາວ ທັງພາຍໃນ ແລະຕ່າງປະເທດ ແລະການອຸປະຖຳຫລັກ ຂອງໂຄງການບໍ່ຄຳວັງຕັດ ເມືອງຊານໄຊ ແຂວງອັດຕະປື.

ວັນທີ 29 ມິຖຸນາ ຄ.ສ 2018 ກົງກັບມື້ຂຶ້ນ ໑໓ ຄ່ຳເດືອນ ໖ ພ.ສ ໒໕໖໑ ເປັນມື້ວາງສີລາຈາຣຶກ. ວັນທີ 06 ກຸມພາ ຄ.ສ 2020 ກົງກັບມື້ຂຶ້ນ ໑໓ ຄ່ຳ ເດືອນ ໓ ພ.ສ ໒໕໖໒ ເປັນມື້ເທທອງຫລໍ່ສຽນ ຢູ່ທີ່ວັດທາຕຸພຣະໄຊ ເມືອງ ໄຊເສດຖາ ແຂວງອັດຕະປື.

ວັນທີ 23 ກໍລະກົດ ຄ.ສ 2020 ກົງກັບມື້ຂຶ້ນ ໓ ຄ່ຳ ເດືອນ ໙ ພ.ສ ໒໕໖໓ ຂະບວນແຮ່ ຈາກນະຄອນຫຼວງວຽງຈັນ ລົງມາ ແຂວງອັດຕະປື ໃຊ້ເວລາ ໕ ມື້ ໕ ຄືນ. ຕາມແຜນການ ທີ່ກຳນົດໄວ້ນັ້ນ ແມ່ນວັນທີ 28 ພະຈິກ ຄ.ສ 2020 ກົງກັບມື້ ຂຶ້ນ ໑໓ ຄ່ຳ ເດືອນ ຈຽງ ເດືອນ ໑ ພ.ສ ໒໕໖໓ ເປັນມື້ສົມໂພດ.

ຂອບໃຈ : Info: Vangtat mining
Photo: ມວຍວັກກຣາຟຟິກ

ຮຽບຮຽງໂດຍ: Houmphet Manisouk / Art and Culture of Laos

- Advertisement -
- Advertisement -

ເລື່ອງລາວຫຼ້າສຸດມື້ນີ້