ຕາມລາຍງານຈາກໜ່ວຍກູ້ໄພ ແຂວງຫລວງພະບາງໃນວັນທີ 20 ກໍລະກົດ 2020 ເວລາ 11:54ນາທີ ໄດ້ຮັບແຈ້ງເຂົ້າເບີ 0711625 ວ່າມີຄົນເສຍຊີວິດຢູ່ທີ່ບ້ານ ສາມັກຄີໄຊ ເມືອງຊຽງເງິນ

ເມື່ອທີມງານຫນ່ວຍກູ້ຊີບອົງການກາແດງລາວ ໄດ້ອອກກວດສອບເຫດພົບຄົນເສຍຊີວິດເພດຊາຍ 1 ຄົນ ຕົກຢູ່ໃນຖັງຕົ້ມຢາງ (ຢາງຫມາກຕອຍ) ຈາກສະພາບສົບຄາດວ່າຜູ້ກ່ຽວອາດຈະເສຍຊີວິດໄດ້ 2-3 ວັນ.

ສຳລັບຕອນນີ້ແມ່ນຍັງບໍ່ມີໃຜຮັບຮູ້ຂໍ້ມູນສ່ວນຕົວຂອງຜູ້ກ່ຽວວ່າເປັນຄົນບ້ານ,ເມືອງ, ຫລືແຂວງໃດ ເພາະບໍ່ພົບເຫັນຫລັກຖານຫລືເອກະສານໃດກ່ຽວກັບຜູ້ເສຍຊີວິດ

ສ່ວນຮ່າງກາຍແມ່ນເປື່ອຍແລະເຫລືອແຕ່ບາງພາກສ່ວນເທົ່ານັ້ນ. ສາເຫດຂອງການເສຍຊີວິດແມ່ນຢູ່ໃນການສອບສວນຂອງເຈົ້າຫນ້າທີ່ຕຳຫລວດ.

ດັ່ງນັ້ນທາງທີມງານຫນ່ວຍກູ້ຊີບອົງການກາແດງລາວຈື່ງໄດ້ທຳການຫໍ່ສົບແລ້ວນຳສົ່ງໄປໂຮງເຢັນໂຮງໝໍແຂວງຫລວງພະບາງ.

ຂໍສະແດງຄວາມເສຍໃຈກັບເຫດການຄັ້ງນີ້ດ້ວຍ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here