ກົດຮູບເພື່ອຮັບສ່ວນຫຼຸດເລີຍພີ່ນ້ອງ
ເນື່ອງໃນໂອກາດ ວັນອານຸລັກ ສັດນ້ຳ-ສັດປາ ແຫ່ງຊາດ ເມືອງປາກທາ ໄດ້ຈັດພິທີ ປ່ອຍປາ ແຫ່ງຊາດ ຂື້ນທີ່ວັງສະຫງວນ ກ້ອງຂົວຂ້າມປາກນ້ຳທາ ບ້ານໃຫຍ່ປາກທາ ແຂວງບໍ່ແກ້ວ, ເປັນກຽດເຂົ້າ໋ວມຂອງທ່ານ ທອງຈັນ ອິນທະພອນ ຄະນະປະຈຳພັກເມືອງ ຜູ້ຊີ້ນຳ ບ້ານໃຫ່ຍປາກທາ ມີຮອງຫົວໜ້າຫ້ອງການ ກະສິກຳ ແລະ ປ່າໄມ້ເມືອງ ເລຂາຄະນະພັກຮາກຖານ ອຳນາດການປົກຄອງບ້ານ ແຂກຖືກເຊີນຂອງເມືອງ ປະຊາຊົນພາຍໃນບ້ານ ແລະ ບ້ານອ້ອມຂ້າງເຂົ້າຮວມ.
ທ່ານ ຊຽງ ເຮືອງ ພົມມະຈັນ ກຳມະການພັກເມືອງ ເລຂາຄະນະພັກຮາກຖານ, ນາຍບ້ານໃຫ່ຍປາກທາ ໄດ້ກ່າວວ່າ: ປະເທດລາວເຮົາ ເວົ້າລວມ ເວົ້າສະເພາະກໍ່ຄື ແຂວງບໍ່ແກ້ວ ຜ່ານມາແມ່ນມີຄວາມອຸດົມສົມບູນໄປດ້ວຍພູຜາປ່າໄມ້ ແລະ ສັດນ້ຳ-ສັດປ່ານາໆຊະນິດ ແຕ່ມາເຖິງປັດຈຸບັນ ເຫັນວາສັດນ້ຳ-ສັດປ່າແຕ່ລະຊະນິດໄດ້ຫລຸດໜ້ອຍຖອຍລົງ ຈາກການລ່າດ້ວຍວິທີແບບດັບສູນ, ຮ້າຍແຮງໄປກ່ວານັ້ນ ຍັງເປັນການທຳລາຍແຫລ່ງທີ່ຢູ່ອາໃສຂອງສັດນ້ຳ-ສັດປ່າ
ຝາກເວັບໄຊຂອງທ່ານທີ່ໂຮສນີ້ດີທີ່ສຸດ
ກົດຮູບເພື່ອຮັບສ່ວນຫຼຸດເລີຍພີ່ນ້ອງ
foodpanda ສັ່ງອາຫານໄດ້ຕາມໃຈທ່ານ
ດັ່ງນັ້ນ ເພື່ອເປັນການປົກປັກຮັກສາອານຸລັກໄວ້ບໍ່ໃຫ້ສູນພັນ, ພວກເຮົາຕ້ອງໄດ້ຮ່ວມແຮງຮ່ວມໃຈກັນປົກປັກຮັກສາ ແລະຂະຫຍາຍພັນເພີ່ມຕື່ມໃຫ້ຫລາຍຂື້ນ ໂດຍສະເພາະລະດູຝົນນີ້ ແມ່ນລະດູສັດນ້ຳ-ສັດປ່າທຸກຊະນິດກຳລັງຖືພາວາງໄຂ່ ຫ້າມບໍ່ໃຫ້ມີການລ່າສັດນ້ຳ-ສັດປ່າແບບຊະຊາຍ ເຊັ່ນ: ໃຊ້ປືນ,ໃຊ້ລະເບີດ,ໃຊ້ທາດເບືອ,ໃຊ້ໄຟຟ້າຈີ້ຊ໋ອດ ແລະ ເຄື່ອງມືອື່ນໆທີ່ຜິດຕໍ່ລະບຽບກົດໝາຍ ເຊິງປາ ທີ່ນຳມາປ່ອຍຄັ້ງນີ້ ປະກອບມີ ປາຕະພຽນຂາວ, ປາໄນ ແລະ ປານວນຈັນ ລວມທັງໝົດ 5.000 ກ່ວາໂຕ, ນອກຈາກການປ່ອຍປາຢູ່ວັງສະຫງວນກ້ອງຂົວຂ້າມປາກນ້ຳທາຄັ້ງນິ້ແລ້ວ ທາງຫ້ອງການ ກະສິກຳ ແລະ ປ່າໄມ້ເມືອງ ຍັງຈະໄດ້ສືບຕໍ່ລົງຊຸກຍູ້ສົ່ງເສີມໃຫ້ປະຊາຊົນ, ນັກທຸລະກິດ ພ້ອມໃຈກັນຊື້ປາ ມາປ່ອຍເຂດວັງສະຫງວນຂອງບ້ານ ແລະ ໜອງ ຂອງພໍ່ແມ່ປະຊາຊົນ ຄາດວ່າຈະປ່ອຍໃຫ້ໄດ້ຢູ່ 4 ແສນກວ່າໂຕ.
ທັງນີ້ກໍ່ເພື່ອເປັນການອານຸລັກ ປົກປັກຮັກສາສັດນ້ຳ-ສັດປ່າ ແລະ ເຮັດໃຫ້ປະຊາກອນສັດນ້ຳເພີ້ມຂື້ນ ໃຫ່ມີຄວາມອຸດົມສົມບູນ ເປັນການປູກຈິດສຳນຶກໃຫ້ພໍ່ແມ່ປະຊາຊົນ, ນັກທຸກລະກິດ ໄດ້ຮູ້ເຖິງວັນອານຸລັກສັດນ້ຳ-ສັດປ່າ, ວັນປ່ອຍປາແຫ່ງຊາດຄັ້ງນີ້.
ພາບ-ຂ່າວ: ພອຍສະຫວັນ ມະນີສີ.
---------------
ຢ່າລືມກົດຕິດຕາມເພຈ All in LAOS
------------------------------
